योहान्‍ना 3:15 - ॱलोवा

¹⁵ होझ्‍येरी खोङबाला धेपा झ्‍यीगीन घीरीला, थामेपे छेसोक थोप्‍कीलाक।”

योहान्‍ना 3:15 Iomraidhean Croise

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 25:46

धेनी देरे मीक्‍याला थामेपे छेपा फोक्‍कीलाक हीना ढाङतेनक्‍यागो थामेपे छेसोकला डुगीलाक।”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 19:10

घीझ्‍येरी ॱनाना मी-भु नी तोरताक्‍याला ॱयाङये धाङ क्‍योप्‍येगी क्षीला होवालाक।”

योहान्‍ना 1:12

हीना खोङबाला खेलेन्‍दी, खोङबागी छेनला धेपा झ्‍यीगीन घीरीला, को़न्‍क्षोकगी से-सेमो झ्‍युङयेगी आङजा ॱनावालाक।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 20:31

हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 3:16

“घीझ्‍येरी ॱनाना को़न्‍क्षोकगी जीक्‍तेनगी मीक्‍याला देरे झाम्‍पा जेदी, खोङगी राङगी से च्‍यीक्‍पोगो ॱनावालाक। धेनी होझ्‍येरी खोङबाला धेपा झ्‍यीगीन सुवा, मेताला डोगीमालाक हीना थामेपे छेसोक थोप्‍कीलाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:27

मेताला डोगीन शामागी क्षीला मेन्‍दा, हीना मी-भुगी ॱनाङगीन थामेपे छेसोक छोगीन शामागी क्षीला काल्‍ले ग्‍योप। घीझ्‍येरी ॱनाना खोङबागी खाला याप को़न्‍क्षोक राङगी ताक जे हो़तालाक।”

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

जेपा 13:41

‘खे ॱमेटा पाप्‍कीनक्‍याओ, ॱहाङसा झ्‍यी धेनी मेताला सोङ! घीझ्‍येरी ॱनाना खेक्‍याई धी़चो़ला ङा देरे लेगा च्‍यीक झ्‍यीयेहीन, होदे लेगागी कोरला सी़या खेक्‍याला ॱनानाः खेक्‍याई धेपा झ्‍यीगीमालाक।’”

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

रोमापा 5:21

होझ्‍येरी छीवागी थोक्‍ने, धीक्‍पागी वाङ झ्‍यीगीन च्‍योक्‍रे, ढाङतेनगी थोक्‍ने होरी चोवो येशु मास्‍यीकागी थोक्‍ने, थामेपे छेसोक ॱनाङयेला थुक्‍जेगीयाः वाङ झ्‍यीदालाक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

२ कोरीन्‍थुपा 4:3

याङ हीकी स्‍येगीन ताम्‍शाङगो काप हो़ना, होदे नी मेताला डुगीनक्‍याई क्षीदु च्‍यीगा काप हो़तालाक।

गालातीयापा 2:16

हीना क्षो़ठीमगी लेक्‍याने ढाङपो मीग्‍युरा, येशु मास्‍यीकाला धेपा झ्‍यीना ढाङपो ग्‍युरालाक ॱनेरी, होराङक्‍या स्‍येलालाक। होझ्‍येरी क्षो़ठीमगी लेने सुवा ढाङपो मीग्‍युरकीन झ्‍येरी, लेगाने मेन्‍दा मास्‍यीकाला धेपा झ्‍येरी ढाङपो ग्‍युरयेगी क्षीला, होराङक्‍यागीया येशु मास्‍यीकाला धेपा झ्‍येवालाक।

गालातीयापा 2:20

ङा मास्‍यीकामुला ग्‍याङस्‍यीङला स्‍यीवी। धा देने ॱहाला ङाराङ छोवा क्‍याला मेन्‍दा, मास्‍यीका ङी नाङदु छोवा क्‍यालालाक। धा धान्‍दा ङा ली़ला छोवा क्‍यागीन मीछे दे, ङाला झाम्‍पा झ्‍यीगीन धाङ ङी क्षीला राङगी कुसोक ॱलो़ ताङगीन को़न्‍क्षोकगी सेला धेपा झ्‍येरी क्‍यालाहीन।

ईब्‍रीपा 10:39

हीना होराङ नी, ग्‍याप लोक्‍ती डोगीन धाङ मेताला डोगीनक्‍या मालाक। होराङक्‍या नी, धेपा झ्‍येरी थारपा थोप्‍थाक्‍या लाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।