योहान्‍ना 19:17 - ॱलोवा

¹⁷ धेनी येशु फीला फेप्‍ती, राङगी ग्‍याङस्‍यीङ खुरती गोरी़गी री ॱनागीन साज्‍याला फेप्‍पालाक। ईब्‍रीपा केकला, “गोलगोथा” ॱनालाक।

योहान्‍ना 19:17 Iomraidhean Croise

मेथा 10:38

धेनी राङगी ग्‍याङस्‍यीङ खेरती, ङी स्‍याबाला मेडागीनक्‍याला ङी ङेने झ्‍युङयेगी आङजा मेक।

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

मेथा 27:37

धेनी खुङक्‍याई क्‍यो़न्‍जुकगी यीक, “दे नी याहुदापे ग्‍यावु येशु लाक।” ॱनेरी ढीक्‍ती, खोङबागी उगी थोकला ज्‍यारपालाक।

मारकु 10:21

धेनी येशुगी खोला शीक्‍ती, खोला झाम्‍पा जेदी सुवालाक, “ख्‍यो़ला धोराङा च्‍यीक ॱमेछाङा। ख्‍यो़ सोरी राङला हो़गीन घीरी चोरी, उटेक्‍याला ज्‍यीम्‍बा तोङ धेनी को़न्‍क्षोकगी ग्‍यासीदु ख्‍यो़ला नोर थोप्‍कीलाक। धेनी होरे, ङी स्‍याबाला डो।”

मारकु 15:26

धेनी “याहुदापाक्‍याई ग्‍यावु” ॱनेरी ङेक्‍यो़नगी यीक च्‍यीक ढीक्‍ती, ग्‍याङस्‍यीङगी गोरु ताक्‍ती श्‍याक्‍पालाक।

मारकु 15:32

ईस्‍राएलगी ग्‍यावु, मास्‍यीका, हीकी थोरी धेपा झ्‍यीयेला ख्‍यो़राङ धान्‍दा ग्‍याङस्‍यीङने माला भाप्‍ती स्‍योक।” खोङबामुला ग्‍याङस्‍यीङ खाला क्‍याङक्‍या, झ्‍याक्‍पा ॱङीउगीया खोङबाला ॱमेटा पाप्‍पालाक।

मारकु 8:34

धेनी खोङबागी मीछोकक्‍याला, राङगी ङेनेक्‍यामुला भो़री सुवालाक, “ङी स्‍याबाला हुङी दो़ना, राङला पारे राङगी ग्‍याङस्‍यीङ खुरती ङी स्‍याबाला डोङ।

लुका 14:27

धेनी राङगी दुक्‍पुगी ग्‍याङस्‍यीङ ॱमीखुरकीन हीना ङी स्‍याम्‍ला डागीनक्‍या, ङी ङेने झ्‍युङ थुक्‍कीमालाक।

लुका 23:26

धेनी ॱमाक्‍मीक्‍याई येशुला होदेने ठीक्‍ती डी़ घाङला, कुरेनेपा सीमोन ॱनागीन मी च्‍यीक राङगी युने होदे स्‍योकला हुङी हो़तालाक। धेनी खुङक्‍याई खोला शीम्‍दी, येशुगी ग्‍याङस्‍यीङगो खेरतु च्‍युक्‍पालाक।

लुका 23:33

खुङक्‍या गोरी़ ॱनागीन साजागोला ॱलेप्‍पालाक। धेनी होदुरु खोङबाला ग्‍याङस्‍यीङ खाला क्‍याङबालाक धेनी झ्‍याक्‍पा ॱङीउने च्‍यीकला, खोङबागी ॱये स्‍योक धाङ श्‍येम्‍माला ॱयो़न स्‍योकला क्‍याङबालाक।

लुका 23:38

धेनी खोङबागी उ खाला “दे याहुदापाक्‍याई ग्‍यावु लाक” ॱनेरी ढीक्‍ती ताक हो़तालाक।

लुका 9:23

धेनी खोङबागी खुङ घीरीला सुवालाक, “ङी स्‍याम्‍ला हुङङी दो़गीनक्‍या, राङला पारी राङगी ग्‍याङस्‍यीङ च्‍योई खुरती, ङी स्‍याम्‍बाला डा घोगीलाक।

योहान्‍ना 19:13

पीलातुगी दे घोरती येशुला फीला ठीक्‍ती होवालाक धेनी खो “धोचेल” ॱनागीन ठीम्‍चो़गी ठीला धेपालाक। (ईब्‍रीपा केकला “गाब्‍बाथा” ॱनालाक।)

योहान्‍ना 5:2

येरुसालेमगी लुक ॱनागीन घोगी डामदु, ॱयाक्‍कु ॱङा हो़गीन जीङु च्‍यीक हो़तालाक, ईब्‍रीपा केकला होदेला बेथेदा ॱनालाक।

जेपा 7:58

धेनी खुङक्‍याई खोला ढी़दी ग्‍याजा फीला तो़न्‍दी धोगोङ श्‍युरपालाक। धेनी पाङपोक्‍याई खोरी घोलाकक्‍या साउल ॱनागीन, ख्‍योक्‍तोङ च्‍यीकगी काङबारु श्‍याक्‍पालाक।