योहान्‍ना 2:19 - ॱलोवा

¹⁹ येशुगी खुङक्‍याला सुवालाक, “क्षो़खाङ दे तोरस्‍यीक तोङ धेनी ङीमा सुमला ङा दे ॱलाङयेहीन।”

योहान्‍ना 2:19 Iomraidhean Croise

मेथा 12:40

घीझ्‍येरी ॱनाना योना ङीन-छेन सुम ङ्या क्षे च्‍यीकगी फोवा नाङदु धेगीन च्‍योक्‍रे, मी-भुवाः ङीन-छेन सुम थुक्‍पे सागी तीङला धेगीलाक।

मेथा 16:21

होदे धी़चो़ने येशुगी राङगी ङेनेक्‍याला, खोङबा येरुसालेमला फेप घोगुलाक धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याने दुक्‍पु माङा च्‍यीक ङ्याङ घोगुलाक धेनी खोङबा से घोगीलाक हीना ङीमा सुम्‍बागोला छीवाने या श्‍याङगीलाक ॱनागीनगी, कोरला सेस्‍ये जेपालाक।

मेथा 27:40

ॱनेवालाक, “ख्‍यो़ को़न्‍क्षोकगी क्षो़खाङला स्‍यीक्‍ती श्‍याक्‍मो सुमला चीक थुप्‍कीन ख्‍यो़, राङला क्‍योप! ख्‍यो़ को़न्‍क्षोकगी से हीन्‍ना ग्‍याङस्‍यीङने माला भाप्‍ती स्‍योक।”

मेथा 27:63

ॱनेवालाक, “चोवो, दे ॱली़टे देगी खोराङ सो़न्‍पो हेती घाङला ‘ङीमा सुमगी स्‍याम्‍ने, ङा छीवाने सो़न्‍पो लाङयेहीन’ ॱनेरी ॱनागीनगो, हेक्‍याला ढेन्‍बा हो़क।

मारकु 14:58

“‘मीगी लाक्‍पागी शो़सा, को़न्‍क्षोकगी क्षो़खाङ दे स्‍यीक्‍ती लाक्‍पागी चीक्‍चा मेन्‍दा श्‍येम्‍मा क्षो़खाङ च्‍यीक, ङी श्‍याक्‍मु सुम नाङला चीउ’ ॱनेरी खी़ ॱनागीनगो हीकी घोजुङ।”

मारकु 15:29

होदेने डुगीनक्‍याई राङ-राङगी गोवा ॱयुक्‍ती, खोङबाला ॱमेटा तावालाक, “क्षो़खाङ स्‍यीक्‍ती श्‍याक्‍मु सुमला चीक्‍ये ॱनागीन ख्‍यो़,

मारकु 8:31

“मी-भुगी दुक्‍पु माङा ङ्याङ घो़गीलाक, धेनी गोठीक्‍या धाङ क्षो़पो़न क्षेक्‍या धाङ क्षो़ठीमगी ॱलोपो़नक्‍याई ङोलोक झ्‍यीगीलाक धेनी सेगीलाक धेनी श्‍याक्‍मो सुम स्‍याम्‍ने, याङ सो़न्‍दी श्‍याङगीलाक।” सुरी येशुगी खुङक्‍याला ॱलापच्‍या ॱनाङयेला गो चुक्‍पालाक।

योहान्‍ना 11:25

खोङबागी मोला सुवालाक, “ॱलार सो़न्‍गीन धाङ छेसोक नी, ङा हीन। ङाला धेपा झ्‍यीगीनक्‍या स्‍यीनाः सो़न्‍पो ॱनेगीलाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

जेपा 2:24

हीना को़न्‍क्षोकगी खोङबाला छीवाने सो़न्‍पो श्‍याङा जेपालाक। को़न्‍क्षोकगी खोङबाला छीवे स्‍युकने खा टा जेपालाक घीझ्‍येरी ॱनाना छीवे स्‍युकगी खोङबाला च्‍योई शीम्‍दी श्‍याक ॱमीथुक्‍वालाक।

जेपा 2:32

“धा खोङराङ येशुला को़न्‍क्षोकगी छीवाने सो़न्‍दु च्‍युक्‍पालाक। धेनी दे लाबगी पाङपोगो होराङ घीरी हो़क।

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 3:26

खेक्‍याला खेरी झ्‍यावा ङेन्‍पाने ॱलोक्‍ती, होदे झ्‍यीलाप ॱनाङयेला, को़न्‍क्षोकगी राङगी दाम्‍दा श्‍यीप्‍ची येशुला घोमा खेक्‍याचारु झावालाक।”

जेपा 6:14

घीझ्‍येरी ॱनाना खी़ हो ॱनागीन हीकी घोरजुङ, ‘नाजारेतगी येशुगी दे क्षो़खाङ मेताला ताङगीलाक धेनी मोशेगी ॱनाङना लुक्‍सो़क्‍यालाः ज्‍येगीलाक।’”

रोमापा 4:24

हीना होरी क्षीदुवाः ढीक्‍पालाक। होरी चोवो येशुला छीवाने कुसो़न्‍पो श्‍याङा जेगीन, को़न्‍क्षोकला धेपा झ्‍यीगीन होराङक्‍याला को़न्‍क्षोकगी ढाङपो चीगीलाक।

रोमापा 6:4

होझ्‍येरी होरी ठी़सो़गी थोक्‍ने, होराङक्‍या खोङबामुला छीवागी नाङ धी़ठोदु बेवालाक। दे नी यापगी शीजेचेनगी नी़थुगी थोक्‍ने, मास्‍यीका छीवाने कुसो़न्‍पो श्‍याङगीन च्‍योक्‍रे, होराङक्‍याः छे साबागी नाङ छोवा क्‍यालास्‍योक ॱनेरी लाक।

रोमापा 8:11

धेनी येशुला छीवाने कुसो़न्‍पो जेगीनगी थुक्‍ङी खेक्‍याई नाङ श्‍युक हो़ना, मास्‍यीका येशुला छीवाने कुसो़न्‍पो जेगीनगी खेक्‍याई नाङ श्‍युक्‍कीन, धाम्‍पे थुक्‍ङीगी थोक्‍ने खीकी छीवागी ली़लाः छेसोक ॱनाङगीलाक।

१ कोरीन्‍थुपा 15:12

धा मास्‍यीका छीवाने कुसो़न्‍पो श्‍याङवालाक ॱनेरी सेटाक झ्‍येहो़ना, खेक्‍याने रीङगागी छीवाने सो़न्‍पो मेलाङालाक ॱनेरी, घाङगी झ्‍येरी ॱनाथुक्‍वाले?

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।