योहान्‍ना 3:27 - ॱलोवा

²⁷ योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 3:27 Iomraidhean Croise

मेथा 21:25

योहान्‍नागी ठी़सो़ दे घाने झ्‍युवाले? नाम्‍खे श्‍यीङखामने झ्‍युवाले याङना मीने झ्‍युवाले?” धेनी खुङक्‍याई खोराङक्‍या नाङदु ढो़ झ्‍येरी देरे ॱनेवालाक, “नाम्‍खे श्‍यीङखामने लाक ॱनाना, खी़ होराङला ‘खोला घीझ्‍येरी धेपा मीझ्‍यीदा?’ ॱनागुलाक।

मेथा 25:15

खुङक्‍याई ज्‍यो़न्‍दाङला तेरी, दाक्‍पोगी़ धाङपोगोला सेरगी टाङगा ॱङातोङ धेनी ॱङीवागोला ङीतोङ धेनी सुम्‍बागोला च्‍यीकतोङ तेरपालाक। धेनी खो होदेने सोवालाक।

मारकु 13:34

दे नी मी च्‍यीक खोरी नाङ ॱयोक्‍पोक्‍याला ची ग्‍याप्‍ती, खोराङ ढु ग्‍याप्‍तु डुगीन च्‍योक्‍रे लाक। दाक्‍पोगी़ खोरी ॱयोक्‍पोक्‍याला मीरी-मीरी लेगा कुरी, धेनी घोरेगोला ॱङी मालोक्‍वा धो़क ॱनागीलाक।

योहान्‍ना 10:41

धेनी मी माङा खोङबाचारु च्‍यारती, खोराङक्‍या घुङदु ॱनेवालाक, “योहान्‍नागी ॱहाङसागीन ताक घीया ॱमातो़न्‍बालाक हीना खोङगी दे मी दी कोरला सुङगीन घीरी धेन्‍पा दुक।”

योहान्‍ना 6:65

धेनी खोङबागी सुवालाक, “होझ्‍येरी ‘यापगी ॱमानाङ हो़ना, ङीचारु सुवा हुङ ॱमीथुक्‍कीलाक’ ॱनेरी ङी खेक्‍याला ॱनेवाहीन।”

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

१ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप झ्‍युङयेला भो़पा, ङा पाउलु धाङ होरी पी़न सोस्‍थेनेसने,

१ कोरीन्‍थुपा 12:11

दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

१ कोरीन्‍थुपा 4:7

खेक्‍याला मी श्‍येम्‍माने गेक्षे सी़ शो़जो से? खेक्‍याला को़न्‍क्षोकने ॱमाथोप्‍था घी हो़से? धेनी खीकी थोप्‍हो़ना, खेक्‍या घीझ्‍येरी होदे ॱनाङज्‍यीन मेन्‍गीन च्‍योक्‍रे ङोम्‍सो झ्‍यीदाले?

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।