योहान्‍ना 21:12 - ॱलोवा

¹² येशुगी खुङक्‍याला सुवालाक, “धा स्‍योक धेनी श्‍योक्‍से शो।” धा ङेनेक्‍याई चोवो हीन्‍गीनगो ङोस्‍येरी, सी़या खोङबा सुले ॱनेरी श्‍यी़ ॱमाथुक्‍पालाक।

योहान्‍ना 21:12 Iomraidhean Croise

मेथा 22:46

धेनी सी़या खोङबाला छीक च्‍यीया लेन श्‍यी़ ॱमाथुक्‍पालाक धेनी होदे ङीमाने ॱहाला सी़या, खोङबाला ढीवा कुयेगी ॱलोगोक माझ्‍येवालाक।

मारकु 9:32

हीना ङेनेक्‍याई सुङला दी दो़न्‍दाकगो ॱहामाघोरपालाक धेनी ढीवा श्‍यी़येला जीक्‍पालाक।

लुका 9:45

हीना दी दो़न्‍दाकगो खुङक्‍याई ॱहामाघोरपालाक। धेनी खुङक्‍याई ॱहामाघोरास्‍योक ॱनेरी, दे खुङक्‍याने सारी श्‍याक्‍पालाक। धेनी ङेनेक्‍या दी कोरला खोङबाला श्‍यी़येला जीक्‍पालाक।

योहान्‍ना 16:19

खुङक्‍याई येशुला ढीवा कुङी दो़गीनगो खोङबागी खेन्‍दा जेदी, खुङक्‍याला सुवालाक, “ङी खेक्‍याला ‘तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने, खेक्‍याई ङाला थोङगीलाक।’ ॱनागीनगी दो़नगो खेराङक्‍या नाङदु ढीलाले?

योहान्‍ना 21:11

होझ्‍येरी सीमोन पेटो डु नाङदु सोरी ङ्या क्षे, ग्‍या धाङ ॱङापच्‍यु ङाक्‍सुम खाङखा ङ्यारेगो काम्‍साला डी़दी होवालाक। ङ्या ॱमीच्‍यीकी माङा झ्‍येरीया, ङ्यारे मारावालाक।

योहान्‍ना 21:15

धेनी खुङक्‍याई श्‍योक्‍से शेसारती, येशुगी सीमोन पेटोला सुवालाक, “योहान्‍नागी भीजा सीमोन, ख्‍यी़ ङाला देक्‍याने ल्‍हाक चेवा झ्‍यीदी हो़ती?” खी़ खोङबाला श्‍यी़वालाक, “चोवो ला, ङी खेराङला चेवा झ्‍यीगीनगो खेराङ खेन्‍दालाक।” खोङबागी खोला सुवालाक, “ङी लुक्‍टुक्‍याला छो़।”

योहान्‍ना 4:27

होदे घाङलाराङ खोङबागी ङेनेक्‍या लोक्‍ती होवालाक। धेनी खोङबा भोमो च्‍यीकमुला, कामो़न सुङी जेगीनगो थोरी खुङक्‍या ॱहालेवालाक हीना सी़या खोङबाला “खेराङगी घोङपा घी हेतो?” याङना “खेराङ मी़मुला घीझ्‍येरी कामो़न सुङा जेदाले?” ॱनेरी माश्‍यी़वालाक।

जेपा 10:41

मी घीरीगी खोङबाला ॱमाथोवालाक हीना खोङगी पाङपो झ्‍युङयेला, को़न्‍क्षोकगी एम्‍माने दाम्‍दा हेक्‍याई थोवालाक। खोङबा श्‍याङा जेदी खोङमुला शागीन धाङ थुङगीनगो हेक्‍या हीन।