योहान्‍ना 3:29 - ॱलोवा

²⁹ ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

योहान्‍ना 3:29 Iomraidhean Croise

मेथा 22:2

“नाम्‍खागी ग्‍यासी दे, ग्‍यावु च्‍यीकगी राङगी सेगी क्षाङसाला श्‍युक्‍टा कागीन च्‍योक्‍रे लाक।

मेथा 25:1

येशुगी सुवालाक, “धेनी नाम्‍खे ग्‍यासी दे माक्‍पा थुक्‍तु डोयेला, क्‍युङ खेरती डुगीन भोमो नाच्‍युङमा च्‍यु च्‍योक्‍रे लाक।

मेथा 9:15

धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

लुका 15:6

धेनी नाङला होरी, खी़ खोरी रोवाक्‍या धाङ खीम्‍चेक्‍याला भो़री खुङक्‍याला ॱनागीलाक, ‘ङीमुला घाटो झ्‍यी घीझ्‍येरी ॱनाना ङी लुक तोरतागो ॱङेजुङ।’

योहान्‍ना 15:11

ङी घाटो खेक्‍याई सेम नाङ ॱनेये धाङ खेक्‍याई घाटो खाङयेला, ङी खेक्‍याला दे लाबक्‍या स्‍येबी।

योहान्‍ना 16:24

धान्‍दा थुक्‍पे, खीकी ङी मीङगी थोक्‍ने माश्‍यी़ हो़तालाक। धा खीकी घाटो खाङयेगी क्षीला, श्‍यी़ धेनी खेक्‍याला थोप्‍कीलाक।

योहान्‍ना 17:13

“धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 3:30

खोङबा फे घो़गीलाक हीना ङा डीप घो़गीलाक।”

२ कोरीन्‍थुपा 11:2

को़न्‍क्षोकगी लेमो ङा खेक्‍याई क्षीदु ठादोक झ्‍यीदीहो़क घीझ्‍येरी ॱनाना ख्‍योवा च्‍यीक च्‍यीगा हीन्‍गीन मास्‍यीकागी क्षीदु, ङी खेक्‍याला नाच्‍युङमा चाङमा च्‍यीक च्‍योक्‍रे ॱनामाला पुयेगो, ङी क्षो़ताम झ्‍येवी।

फीलीप्‍पीपा 2:2

खेक्‍या साम्‍लो च्‍यीक्‍पा तारी, च्‍यीकगी च्‍यीकला चेवा च्‍यीक्‍पा झ्‍येरी, सेमने साम्‍लो च्‍यीकला थी़न्‍दी, ङी घाटो खाङदु च्‍युक।

१ योहान्‍ना 1:4

हीकी घाटोगो खाङयेगी क्षीदु हेक्‍या दे ढीयाहीन।

२ योहान्‍ना 1:12

ङा खेक्‍याला ढीक्‍ये माङा हो़क हीना ङा स्‍यु धाङ ॱनाक्‍चागी, होदेक्‍या ढीक्‍ङी मेदो़दा। हीना होरी घाटो खाङये क्षीला, ङा खेक्‍याला थुक्‍ती खीकी ङोदोङ तेरी, लाब ताङयेगी रेवा हो़क।

ॱङो़न्‍पा 21:9

धा थागी दुक्‍पु धी़नगी खाङखा, फोरा धी़न शीम्‍गीन नाम्‍खे भाङछेन धी़नक्‍याने च्‍यीक ङीचारु फेप्‍ती, ङाला देरे सुजुङ, “स्‍योक, ङी ख्‍यो़ला लुक्‍टुगी ॱनामा हीन्‍गीन भाक्‍मागो तो़न्‍दु।”