योहान्‍ना 20:31 - ॱलोवा

³¹ हीना येशु, मास्‍यीका धाङ को़न्‍क्षोकगी सेगो लाक धेनी खोङबाला धेपा झ्‍येरी, खोङबागी छेनने खेक्‍याला थामेपे छेसोक थोप्‍कीलाक ॱनेरी खीकी धेपा झ्‍यीयेला, ङी देक्‍या ढीक हो़क।

योहान्‍ना 20:31 Iomraidhean Croise

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

मेथा 4:3

धेनी छो़ता लेन्‍गीनगो होरी, खोङबाला ॱनेवालाक, “खेराङ को़न्‍क्षोकगी से हीन्‍ना, दे धोगोङक्‍या ग्‍याङगाला ग्‍युरयेगी का ॱनाङाजे।”

मारकु 16:16

धेपा झ्‍येरी, ठी़सो़ लेन्‍गीन घीरीला थारपा थोप्‍कीलाक हीना धेपा मीझ्‍यीगीनक्‍याला छेपा फोक्‍कीलाक।

लुका 1:35

नाम्‍खे भाङछेनगी लेन ॱलोक्‍पालाक, “धाम्‍पे थुक्‍ङी ख्‍यी़ खाला भाप्‍कीलाक धेनी ॱलानामेपे को़न्‍क्षोकगी वाङगी, ख्‍यो़ला ढीम्‍जाकगी काप्‍कीन च्‍योक्‍रे काप्‍कीलाक। होझ्‍येरी से ठुङयेगो धाम्‍पा धाङ को़न्‍क्षोकगी से ॱनेरी भो़गीलाक।

लुका 1:4

दे नी खेराङला घी ॱलाप्‍लागो धेन्‍पा लाक, ॱनेरी तेन-तेन ॱहाघोयेगी क्षीदु ङी ढीक्‍वालाक।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 10:10

कुमा नी कुरु धाङ सेदु धाङ मेताला ताङदु हुङालाक। ङा नी, घीरीला छे मेछो़ली थोप्‍येगी क्षीला होवाहीन।

योहान्‍ना 19:35

होदे थोथा मीगी़ दी कोरला, पाङपो झ्‍येवालाक धेनी खी़ पाङपोगो धेन्‍पा लाक। धेनी मी दे खोरी स्‍येगीनगो धेन्‍पा लाक ॱनेरी, खोला स्‍येये हो़तालाक।

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 3:18

खोङबाला धेपा झ्‍यीगीनला ठीम ॱमेफोक्‍कीलाक हीना खोङबाला धेपा मीझ्‍यीगीनगोला, एन्‍दुरु ठीम फोक्‍सालाक घीझ्‍येरी ॱनाना खी़ को़न्‍क्षोकगी से च्‍यीक्‍पोगी छेनला धेपा माझ्‍येवालाक।

योहान्‍ना 3:36

सेला धेपा झ्‍यीगीनला थामेपे छेसोक थोबालाक। सेला धेपा मीझ्‍यीगीनगी़ छे ॱमेथोङगीलाक हीना को़न्‍क्षोकगी थुक्‍ठो़, खी़ खाला ॱनेदी धेतालाक।

योहान्‍ना 5:24

“ङा खेक्‍याला धेन्‍पा धेनक्‍याङ ॱनाहीन, ङी का ङेन्‍गीन धाङ ङाला ॱङाक्‍कीनगोला धेपा झ्‍यीगीनला, थामेपे छेसोक थोप हो़तालाक। खोला ङेपा ॱमेफोक्‍कीलाक हीना छीवाने छेगी नाङदु थार हो़तालाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

जेपा 10:43

खोङबाला धेपा-झ्‍यीगीनक्‍याला खोङगी छेनने धीक्‍पाक्‍या धाक्‍कीलाक ॱनेरी, ॱङो़नस्‍येखेन घीरीगी खोङगी कोरला पाङपो तो़न हो़तालाक।”

जेपा 3:16

खेक्‍याई थोङगीन धाङ ङोस्‍येगीन दे मी श्‍याक्‍योवा देला, येशु छेनला धेपा झ्‍येरी स्‍युक जोरपालाक। येशुगी छेन धाङ खोङगी थोक्‍ने झ्‍युङगीन धेपागी झ्‍येरी, खो चो़गा झ्‍युवालाक ॱनेरी खेराङक्‍या घीरीगी थोङालाक।

जेपा 8:36

धेनी खुङक्‍या होदे लाम्‍गाने डी़ घाङला, क्षु हो़जारु ॱलेप्‍पालाक। धेनी होदे ॱङुङेरगी ॱनेवालाक, “तो़दाङ, दुरु क्षु दुक। ङा ठी़सो़ लेन्‍येला घीन्‍गी काक थुक्‍कीले?”

जेपा 8:37

[धेनी फीलीपगी ॱनेवालाक, “ख्‍यी़ सेम नाङने धेपा झ्‍यीना ठी़सो़ लेन्‍ना ढीक्‍कीलाक।” होदे मी दी लेन ग्‍याप्‍पालाक, “येशु मास्‍यीका को़न्‍क्षोकगी से हीन ॱनेरी, ङा धेपा झ्‍यीदाहीन।”]

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

१ पेटो 1:9

घीझ्‍येरी ॱनाना खेक्‍याई धेपागी ढेबु नी, खीकी सोकगी थारपा थोप्‍ये लाक।

१ योहान्‍ना 4:15

येशुला को़न्‍क्षोकगी से लाक ॱनेरी, सी़ खेलेन झ्‍यीना, को़न्‍क्षोक खी़ नाङ श्‍युक्‍वालाक धेनी खो को़न्‍क्षोकगी नाङ ॱनेगीलाक।

१ योहान्‍ना 5:1

येशु नी मास्‍यीका लाक ॱनेरी, धेपा झ्‍यीगीन घीरी को़न्‍क्षोकने केवालाक धेनी यापला चेवा झ्‍यीगीन घीरीगी, खोङने केक्‍या टुवाक्‍यालाः चेवा झ्‍यीदालाक।

१ योहान्‍ना 5:20

को़न्‍क्षोकगी से फेप्‍पालाक धेनी को़न्‍क्षोक धेन्‍पा हीन्‍गीनगोला ङो स्‍येयेगी क्षीदु खोङगी होराङला स्‍येयो़न ॱनाङगीनगो, होराङला स्‍येये हो़तालाक। धेनी खोङगी से येशु मास्‍यीकागी थोक्‍ने, होराङ खोङ धेन्‍पागी नाङ ॱनेलालाक। खोङराङ को़न्‍क्षोक धेन्‍पा धाङ थामेपे छेसोकगो लाक।

२ योहान्‍ना 1:9

मास्‍यीकागी सुङगीन क्षो़ला ॱनेती मेधेता, देने थारी ग्‍युक्‍कीनक्‍यामुला को़न्‍क्षोक मीश्‍युक्‍वालाक। हीना दे क्षो़लाराङ ॱनेती धेगीनक्‍यामुला, याप धाङ से ॱङीगारा श्‍युक्‍वालाक।

ॱङो़न्‍पा 2:18

“धेनी थीयातीरागी क्षो़छोकगी भाङछेनला देरे ढीक, “चेनगो ॱमेचे च्‍योक्‍रे धाङ श्‍यापगो मेथाप नाङला, हो़ तो़न्‍दी श्‍याक्‍सा लीदीङ च्‍योक्‍रे, हो़गीन खोङ को़न्‍क्षोकगी सेगी दे काक्‍या सुङी।