योहान्‍ना 3:3 - ॱलोवा

³ येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:3 Iomraidhean Croise

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 19:24

याङ ङा खेक्‍याला ॱनाहीन, मी क्षुक्‍पु च्‍यीक को़न्‍क्षोकगी ग्‍यासीला डोयेला ल्‍हाक, सेम्‍चेन ॱनाउ च्‍यीक खापगी ॱमीउ नाङने जुयेला लेल्‍हा हो़टु।”

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 5:18

ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

मारकु 10:14

हीना येशुगी होदे शीक्‍ती, थुक्‍ठो़ लारी खुङक्‍याला सुवालाक, “टुवाक्‍याला ॱमाकाक, ङाचारु हुङदु च्‍युक घीझ्‍येरी ॱनाना को़न्‍क्षोकगी ग्‍यासी देक्‍या च्‍योक्‍रे, मीक्‍याई छीला लाक।

मारकु 9:47

धेनी ख्‍यी़ ॱमीकगी ख्‍यो़ला धीक्‍पा झ्‍यीदु च्‍युक्‍ना, होदे तो़न्‍दी ॱयुक। ख्‍यी़ ॱमीक ङीगारा झ्‍येरी ॱङ्यावादु डोयेला ल्‍हाक, ॱमीक च्‍यीक मेता को़न्‍क्षोकगी ग्‍यासीला डोना घा लाक।

योहान्‍ना 1:13

धेनी खुङक्‍यागो फामा धाङ ली़ धाङ ख्‍योवागी दो़पागी थोक्‍ने केवा मेन्‍दा, को़न्‍क्षोकगी थुकोङने झ्‍युवालाक।

योहान्‍ना 1:5

हो़ दे मी़नाकगी नाङ स्‍यारालाक धेनी मी़नाकगी होदे खाला वाङदु माधी़वालाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 12:40

“को़न्‍क्षोकगी खुङक्‍याई ॱमीक श्‍यारा जेदी, धेनी खुङक्‍याई सेम ठा जेपालाक। देरे माजे हो़ना, खुङक्‍याई ॱमीकगी थोङये धाङ, खुङक्‍याई सेमगी ॱहाघोरयेहो़क। धेनी ङीचारु लोक्‍येहो़क। धेनी ङी खुङक्‍याला सो़ये हो़क।”

योहान्‍ना 3:4

नेकोदेमगी खोङबाला श्‍यी़वालाक, “मी च्‍यीक खा घेसारती, घाङगी झ्‍येरी केथुक्‍कीले? खो खोरी आमे फोवा नाङदु, थेङ ॱङीवा जुरी के थुक्‍वाले?”

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ कोरीन्‍थुपा 5:17

होझ्‍येरी मास्‍यीकागी नाङ हो़गीनगो नी को़पा साबा लाक। ॱङीङबा नी मेताला सोदुक, धा तो़दाङ साबागो गो चुक्‍दुक।

गालातीयापा 6:15

साबा केगीन माना, पाउ चेगीन ॱरो ॱरुङगीन धाङ ॱमीरुङगीन ॱङीगारा दो़न मेतालाक।

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

तीतोस 3:5

होरी ले शाङपो झ्‍येरी मेन्‍दा, खोङबागी ॱङीङजेगी झ्‍येरी होराङला क्‍योप जेपालाक। धाम्‍पे थुक्‍ङीगी थोक्‍ने खोङबागी होरी धीक्‍पा ठी़सो़ जेदी, होराङला धाब्‍ले केरु च्‍युक्‍ती मीछे साबा ॱनावालाक।

याकोब 3:17

हीना को़न्‍क्षोकने झ्‍युङगीन स्‍येराप नी, धाङपो चाङमा धाङ फीनसुम्‍चेन धाङ क्‍यो़न मेगीन धाङ साम्‍लो थोङा धाङ ॱङीङजे धाङ ढेबु शाङपोक्‍या तेरकीन धेनी क्षोक्‍री मेगीन धाङ शोक मेगीन हुङालाक।

१ पेटो 1:3

को़न्‍क्षोक, होरी चोवो येशु मास्‍यीकागी यापला तो़पा पुलो। खोङबागी ॱङीङजे क्षेम्‍बोगी, येशु मास्‍यीका छीवाने सो़न्‍पो जेदी, दी थोक्‍ने होराङक्‍याला रेवा सो़न्‍पो थोप्‍येगी क्षीदु, होराङक्‍याला छे साबा ॱनाङ हो़तालाक।

१ योहान्‍ना 2:29

खोङ ढाङपो हीन्‍गीनगो खेक्‍याई ॱहाघोर हो़ना, ढाङपो झ्‍यीगीन घीरी खोङगी थोक्‍ने केवालाक ॱनेरी, खेक्‍याई ॱहाघोरालाक।

१ योहान्‍ना 3:9

को़न्‍क्षोकने केक्‍या सी़या धीक्‍पा झ्‍यीच्‍यीक झ्‍येरी मेधेतालाक घीझ्‍येरी ॱनाना को़न्‍क्षोकगी साङा खुङक्‍या नाङ श्‍युक्‍वालाक धेनी खुङक्‍या को़न्‍क्षोकने केक्‍या झ्‍येरी, खुङक्‍या धीक्‍पा झ्‍यीच्‍यीक झ्‍यी ॱमीथुक्‍वालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:18

को़न्‍क्षोकने केक्‍या हीन्‍गीनगी धीक्‍पा झ्‍यीच्‍यीक मीझ्‍यीदालाक ॱनेरी, होराङला स्‍येये हो़तालाक। को़न्‍क्षोकने ठुङगीनगी़ खोला क्‍योप्‍कीलाक धेनी धी़गी खोला ॱनो़ क्‍या ॱमीथुक्‍कीलाक।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

ॱङो़न्‍पा 3:14

“लाउदीकेयागी क्षो़छोकगी भाङछेनला देरे ढीक, “आमेन धाङ ॱलोते छोक्‍पा धाङ पाङपो धेन्‍पा धाङ को़न्‍क्षोकगी को़पागी पो़न्‍पोगी, दे काक्‍या सुङी।