योहान्‍ना 3:5 - ॱलोवा

⁵ येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 3:5 Iomraidhean Croise

मेथा 18:3

धेनी सुवालाक, “ङा खेक्‍याला धेन्‍पाराङ ॱनाहीन, खेक्‍या सेम ग्‍युरती, दे टु दे च्‍योक्‍रे मीझ्‍युङना, खेक्‍या नामा नाम्‍खे ग्‍यासी नाङदु जु ॱमीथुक्‍कीलाक।

मेथा 19:24

याङ ङा खेक्‍याला ॱनाहीन, मी क्षुक्‍पु च्‍यीक को़न्‍क्षोकगी ग्‍यासीला डोयेला ल्‍हाक, सेम्‍चेन ॱनाउ च्‍यीक खापगी ॱमीउ नाङने जुयेला लेल्‍हा हो़टु।”

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मेथा 5:20

घीझ्‍येरी ॱनाना ङा खेक्‍याला ॱनाहीन, खेक्‍याई ढाङतेन क्षो़ठीमगी ॱलोपो़नक्‍या धाङ फारुसीपाक्‍याने ल्‍हाक मेना, खेक्‍या नाम्‍खे ग्‍यासीदु नामाः ॱमीछी़गीलाक।

मारकु 10:14

हीना येशुगी होदे शीक्‍ती, थुक्‍ठो़ लारी खुङक्‍याला सुवालाक, “टुवाक्‍याला ॱमाकाक, ङाचारु हुङदु च्‍युक घीझ्‍येरी ॱनाना को़न्‍क्षोकगी ग्‍यासी देक्‍या च्‍योक्‍रे, मीक्‍याई छीला लाक।

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

मारकु 9:47

धेनी ख्‍यी़ ॱमीकगी ख्‍यो़ला धीक्‍पा झ्‍यीदु च्‍युक्‍ना, होदे तो़न्‍दी ॱयुक। ख्‍यी़ ॱमीक ङीगारा झ्‍येरी ॱङ्यावादु डोयेला ल्‍हाक, ॱमीक च्‍यीक मेता को़न्‍क्षोकगी ग्‍यासीला डोना घा लाक।

लुका 13:24

“घो दोक्‍वाने जुयेला घी थुप-थुप थापस्‍यी झ्‍यी, घीझ्‍येरी ॱनाना ङा खेक्‍याला ॱनाहीन, मी माङक्षेगी होदेने जुयेगी थापस्‍यी झ्‍यीगीलाक हीना ॱमीथुप्‍कीलाक।

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:4

नेकोदेमगी खोङबाला श्‍यी़वालाक, “मी च्‍यीक खा घेसारती, घाङगी झ्‍येरी केथुक्‍कीले? खो खोरी आमे फोवा नाङदु, थेङ ॱङीवा जुरी के थुक्‍वाले?”

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

रोमापा 8:2

घीझ्‍येरी ॱनाना छे ॱनाङगीन धाम्‍पे थुक्‍ङीगी वाङगी, मास्‍यीका येशुगी थोक्‍ने, खेक्‍याला धीक्‍पा धाङ छीवागी वाङने थारपा जे हो़तालाक।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

१ कोरीन्‍थुपा 6:11

धेनी खेक्‍या नाङने रीङगा एम्‍मा देरे हो़तालाक। हीना चोवो येशु मास्‍यीकागी छेन धाङ होरी को़न्‍क्षोकगी थुक्‍ङीगी थोक्‍ने, खेक्‍या चाङमा धाङ धाम्‍पा धाङ ढाङपो जेपालाक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 5:26

दीगी दो़नगो, क्षो़छोकला धाम्‍पा जेयेगी क्षीला कागी थोक्‍ने, क्षुगी ठी़री चाङमा जेपालाक।

१ पेटो 1:2

याप को़न्‍क्षोकगी एम्‍मानेराङ खेक्‍याला खेन्‍दा जेदी दामा जेपालाक धेनी खोङबागी थुक्‍ङीगी थोक्‍ने, खेक्‍याला धाम्‍पा जेपालाक। होझ्‍येरी खेक्‍याई येशु मास्‍यीकाला चीरी, खोङबागी कुठाकगी थोक्‍ने खेक्‍या चाङमा झ्‍युङ हो़तालाक। को़न्‍क्षोकगी खेक्‍याला, थुक्‍जे धाङ श्‍यीदे मेछो़ली ॱनाङास्‍योक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।