योहान्‍ना 2:24 - ॱलोवा

²⁴ हीना येशुगी घीरीला खेन्‍दा जेदी, खुङक्‍याला ॱलोते माजेपालाक।

योहान्‍ना 2:24 Iomraidhean Croise

मेथा 9:4

हीना येशुगी खुङक्‍याई साम्‍लोक्‍या खेन्‍दी, सुङा जेपालाक, “खेक्‍या घीझ्‍येरी खेरी सेम नाङदु साम्‍लो ङेन्‍पाक्‍या ताङा?

मारकु 2:8

खुङक्‍याई साम्‍लो देरे ताङी ॱनेरी, लाम्‍साङ येशुगी राङ सेमला खेन्‍दी, खुङक्‍याला सुवालाक, “खेक्‍या देरे साम्‍लो घीझ्‍येरी ताङाले?

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

योहान्‍ना 21:17

थेङ सुम्‍बा खोङबागी खोला सुवालाक, “योहान्‍नागी भीजा सीमोन, ख्‍यो़ ङाला चेवा झ्‍यीदी हो़ती?” धा येशुगी पेटोला थेङ सुम्‍बा थुक्‍पे, “ख्‍यी़ ङाला चेवा झ्‍यीदी हो़ती?” सुरी ढीवा जेगीनगोला खो सेम फाम्‍बालाक। धेनी खी़ खोङबाला श्‍यी़वालाक, “चोवो, खेराङ घीरी खेन्‍दालाक। ङी खेराङला चेवा झ्‍यीगीनगोवा खेराङ खेन्‍दालाक।” येशुगी खोला सुवालाक, “ङी लुकक्‍या छो़।

योहान्‍ना 4:16

येशुगी मोला सुवालाक, “सोरी, ख्‍यो़री ख्‍योवाला भो़री स्‍योक।”

योहान्‍ना 5:42

हीना खेक्‍या नाङदु को़न्‍क्षोकगी झाम्‍पा मीदुक ॱनेरी ङाला स्‍येयेहो़क।

योहान्‍ना 6:15

मीक्‍या होरी खोङबाला ग्‍यावु को़येला उजुक झ्‍येरी ठीक्‍ये झ्‍यीगीनगो, येशुगी खेन्‍दा जेदी खोङबा च्‍यीका री स्‍योकला फेया जेपालाक।

योहान्‍ना 6:64

हीना खेक्‍याने रीङगागी धेपा मीझ्‍यीदालाक।” धेपा मीझ्‍यीगीनक्‍या धाङ खोङबाला ङोलोक झ्‍यीगीन सु हीन्‍गीनगो, येशुगी थोक्‍माने खेन्‍दा जेदालाक।

जेपा 1:24

धेनी खुङक्‍याई देरे सोवा ग्‍याप्‍पालाक, “चोवो, खेराङ मी घीरीगी सेमगी लाब खेन्‍दालाक। होझ्‍येरी चोवो, दे ॱङीउने कुछाप झ्‍युरी श्‍याप्‍तोक पुयेला, खेराङगी सुला दामा झ्‍येहेतो, हेक्‍याला तो़न्‍रोजे। घीझ्‍येरी ॱनाना युदा दे लेगा देला भोरती, खो हुङजा साजाला राङ लोक्‍पालाक।”

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

ईब्‍रीपा 4:13

को़न्‍क्षोकगी ॱमीक्‍वादु को़पा घीरीने घीया बे मेतालाक। खोङबागी च्‍येनगी डुङदु दो़न घीरी सावो धाङ ॱमाकाप हो़तालाक। धेनी खोङबाला राङ होराङ होरी ची श्‍यु घोगुलाक।

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।