योहान्‍ना 3:21 - ॱलोवा

²¹ हीना धेन्‍पे लाक्‍लेन झ्‍यीगीनक्‍याई लेगाक्‍या, को़न्‍क्षोकला तेन्‍दी झ्‍यीगीनगो सावो थोङयेगी क्षीला, खुङक्‍या हो़दु हुङालाक।”

योहान्‍ना 3:21 Iomraidhean Croise

योहान्‍ना 1:47

येशुगी नाथानेलला राङचारु हुङगीनगो शीक्‍ती खोला सुवालाक, “तो़दाङ, खो नी ॱयो़क्‍यु मेगीन ईस्‍राएल्‍पा ॱङोन्‍ने च्‍यीक लाक।”

योहान्‍ना 3:20

घीझ्‍येरी ॱनाना ले ङेन्‍पा झ्‍यीगीन घीरीगी हो़ला मेघालाक धेनी राङगी लेगाक्‍या ॱङो़न्‍दु च्‍युक्‍कीलाक साम्‍दी हो़दु मेयोङालाक।

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

१ कोरीन्‍थुपा 15:10

हीना ङा घारे हो़गीनगो, को़न्‍क्षोकगी थुक्‍जे गोने हीन। धेनी ङाला थोप्‍था खोङबागी थुक्‍जे दे, दो़न्‍मेदु माझ्‍युजुङ। हीना खुङक्‍या घीरीने ल्‍हाक, ङी काल्‍ले माङा ग्‍याप्‍पी। घीहीन्‍ना ङी ङाराङगी झ्‍येरी मालाक हीना ङीमुला श्‍युक्‍कीन को़न्‍क्षोकगी थुक्‍जेगी थोक्‍ने लाक।

२ कोरीन्‍थुपा 1:12

हीकी ङोम्‍सो झ्‍यीयेगी दो़न नी, दे जीक्‍तेनगी मीक्‍यामुला हीकी चो़पा धाङ ॱमीक्‍सेदु खेक्‍यामुला हीकी ढेवा नी, को़न्‍क्षोकने झ्‍युङगीन सेम ढाङपो धाङ चाङमा थोक्‍ने हीन्‍गीनगो, हीकी स्‍येयो़नगीराङ पाङपो झ्‍यीदालाक। दे नी जीक्‍तेनगी स्‍येरापगी थोक्‍ने मेन्‍दा, को़न्‍क्षोकगी थुक्‍जे थोक्‍ने झ्‍युवालाक।

गालातीयापा 6:8

धीक्‍चेनगी राङश्‍यीला थी़न्‍गीन च्‍यो़पा ताप्‍कीनक्‍याई, राङश्‍यी देने छीवागी ढेबु धुगीलाक। हीना धाम्‍पे थुक्‍ङीला थी़न्‍गीन च्‍यो़पा ताप्‍कीनक्‍याला, थुक्‍ङीने थामेपे छेसोकगी ढेबु धुगीलाक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

कोलोसेपा 1:29

दो़न दी क्षीला, मास्‍यीकागी ङी नाङदु स्‍युक जेगीन नी़थु क्षेगी थोक्‍नेराङ, ङा ॱमीच्‍यीकी काल्‍ले ग्‍यावाहीन।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 1:22

को़न्‍क्षोकगी धेन्‍पे काला चीगीनगी गोने, खेक्‍याई राङगी सेम चाङमा शो़ हो़तालाक। होझ्‍येरी पी़नक्‍याला ॱनाम्‍पा दाक्‍पो चेवा झ्‍यी धेनी च्‍यीकगी च्‍यीकला सेम तीङनेराङ चेवा झ्‍यी।

१ योहान्‍ना 1:6

धा होरी थी़न्‍डीलगो को़न्‍क्षोकमुला हो़क ॱने, हीना मी़नाकला ग्‍युक्‍ना, होराङक्‍या शोक स्‍येदालाक धेनी धेन्‍पागो ॱमीचीलालाक।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।

ॱङो़न्‍पा 3:15

ख्‍यी़ लेगाक्‍या ङाला स्‍येयेहो़क। ख्‍यो़ ढाङा मीदुक, छा मीदुक। ख्‍यो़ ढाङा याङना छा हो़ना ढीक्‍येहो़क।