योहान्‍ना 3:31 - ॱलोवा

³¹ ताङने फेप्‍कीनगो घीरीने ॱलाना थोवालाक। धेनी साश्‍यीने हीन्‍गीनगो साश्‍यीगीराङ लाक धेनी साश्‍यीगी थोक्‍नेराङ स्‍येलालाक। नाम्‍खे श्‍यीङखामने फेप्‍कीनगो, घीरीने ॱलाना थोवालाक।

योहान्‍ना 3:31 Iomraidhean Croise

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

योहान्‍ना 1:15

योहान्‍नागी खोङबागी पाङपो झ्‍येरी भो़टाक झ्‍येवालाक, “‘ङी स्‍याम्‍ला फेप्‍कीनगो ङाने खाक्‍क्षे हीन घीझ्‍येरी ॱनाना खोङ ङाने एन्‍ला श्‍युक हो़तालाक’ ॱनेरी ङी ॱनागीनगो खोङबाराङ हीन।”

योहान्‍ना 1:27

ङी स्‍याम्‍ला फेप्‍कीनगो, खोङबाराङ लाक। धेनी ङा खोङबागी श्‍याप्‍हामगी डुतोक टोरीन खाये मेक।”

योहान्‍ना 1:30

‘ङी स्‍याम्‍ला फेप्‍कीनगो ङाने खाक्‍क्षे हीन घीझ्‍येरी ॱनाना खोङ ङाने एन्‍ला श्‍युक हो़तालाक।’ ॱनेरी ङी ॱनागीन के-भुगो खोङबाराङ हीन।

योहान्‍ना 3:30

खोङबा फे घो़गीलाक हीना ङा डीप घो़गीलाक।”

योहान्‍ना 6:33

घीझ्‍येरी ॱनाना को़न्‍क्षोकगी ग्‍याङगागो, नाम्‍खे श्‍यीङखामने भाप्‍ती जीक्‍तेनला मीछे ॱनाङगीन दे लाक।”

योहान्‍ना 6:51

ङा नी नाम्‍खे श्‍यीङखामने भाप्‍पा छेगी ग्‍याङगा हीन। धेनी ग्‍याङगा देने शागीनगो धी़ तेन्‍दु सो़न्‍पो ॱनेगीलाक। धेनी जीक्‍तेनगी छेगी क्षीला ङी तेरये झ्‍यीगीन ग्‍याङगागो, ङी ली़गी स्‍या हीन।”

योहान्‍ना 8:23

येशुगी खुङक्‍याला सुङा जेपालाक, “खेक्‍या होकने हीन धेनी ङा तो़ने हीन। खेक्‍या दे जीक्‍तेनगी लाक धेनी ङा दे जीक्‍तेनगी मेन।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

रोमापा 9:5

आब्‍राहाम धाङ ईसाक धाङ याकोब नी, खुङक्‍याई धाङबी फामाक्‍या लाक। धेनी ली़ला छा श्‍याक्‍ना मास्‍यीकाः खुङक्‍याई मीरीकने लाक। धेनी खोङ नी धी़ ग्‍युन्‍दु तो़पा हो़गीन, ॱलानामेपे को़न्‍क्षोक लाक। आमेन।

ईब्‍रीपा 9:1

धाम्‍चा धाङपोगी नाङला, क्षाक्‍क्षो़पा झ्‍यीगीनगी ठीमक्‍या धाङ जीक्‍तेनदु, क्षाक्‍क्षो़पा झ्‍यीसा च्‍यीक हो़तालाक।

१ पेटो 3:22

खोङबा नाम्‍खे श्‍यीङखामदु फेप्‍ती धेनी को़न्‍क्षोकगी क्षाक ॱये स्‍योकला श्‍युक हो़तालाक। धेनी नाम्‍खे भाङछेनक्‍या धाङ वाङ धाङ नी़थु हो़गीन सेम्‍ङीक्‍या, खोङबागी होकला हो़तालाक।

१ योहान्‍ना 4:5

खुङक्‍या नी, जीक्‍तेनने लाक, होझ्‍येरी जीक्‍तेनगी राङ लाब ताङालाक धेनी जीक्‍तेनगी खुङक्‍याई लाबला ङेन्‍दालाक।

ॱङो़न्‍पा 19:16

खोङबागी नाशा धाङ ॱलास्‍याला “ग्‍यावुक्‍याई ग्‍यावु धाङ चोवोक्‍याई चोवो” ॱनेरी, छेन ढीक हो़तालाक।