35 यापगी सेला झाम्पा जेदी, घीरी सेगी क्षाकदु ॱनावालाक।
“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्येलालाक धेनी से धाङ सेगी यापला तो़न्ये दो़पा हो़गीन मीक्याई माना, खोङला सी़या ङो ॱमेस्येलालाक।
पेटोगी लाब ताङी-ताङी, खोङबाक्याला ॱरीङबा काउ च्यीकगी ढीम्बालाक। धेनी ॱरीङबा साङने सुङकेक च्यीकगी देरे सुवालाक, “दे नी ङी चेवे से हीन। दीमुला ङा ॱमीच्यीकी ङ्यामो घा हो़क। खोङला ङेन।”
धेनी येशु खुङक्याचारु फेप्ती सुवालाक, “ॱनाम्सा ॱङीगी वाङ घीरी ङाला ॱनाङ हो़तालाक।
धेनी नाम्खाने सुङकेक च्यीकगी, “दे ङी चेवे से हीन। ङा खी़मुला ॱमीच्यीकी ङ्यामो घा हो़क।” सुरी सुवालाक।
“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्येलालाक। याङ से धाङ सेगी तो़न्ये दो़पा जेगीन मीक्या माना, याप सु हीन्गीनगो सुला स्येये मेतालाक।”
येशुगी यापगी दो़न घीरी, खोङगी लाकला ॱनाङ हो़गीन धाङ को़न्क्षोकने होवा धाङ को़न्क्षोकगी डुङदु लोकग्यु हीन्गीनगो खेन्बालाक।
“यापगी ङाला चेवा जेगीन च्योक्रे, ङीयाः खेक्याला चेवा झ्येहो़क। खेक्या ङी चेवे नाङदु ॱने च्यीक।
घीझ्येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।
खुङक्या ॱङोन्ने सेम च्यीकला ग्युरयेगी क्षीदु, ङा खुङक्या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्पा धाङ खेराङगी ङाला झाम्पा जेगीन च्योक्रे, खुङक्याला झाम्पा जेपालाक ॱनेरी जीक्तेनगी ॱहाघोरकीलाक।
खेराङगी ङाला जेगीन चेवा दे, खुङक्याई नाङ ॱनेये धाङ ङा खुङक्या नाङ ॱनेयेगी क्षीदु, ङी खेराङगी छेन खुङक्याला ॱङो़न्दु च्युकहो़क धेनी देरे झ्येरी च्योई ॱङो़न्दु च्युक्येहीन।”
घीझ्येरी ॱनाना यापगी सेला झाम्पा जेदी, राङगी जेगीन घीरी सेला तो़न्दा जेदालाक। धेनी खेक्या ॱहाङसाङदु च्युक्येला, देने ल्हाक क्षाक्ले क्षे खोङबागी सेला तो़न्दा जेगीलाक।
यापगी सी़ च्यीकगीया ठीम्चो़ मेजेदालाक हीना घीरीगी यापला चीगीन च्योक्रे सेला चीलास्योक ॱनेरी, ठीम चेयेगी क्षाक्ले घीरी सेला ॱनाङ हो़तालाक। सेला ॱमीचीगीनक्याई खोङबाला ॱङाक्कीन यापलाः ॱमीचीगीलाक।
घीझ्येरी ॱनाना को़न्क्षोकगी “ॱङोपो घीरी खोङगी श्याप होकदु श्याक जे हो़तालाक।” धा “ॱङोपो घीरी खोङगी वाङ होकदु श्याक जे हो़तालाक।” ॱनी घाङला घीरी मास्यीकागी वाङ होकदु श्याक जेगीन को़न्क्षोक नी, खोङगी वाङदु मेगीनगो सावो तो़न्दालाक।
धेनी को़न्क्षोकगी घीरी मास्यीकागी श्याप होकदु श्या जेपालाक। धेनी क्षो़छोकगी क्षीदु खोङबाला घीरीगी उ को़ ॱनावालाक।
हीना दे थामे धी़क्याला, खोङबागी राङगी सेगी थोक्ने, होराङक्याला का ॱनाङ हो़तालाक। धेनी राङगी सेला ॱङोपो घीरीगी खाला ग्युज्यीन को़वालाक धेनी खोङगी थोक्नेराङ जीक्तेन खाम घीरी को़ जेपालाक।
खोङबा नाम्खे श्यीङखामदु फेप्ती धेनी को़न्क्षोकगी क्षाक ॱये स्योकला श्युक हो़तालाक। धेनी नाम्खे भाङछेनक्या धाङ वाङ धाङ नी़थु हो़गीन सेम्ङीक्या, खोङबागी होकला हो़तालाक।
