योहान्‍ना 3:10 - ॱलोवा

¹⁰ येशुगी खोला लेन सुवालाक, “ख्‍यो़ ईस्‍राएल्‍पाक्‍याई ॱलोपो़न च्‍यीक झ्‍येरीया, दो़न देक्‍या ॱहामेघोराले?

योहान्‍ना 3:10 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 15:14

खुङक्‍याला या माझ्‍यी, खुङक्‍या श्‍यारागी गोठी श्‍याराक्‍या लाक। धेनी श्‍यारा च्‍यीकगी श्‍याराला ठीक्‍ना, ॱङीगारा दोङ-दोङ नाङला ल्‍हीम्‍गीलाक।”

मेथा 22:29

धेनी येशुगी खुङक्‍याला सुवालाक, “खेक्‍या नोरदुक घीझ्‍येरी ॱनाना, खेक्‍याला सुङराप धाङ को़न्‍क्षोकगी वाङगी कोरला स्‍येये मीदुक।

लुका 2:46

श्‍याक्‍मो सुम स्‍याम्‍ने, खुङक्‍याई येशुला क्षो़खाङ नाङदु याहुदापा क्षो़पो़नक्‍यामुला श्‍युक्‍ती, खुङक्‍याई लाब ङेन्‍दी खुङक्‍याला ढीवा ढीरी श्‍युक्‍कीनगो थुक्‍पालाक।

लुका 5:17

श्‍याक्‍मो च्‍यीक येशु क्षो़ तो़न जेदी घाङला, फारुसीपाक्‍या धाङ क्षो़ठीमगी ॱलोपो़नक्‍या होदुरु धे हो़तालाक। खुङक्‍या गालील यु घीरीने धाङ युदेया धाङ येरुसालेम ग्‍याजाने होवालाक। धा ढाक्‍सो़ ॱनाङयेला को़न्‍क्षोकगी नी़थु येशुमुला हो़तालाक।

योहान्‍ना 3:9

नेकोदेमगी, “दे घाङगी झ्‍येरी झ्‍युङ थुक्‍कीले?” ॱनेरी, खोङबाला श्‍यी़वालाक।

जेपा 5:34

हीना गामालीएल ॱनागीन फारुसीपा मी च्‍यीक छोक्‍पा घुङदु लारी, कुछापक्‍याला तीते च्‍यीक फीला झावालाक। खो मी घीरीगी चीगीन क्षो़ठीमगी ॱलोपो़न लाक।

रोमापा 2:28

घीझ्‍येरी ॱनाना फीदाने च्‍यीगा, याहुदापा हीन्‍गीनगो ॱङोन्‍ने याहुदापा मालाक। धेनी पाउ चेगीन ॱरोगोवाः फीदाने धाङ ली़ने च्‍यीगा ॱरुङये मालाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।