योहान्‍ना 20:1 - ॱलोवा

¹ धा धी़न्‍डागी ङीमा धाङपोगोला ॱनाम माला एन्‍ला, मीरीयाम माक्‍दालीनी धी़ठोदु होवालाक धेनी धी़ठोने धोगोङगो ॱहाला री-री श्‍याक्‍सा थोवालाक।

योहान्‍ना 20:1 Iomraidhean Croise

मेथा 27:56

खुङक्‍याने मीरीयाम माक्‍दालीनी धेनी याकोब धाङ योसेफगी आमा मीरीयाम धेनी जेबेदीगी भीजाक्‍याई आमा हो़तालाक।

मेथा 27:60

धेनी डाकला शो़सा खोरी धी़ठो साबा नाङदु खोङबागी कुफुङ श्‍याक्‍पालाक। धेनी धी़ठोगी घोगो फोङगीङ क्षे च्‍यीकगी काक्‍ती, खो होदेने सोवालाक।

मेथा 27:64

होझ्‍येरी श्‍याक्‍मो सुम थुक्‍पे, धी़ठो ॱरुङयेला का तेरोझ्‍यी। देरे मीझ्‍यीना खी़ ङेनेक्‍या होरी, खी़ रोगो की़री सोरी मीक्‍याला खो छीवाने सो़न्‍पो लाङदुक ॱनेरी ॱना सीगीलाक। धेनी दे गोकोर दे एम्‍माने ल्‍हाक आ झ्‍युङगीलाक।”

मेथा 27:66

होझ्‍येरी खुङक्‍या सोरी, धी़ठोगी घो काक्‍कीन फोङगीङला थेचे ग्‍याप्‍ती ॱरुङगीनक्‍या श्‍याक्‍पालाक।

मेथा 28:1

ङासुगीन ङीमा स्‍याम्‍ने, धी़न्‍डागी ङीमा धाङपोगोला, ॱनाम शारा-शीरीला मीरीयाम माक्‍दालीनी धाङ मीरीयाम श्‍येम्‍मागो, धी़ठो तारु सोवालाक।

मेथा 28:2

धेनी लाम्‍साङ चोवोगी भाङछेन च्‍यीक, नाम्‍खे श्‍यीङखामने होदुरु भाप्‍ती, सायोम क्षे च्‍यीक ग्‍याप्‍पालाक। धेनी खोङबा फेप्‍ती धी़ठोगी फोङगीङगो ॱहाला रीरी, होदेगी थोकला श्‍युक्‍पालाक।

मारकु 15:46

धेनी योसेफगी फुङबु टीगीन रे च्‍यीक ङ्यो़री, येशुगी कुफुङ माला पाप्‍ती रेगी़ टीवालाक। धेनी डाकला को़का धी़ठो च्‍यीक नाङदु श्‍याक्‍पालाक। धेनी धोगोङ क्षे च्‍यीक रीरी, होदेगी घोगु काक्‍पालाक।

मारकु 16:9

[येशु शा ङीमागी ॱङारोकगो छीवाने कुसो़न्‍पो श्‍येङसारती, खोङबा धाङस्‍योकगो मीरीयाम माक्‍दालीनीला ज्‍यावालाक। एम्‍मा मोने येशुगी डे धी़न तो़न जेपालाक।

योहान्‍ना 11:38

येशु याङ थुक फाम्‍दी, धी़ठोदु फेप्‍पालाक। धी़ठोगो नी डाक्‍फु च्‍यीक हो़तालाक। धेनी होदे घोगोला, धोगोङ क्षे च्‍यीक श्‍याक हो़तालाक।

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 19:25

येशुगी ग्‍याङस्‍यीङगी ङ्येरु, खोङबागी युम धाङ खोङबागी युमगी नुमो धाङ कोलोपासगी, केमी मीरीयाम धाङ मीरीयाम माक्‍दालीनी लारी धे हो़तालाक।

योहान्‍ना 20:26

श्‍याक्‍मो ग्‍ये स्‍याम्‍ने खोङबागी ङेनेक्‍या याङ होदे खाङबा नाङदु हो़तालाक धेनी थोमागोवा खुङक्‍यामुला हो़तालाक। घोगो ग्‍याप्‍हो़नाः, येशु खुङक्‍याई घुङदु फेप्‍ती सुवालाक, “खेक्‍याला श्‍यीदे हुङास्‍योक!”

जेपा 20:7

धी़न्‍डागी श्‍याक्‍मो धाङपोगी घोमुगो, हेक्‍या होदुरु हो़गीन धेपा-झ्‍यीगीनक्‍यामुला शामा शायेला जोम्‍बालाक। पाउलुगी खुङक्‍याला ॱलापच्‍या तेरती धेपालाक धेनी ॱङेटोगो होदेने लोक्‍ये झ्‍येरी, खो छेन फेचाम थुक्‍पे लाब तारी धेपालाक।

१ कोरीन्‍थुपा 16:2

ङा हुङाराङ श्‍यान्‍देप धु मेघोयेगी क्षीला धी़न्‍डा रे-रेगी ङीमा धाङपोगोला, खेक्‍याने रे-रेगी राङगी हुङघुङने तीते च्‍यीक पेरी साक्‍ती श्‍योक।

ॱङो़न्‍पा 1:10

धेनी चोवोगी ङीमागोला, ङा धाम्‍पे थुक्‍ङीगी वाङ होकला हो़तालाक। धेनी ङी ग्‍यापने दुङक्षेन क्षेगी के च्‍यीक च्‍योक्‍रे, केक क्षे च्‍यीक ङी घोरजुङ।