योहान्‍ना 20:25 - ॱलोवा

²⁵ होझ्‍येरी ङेने श्‍येम्‍माक्‍याई खोला ॱनेवालाक, “हेक्‍याई चोवोला ज्‍याजुङ।” हीना खी़ खुङक्‍याला ॱनेवालाक, “ङा खोङबागी क्षाकक्‍याला शेरगी ॱमेम्‍पाक्‍या थोरी, होदेला ङी जुगु ॱमाचुक थुक्‍पे धाङ खोङबागी श्‍योकला लाक्‍पा ॱमाचुक थुक्‍पे, ङा यीच्‍चे मीझ्‍यी।”

योहान्‍ना 20:25 Iomraidhean Croise

मेथा 27:42

“खो नी श्‍येम्‍माला क्‍योप थुक्‍ती, राङला क्‍योप ॱमीथुक्‍वालाक। खो नी ईस्‍राएल्‍पाक्‍याई ग्‍यावु लाक ॱनागीनगो माले? खो धान्‍दा ग्‍याङस्‍यीङने माला भाप्‍ती हुङास्‍योक धेनी होराङक्‍या धेपा झ्‍यीदु।

मारकु 16:11

हीना येशु कुसो़न्‍पो श्‍याङगीन धाङ मी़ खोङबाला ज्‍यागीन लाबगो, घोरी घाङला खुङक्‍या बा माधेपालाक।

मारकु 16:13

खोङ ॱङीउ भाङ तारी सोरी, होदे लाबगो श्‍येम्‍मा ङेनेक्‍याला स्‍येपालाक हीना सी़याः खोङ ॱङीउला बा माधेपालाक।

मारकु 16:14

स्‍याम्‍ला ङेने च्‍युकच्‍यीकक्‍या शामा शायेला धेती घाङला, येशुगी खुङक्‍याला राङगी कुशुक ॱङो़सुम तो़न जेपालाक। धेनी राङ छीवाने कुसो़न्‍पो श्‍येङसारती, खोङबाला ज्‍यागीनक्‍याई ॱनेना लाबला, खुङक्‍याई बा माधेपा खुङक्‍याई धेपा मेगीन धाङ सेम ॱरा हो़गीनला, खोङबागी काको़न जेपालाक।

लुका 24:25

धेनी खोङबागी खुङ ङीउला सुवालाक, “ॱलेन्‍पो ख्‍ये, ॱङो़नस्‍येखेनक्‍याई सुङगीन घीरीला, धेपा मीझ्‍यीगीन घीन्‍गी सेम ॱलेन्‍दा ले!

योहान्‍ना 1:41

खी़ खोरी आज्‍यो सीमोनला एन्‍ला थुक्‍ती खोला ॱनेवालाक, “हेक्‍याई मास्‍यीकाला ज्‍याजुङ।” (मास्‍यीका ॱनाना, को़न्‍क्षोकगी दाम्‍दागो लाक)

योहान्‍ना 20:27

धेनी खोङबागी थोमाला सुवालाक, “ख्‍यी़ जु दुरु चुक्‍ती, ङी लाक्‍पाक्‍याला तो़। धेनी ख्‍यो़री लाक्‍पा क्‍यारी ङी श्‍योक नाङला चुक। दोक्‍पा ॱमासाक हीना धेपा झ्‍यी।”

योहान्‍ना 21:7

येशुगी झाम्‍पा जेगीन ङेनेगी़ पेटोला ॱनेवालाक, “खोङबा चोवो लाक।” खोङ चोवो लाक ॱनेरी घोरलुङ मेताला सीमोन पेटोगी राङगी क्षीघो़गो टीरी, छो नाङदु छोम्‍बालाक। घीझ्‍येरी ॱनाना खी़ घो़गो पी़दी धे हो़तालाक।

योहान्‍ना 6:30

होझ्‍येरी खुङक्‍याई खोङबाला श्‍यी़वालाक, “हेक्‍याई थोङये धाङ धेपा झ्‍यीयेला, खेराङ ताक घी जेये? खेराङ घी जेदी हो़तो?

ईब्‍रीपा 3:12

पी़नक्‍याओ, शाप-शाप झ्‍यी, खेक्‍याने रीङगागी नाङ हो़गीन ङेन्‍पा धाङ धेपा मेगीन सेमगी झ्‍येरी, खेक्‍याला सो़न्‍पो को़न्‍क्षोकने थाक्‍रीङा ॱमाठीयास्‍योक।

ईब्‍रीपा 3:18

काला मेङेन्‍गीनक्‍या खोङबागी ङासुगी नाङ नामा मीजुगीलाक, सुरी खोङबागी ॱना क्‍या जेपामाले?