योहान्‍ना 3:16 - ॱलोवा

¹⁶ “घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:16 Iomraidhean Croise

मेथा 9:13

सोङ धेनी ‘ङा क्षो़पाला मेन्‍दा, ॱङीङजे घाई हो़क।’ ॱनागीनगी दो़न्‍दाकगो ॱहाघोरा झ्‍यी, घीझ्‍येरी ॱनाना ङा ढाङतेनक्‍याला मेन्‍दा, धीक्‍चेनक्‍याला भो़रु होवाहीन।”

मारकु 12:6

“धा खोला भीजा ढीन्‍चेन च्‍यीक हो़तालाक। धेनी ‘खुङक्‍याई ङी भीजाला घुस्‍याप झ्‍यीगीलाक।’ साम्‍दी, खी़ भीजागो झावालाक।

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 1:14

धेनी कागो ली़ला ग्‍युर धेनी होराङमुला श्‍युक। खोङ नी, थुक्‍जे धाङ धेन्‍पागी खाङ हो़तालाक। खोङगी शीजे, याप को़न्‍क्षोकने हीन्‍गीन से च्‍यीक्‍पोगी शीजे, होरी ज्‍यावालाक।

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 1:29

धेनी ङीमा स्‍याम्‍मागो योहान्‍नागी, येशुला राङ स्‍योकला फेप्‍कीनगो ज्‍यारी ॱनेवालाक, “तो़दाङ, जीक्‍तेनगी धीक्‍पा ॱनुम्‍गीन, को़न्‍क्षोकगी लुक्‍टुगो फेप्‍दुक!

योहान्‍ना 10:28

ङा देक्‍याला थामेपे छेसोक तेरयेहीन धेनी देक्‍या नामा मेताला डोगीमालाक। सी़या देक्‍याला ङी लाकने ठोक ॱमीथुक्‍कीलाक।

योहान्‍ना 3:15

होझ्‍येरी खोङबाला धेपा झ्‍यीगीन घीरीला, थामेपे छेसोक थोप्‍कीलाक।”

योहान्‍ना 3:18

खोङबाला धेपा झ्‍यीगीनला ठीम ॱमेफोक्‍कीलाक हीना खोङबाला धेपा मीझ्‍यीगीनगोला, एन्‍दुरु ठीम फोक्‍सालाक घीझ्‍येरी ॱनाना खी़ को़न्‍क्षोकगी से च्‍यीक्‍पोगी छेनला धेपा माझ्‍येवालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

रोमापा 5:10

घीझ्‍येरी ॱनाना होराङ को़न्‍क्षोकगी डा हो़ती घाङला, खोङबागी से ढोङगीनगी थोक्‍ने, खोङबामुला होराङ दुमा जेहो़ना, धा दुमा जेसारती मास्‍यीकागी छेगी थोक्‍ने होराङ ॱयोल्‍ले माङा थारकीलाक।

रोमापा 5:8

हीना होराङक्‍या धीक्‍चेन हो़ती घाङलाराङ, मास्‍यीका होरी क्षीदु ढोङा जेपालाक। दी गोने को़न्‍क्षोकगी होरी क्षीदु राङगी झाम्‍पा तो़न जेपालाक।

रोमापा 8:32

को़न्‍क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्‍ना खोङबागी होराङला राङगी सेमुला, श्‍येम्‍मा दो़न घीरीयाः ॱनाङगीमालाक से?

एफीसुपा 2:4

हीना ॱङीङजेला फी़न्‍सुम छोक्‍पा हो़गीन, को़न्‍क्षोकगी राङगी झाम्‍पा ग्‍याक्षेगी थोक्‍ने, होराङला चेवा जेपालाक।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

तीतोस 3:4

हीना होरी क्‍याम्‍गो़न को़न्‍क्षोकगी ॱङीङजे धाङ मीक्‍याला झाम्‍पा तो़न्‍दी घाङला,

ईब्‍रीपा 2:9

हीना होराङ येशुला थोङालाक। खोङबा ॱनेकापगी क्षीदु नाम्‍खे भाङछेनक्‍याने च्‍यीमे ॱमावा जेपालाक। खोङगी छीवे दुक्‍पु ङ्याङङ्या झ्‍येरी, खोङला शीजे धाङ कुरतीगी चो़पो़न को़न्‍बालाक। धेनी दे नी को़न्‍क्षोकगी थुक्‍जेगी गोने, मी घीरीगी दो़न्‍दु खोङबागी छीवे दुक्‍पु ङ्याङास्‍योक ॱनेरी लाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।