योहान्‍ना 19:4 - ॱलोवा

⁴ पीलातु धाब्‍ले फीला सोरी खुङक्‍याला ॱनेवालाक, “तो़, ङी खोला क्‍यो़न घीया ॱमाङेगीनगो, खेक्‍याई ॱहाघोरयेला ङी खोला खीकी दोङदु फीला ठीक्‍ती होहो़क।”

योहान्‍ना 19:4 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मेथा 27:24

धा पीलातुगी खोरी घीया झ्‍यी ॱमीथुप्‍कीन, हीना ॱयोल्‍ले ॱङ्योक्‍टा लाङगु झ्‍यीगीनगो थोरी, खी़ मीमाङक्‍याई दोङदु क्षु खेरती लाक्‍पा ठी़वालाक धेनी ॱनेवालाक, “दे मी दी ठाकगी क्‍यो़न ङाला फोक्‍येमेक। दे खीकी गोवाला फोक्‍कीलाक।”

मेथा 27:4

ॱनेवालाक, “ङी क्‍यो़न मेगीन मी च्‍यीकला ग्‍याप्‍तो़ झ्‍येरी धीक्‍पा झ्‍येजुङ।” खुङक्‍याई ॱनेवालाक, “हेक्‍याला झ्‍यी़दोक मेक। होदे ख्‍यो़री ॱङ्योक्‍टा लाक।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

लुका 23:4

धेनी पीलातुगी क्षो़पो़न क्षेक्‍या धाङ मीछोकक्‍याला ॱनेवालाक, “ङी मी देला क्‍यो़न चुक घोये दो़न घीया ॱमेथोङा।”

लुका 23:41

होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

योहान्‍ना 18:33

धा पीलातु खोराङगी फोडाङ नाङदु सोरी, येशुला भो़री ॱनेवालाक, “ख्‍यो़ याहुदापाक्‍याई ग्‍यावुगो हीने?”

योहान्‍ना 18:38

धेनी पीलातुगी खोङबाला श्‍यी़वालाक, “धेन्‍पा घी ले?” दे ॱनेसारती खो याहुदापाक्‍या हो़जारु फीला सोरी खुङक्‍याला ॱनेवालाक, “ङी मी दे नाङ क्‍यो़न घीया ॱमेङेदा।

योहान्‍ना 19:6

धा क्षो़पो़न क्षेक्‍या धाङ ॱमाक्‍मीक्‍याई खोङबाला ज्‍याली घाङला, “खोला ग्‍याङस्‍यीङ खाला क्‍योङ, खोला ग्‍याङस्‍यीङ खाला क्‍योङ!” ॱनेरी फेरा ग्‍याप्‍पालाक। पीलातुगी खुङक्‍याला ॱनेवालाक, “ङी खोला क्‍यो़न घीया ॱमाङे, होझ्‍येरी खेक्‍याराङ खोला ठीक्‍ती सोरी ग्‍याङस्‍यीङ खाला क्‍योङ।”

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ पेटो 2:22

“खोङबागी धीक्‍पा च्‍यीया माझ्‍ये, धेनी खोङबागी ॱली़टेगी छीक ॱमासुङ।”

१ पेटो 3:18

घीझ्‍येरी ॱनाना होराङला को़न्‍क्षोक डुङदु ठीक्‍येगी क्षीला, मास्‍यीकाः होरी धीक्‍पाक्‍याई क्षीदु ढोवालाक। ढाङतेनगो मेढाङागी क्षीदु ढोङपालाक। खोङबा ली़ला सेपालाक हीना थुक्‍ङीगी थोक्‍ने खोङ कुसो़न्‍पो जेपालाक।

१ योहान्‍ना 3:5

हीना होरी धीक्‍पाक्‍या सेयेगी क्षीला, खोङबा ॱङो़न जेपालाक ॱनेरी, खेक्‍या स्‍येलालाक। धेनी खोङबागी नाङ धीक्‍पा मेतालाक।