योहान्‍ना 20:2 - ॱलोवा

² होझ्‍येरी मो सीमोन पेटो धाङ येशुगी चेवा जेगीन, ङेने श्‍येम्‍मागो चारु भाङ तारी सोरी, खुङ ॱङीउला ॱनेवालाक, “खुङक्‍याई चोवोला धी़ठोने खेरदुक धेनी खुङक्‍याई खोङबाला घारु श्‍याक हो़गीनगो, होराङला स्‍येये मेतालाक।”

योहान्‍ना 20:2 Iomraidhean Croise

योहान्‍ना 13:23

येशुगी झाम्‍पा झ्‍यीगीन ङेनेगो, खोङबागी कुडामदु ॱङेरी धे हो़तालाक।

योहान्‍ना 19:26

येशुगी राङगी युम धाङ खोङबागी ॱमीक्‍सेगी झाम्‍पा जेजा, ङेनेला डामदु लारी धेतागो शीक्‍ती, खोङबागी राङगी युमला सुवालाक, “भोमो, खो ख्‍यी़ भु लाक।”

योहान्‍ना 20:13

खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

योहान्‍ना 20:15

येशुगी मोला सुवालाक, “भोमो, ख्‍यो़ घीझ्‍येरी ङुवा? ख्‍यो़ सुला चाला?” मी़ खोङबाला दुम्‍रा ॱरुङगीन लाक साम्‍दी श्‍यी़वालाक, “आज्‍यो, खेराङगी खोङबाला खेर हो़ना, खोङला घारु श्‍याक हो़तो ङाला ॱनारो झ्‍यी। धेनी ङा खोङला ॱहाला खेरयेहीन।”

योहान्‍ना 20:9

घीझ्‍येरी ॱनाना खोङबा छीवाने कुसो़न्‍पो श्‍याङ घोगीलाक ॱनेरी सुङरापला ढीक्‍टागो, खुङ ॱङीउगी धोराङा ॱहामाघोरपालाक।

योहान्‍ना 21:20

पेटोगी खा ॱलोक्‍ती येशुगी झाम्‍पा जेगीन ङेनेगो, खुङक्‍याई स्‍याबाला हुङगीनगो थोवालाक। थामे श्‍येलाकला येशुगी डामला ॱङेरी धेती खोङबाला, “चोवो, खेराङला डागी लाक्‍पाला ची ग्‍याप्‍ये झ्‍यीगीनगो सुले?” ॱनेरी ढीगीन ङेनेगो खो राङ लाक।

योहान्‍ना 21:24

दो़न देक्‍याला पाङपो झ्‍यीगीन धाङ यीक देक्‍या ढीक्‍कीन ङेनेगो खो राङ लाक। धेनी खी़ पाङपो झ्‍यीगीनगो धेन्‍पा लाक ॱनेरी हेक्‍याला स्‍येयेहो़क।

योहान्‍ना 21:7

येशुगी झाम्‍पा जेगीन ङेनेगी़ पेटोला ॱनेवालाक, “खोङबा चोवो लाक।” खोङ चोवो लाक ॱनेरी घोरलुङ मेताला सीमोन पेटोगी राङगी क्षीघो़गो टीरी, छो नाङदु छोम्‍बालाक। घीझ्‍येरी ॱनाना खी़ घो़गो पी़दी धे हो़तालाक।