योहान्‍ना 21:15 - ॱलोवा

¹⁵ धेनी खुङक्‍याई श्‍योक्‍से शेसारती, येशुगी सीमोन पेटोला सुवालाक, “योहान्‍नागी भीजा सीमोन, ख्‍यी़ ङाला देक्‍याने ल्‍हाक चेवा झ्‍यीदी हो़ती?” खी़ खोङबाला श्‍यी़वालाक, “चोवो ला, ङी खेराङला चेवा झ्‍यीगीनगो खेराङ खेन्‍दालाक।” खोङबागी खोला सुवालाक, “ङी लुक्‍टुक्‍याला छो़।”

योहान्‍ना 21:15 Iomraidhean Croise

मेथा 10:37

ङालाः ल्‍हाक, राङगी फामाला चेवा झ्‍यीना, होदेला ङी मी झ्‍युङयेगी आङजा मेक धेनी ङालाः ल्‍हाक राङगी भु धाङ भोमोला चेवा झ्‍यीना, होदेला ङी मी झ्‍युङयेगी आङजा मेक।

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 26:33

पेटोगी श्‍यी़वालाक, “घीरीगी खेराङला ग्‍याप ॱलोक्‍नाः, ङा नामा खेराङला ग्‍याप लोक्‍ती मेडो।”

मेथा 26:35

हीना पेटोगी खोङबाला श्‍यी़वालाक, “ङा खेराङमुला स्‍यी घोनाः, ङा खेराङला ग्‍याप मेलोक।” धेनी ङेने घीरीगी देरेराङ श्‍यी़वालाक।

मारकु 14:29

पेटोगी खोङबाला ॱनेवालाक, “खुङ घीरी ग्‍याप ॱलोक्‍ती डोनाः, ङा डोयेमेन।”

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

योहान्‍ना 13:37

पेटोगी खोङबाला श्‍यी़वालाक, “चोवो, धान्‍दा ङा घीझ्‍येरी खेराङगी स्‍याम्‍ला डा ॱमीथुक्‍कीले? खेराङगी दो़न्‍दु ङी ङारी ॱरोक ॱलो़ ताङ थुक्‍वा।”

योहान्‍ना 16:27

घीझ्‍येरी ॱनाना खेक्‍याई ङाला झाम्‍पा झ्‍येवालाक धेनी ङा यापने हुङगीनगोला खीकी धेपा झ्‍येरी, याप राङगी खेक्‍याला झाम्‍पा जेदालाक।

योहान्‍ना 21:12

येशुगी खुङक्‍याला सुवालाक, “धा स्‍योक धेनी श्‍योक्‍से शो।” धा ङेनेक्‍याई चोवो हीन्‍गीनगो ङोस्‍येरी, सी़या खोङबा सुले ॱनेरी श्‍यी़ ॱमाथुक्‍पालाक।

योहान्‍ना 21:7

येशुगी झाम्‍पा जेगीन ङेनेगी़ पेटोला ॱनेवालाक, “खोङबा चोवो लाक।” खोङ चोवो लाक ॱनेरी घोरलुङ मेताला सीमोन पेटोगी राङगी क्षीघो़गो टीरी, छो नाङदु छोम्‍बालाक। घीझ्‍येरी ॱनाना खी़ घो़गो पी़दी धे हो़तालाक।

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

जेपा 20:28

धा खेराङक्‍या राङ-राङ चाङजे झ्‍येरी धो़क धेनी धाम्‍पे थुक्‍ङीगी खेक्‍याला ची ग्‍याप्‍ती, श्‍याकश्‍या लुकक्‍याला घामोमा ॱरुङ। को़न्‍क्षोकगी क्षो़छोकगी लुक्‍जी शाङपो च्‍यीक झ्‍युरी धो़क घीझ्‍येरी ॱनाना होदे मीक्‍या चोवो येशुगी कुठाकगी ॱली़री ङ्यो़ जेपालाक।

जेपा 20:29

ङा सोसारती ॱमीच्‍यीकी जीक्‍टाक्षे च्‍याङगु च्‍योक्‍रे, मी श्‍येम्‍माक्‍या खेरी घुङदु झुगीलाक धेनी दे लुकक्‍याला दुक्‍पु तेरकीलाक ॱनेरी ङाला क्षाहो़क।

रोमापा 14:1

धेपाला क्‍योवा हो़गीन, मीला खेलेन झ्‍यी हीना खी़ साम्‍जुक्‍याई खाला चो़लीङ झ्‍यीये मालाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

१ कोरीन्‍थुपा 8:11

होझ्‍येरी खीकी स्‍येयो़नगी थोक्‍ने, साम्‍लो क्‍योवा हो़गीन पी़नगो मेताला डुगीलाक। धेनी मास्‍यीका नी, खी़ क्षीदुवा ढोङवालाक।

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

एफीसुपा 4:14

धा होराङ देने ॱहाला मीगी ॱयो़क्‍युने धेनी ॱली़टे होकला छी़दी, भालापक्‍याई ॱहाला-छुला ॱयो़या धाङ तावा लोक्‍पा ॱनाछोकगी टुक्‍टा टुवाक्‍या च्‍योक्‍रे मीझ्‍युङा

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

ईब्‍रीपा 13:20

धा लुकगी लुक्‍जी क्षेन्‍बो हीन्‍गीन होरी, चोवो येशुला थामेपे धाम्‍चागी कुठाकगी थोक्‍ने, छीवाने कुसो़न्‍पो श्‍याङा जेगीन श्‍यीदेगी को़न्‍क्षोकगी,

ईब्‍रीपा 4:13

को़न्‍क्षोकगी ॱमीक्‍वादु को़पा घीरीने घीया बे मेतालाक। खोङबागी च्‍येनगी डुङदु दो़न घीरी सावो धाङ ॱमाकाप हो़तालाक। धेनी खोङबाला राङ होराङ होरी ची श्‍यु घोगुलाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

१ पेटो 2:25

घीझ्‍येरी ॱनाना “खेक्‍या लुकक्‍या च्‍योक्‍रे गो थोम्‍दी धे हो़तालाक।” हीना धान्‍दा खेक्‍याई झ्‍यीवु धाङ सेम ॱरुङगीनगो चारु, खेक्‍याला ॱलोक्‍ती हो हो़तालाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।