योहान्‍ना 20:13 - ॱलोवा

¹³ खुङक्‍याई मोला सुवालाक, “भोमो, ख्‍यो़ घीझ्‍येरी ङुवा?” मी़ खोङक्‍याला ॱनेवालाक, “खुङक्‍याई ङी चोवोला खेरती सोदुक धेनी खोङबाला घारु श्‍याक्‍कीनगो ङाला स्‍येयेमेक।”

योहान्‍ना 20:13 Iomraidhean Croise

लुका 24:17

धेनी येशुगी खुङक्‍याला सुवालाक, “खे ॱङीउ घीन्‍गी कोरला लाब तारी डोवाले?” खुङ ॱङीउ सेम क्‍योरी, टोङ झ्‍येरी धेपालाक।

योहान्‍ना 19:26

येशुगी राङगी युम धाङ खोङबागी ॱमीक्‍सेगी झाम्‍पा जेजा, ङेनेला डामदु लारी धेतागो शीक्‍ती, खोङबागी राङगी युमला सुवालाक, “भोमो, खो ख्‍यी़ भु लाक।”

योहान्‍ना 2:4

धेनी येशुगी मोला सुवालाक, “आमा, ङी घी झ्‍यीघोगुले ॱनेरी ङाला ॱमासुङ। ङी धी़चो़ धोराङा ॱलेप मीदुक।”

योहान्‍ना 20:15

येशुगी मोला सुवालाक, “भोमो, ख्‍यो़ घीझ्‍येरी ङुवा? ख्‍यो़ सुला चाला?” मी़ खोङबाला दुम्‍रा ॱरुङगीन लाक साम्‍दी श्‍यी़वालाक, “आज्‍यो, खेराङगी खोङबाला खेर हो़ना, खोङला घारु श्‍याक हो़तो ङाला ॱनारो झ्‍यी। धेनी ङा खोङला ॱहाला खेरयेहीन।”

योहान्‍ना 20:2

होझ्‍येरी मो सीमोन पेटो धाङ येशुगी चेवा जेगीन, ङेने श्‍येम्‍मागो चारु भाङ तारी सोरी, खुङ ॱङीउला ॱनेवालाक, “खुङक्‍याई चोवोला धी़ठोने खेरदुक धेनी खुङक्‍याई खोङबाला घारु श्‍याक हो़गीनगो, होराङला स्‍येये मेतालाक।”

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”