योहान्‍ना 3:33 - ॱलोवा

³³ खोङबागी पाङपो जेगीनला खेलेन्‍गीनक्‍याई, को़न्‍क्षोक धेन्‍पा हीन्‍गीनगी पाङपो झ्‍यीदालाक।

योहान्‍ना 3:33 Iomraidhean Croise

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

रोमापा 15:28

होझ्‍येरी दे लेगा दे शीम्‍दी, खुङक्‍याई क्षीदु धी़दा श्‍यान्‍देप दे लाक्‍पाला ची ग्‍याप सारती, ङा खेक्‍याचारु थुक्‍ती स्‍पेनला डोयेहीन।

रोमापा 4:11

आब्‍राहामगी पाउ चेगीन ताक माग्‍याप घाङलाराङ, खोङगी धेपागी झ्‍येरी ढाङपो चीचागी ताकगी क्षीदु, खोङला पाउ चेगीन ताक दे थोप्‍पालाक। दी ॱमीक्‍यु नी, पाउ चेदी ताक माग्‍यापक्‍या हीना धेपा झ्‍यीगीन घीरीगी यापगो, खोङला को़येगी क्षीदु लाक। धेनी खुङक्‍याला धेपागी झ्‍येरी ढाङपो चीगीलाक।

१ कोरीन्‍थुपा 9:2

मी श्‍येम्‍माक्‍याई क्षीदु ङा कुछाप च्‍यीक मेन्‍नाः, खीकी क्षीदु ङा हीन। घीझ्‍येरी ॱनाना चोवोगी नाङ, ङा कुछाप च्‍यीक हीन्‍गीनगी ताकगो खेक्‍या लाक।

२ कोरीन्‍थुपा 1:18

हीना को़न्‍क्षोक ॱलोते छोक्‍पा हो़गीन च्‍योक्‍रे, हीकी खेक्‍याला “लाक” धाङ “मालाक” ॱनागीनगी तामक्‍या ॱमास्‍येहो़क।

२ कोरीन्‍थुपा 1:22

धेनी खोङबागी होराङक्‍या खाला, राङगी हीन्‍गीनगी थेचे ग्‍याप जे हो़तालाक धेनी खोङबागी थुक्‍ङीगो, होरी सेम नाङला गेलेनगी क्षीदु ॱनाङ हो़तालाक।

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

एफीसुपा 4:30

धेनी थारपे ङीमागी क्षीला धाम्‍पे थुक्‍ङीगी ताक ग्‍यापक्‍या झ्‍येरी, को़न्‍क्षोकगी धाम्‍पे थुक्‍ङीला क्‍योरु ॱमाच्‍युक।

२ तीमोथेउ 2:19

हीना “चोवोगी राङगी मीक्‍याला खेन्‍दालाक।” धेनी “चोवोगी छेन भो़गीनक्‍या लेङेनक्‍या पाङास्‍योक” ॱनेरी ढीक्‍टा को़न्‍क्षोकगी चीक्‍माङगो तेन्‍पो झ्‍येरी ॱनेलालाक।

ईब्‍रीपा 6:17

देरे झ्‍येरी को़न्‍क्षोकगीयाः राङगी धाम्‍चा थोप्‍थाक्‍याला, राङगी थुकोङ ग्‍युरवा मेगीनगो सावो तो़न जेयेगी क्षीदु, उ ॱना श्‍येपालाक।

१ योहान्‍ना 1:10

याङ होराङक्‍या हीकी धीक्‍पा माझ्‍येहो़क ॱनेरी ॱनाना, होराङक्‍याई खोङबाला शोक्‍पो शोवालाक धेनी खोङगी का होरी नाङदु मेयोङालाक।