योहान्‍ना 19:11 - ॱलोवा

¹¹ येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

योहान्‍ना 19:11 Iomraidhean Croise

मेथा 26:65

धेनी चो क्षो़पो़नगी खोरी घो़ रारी ॱनेवालाक, “ख्‍यी़ को़न्‍क्षोकला कुरवा ताप्‍यी! धा देने ल्‍हाक पाङपो होराङला घी घोये दुओ? खी़ को़न्‍क्षोकला कुरवा ताप्‍कीनगो खेक्‍याई घोरजुङ।

मेथा 27:2

धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मेथा 6:13

हेला छो़ताला छी़दु ॱमाच्‍युक्‍रो जे, हीना ङेन्‍पागोने, हेला थारपा जे। ग्‍यासी, वाङ धाङ शीजे नी, ग्‍युने ग्‍युन्‍दु खेराङगी हीन। आमेन।’

मारकु 14:44

खोङबाला डागी लाक्‍पाला ची ग्‍याप्‍कीनगी़ खुङक्‍याला देरे ॱनेरी ताक तेरपालाक, “ङी ओ झ्‍यीगीन मीगोराङ लाक। खोला शीम्‍दी ॱरुङगीन, मी श्‍याक्‍ती ठीक्‍ती सोङ।”

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

योहान्‍ना 18:13

एन्‍ला खुङक्‍याई खोङबाला हान्‍नासचारु ठीक्‍पालाक, खो होदे लोगी चो क्षो़पो़न कायाफागी केमीगी आकी लाक।

योहान्‍ना 18:3

धा युदा ॱमाक्‍पुङ च्‍यीक धाङ क्षो़पो़न क्षेक्‍या धाङ फारुसीपाक्‍याई झाजा, क्षो़खाङगी ॱरुङमाक रीङगा ठीक्‍ती लाक्‍पादु डो़न्‍मे धाङ ॱलोकस्‍यु धाङ लाक्‍चाक्‍या, खेरती होदुरु होवालाक।

योहान्‍ना 19:10

होझ्‍येरी पीलातुगी खोङबाला श्‍यी़वालाक, “ख्‍यो़ ङीमुला लाब ताङये मेने? ख्‍यो़ला ॱलो़ ताङये धेनी ग्‍याङस्‍यीङ खाला क्‍याङयेगी आङजा ङाला हो़तालाक ॱनेरी, ख्‍यो़ला स्‍येये मेते?”

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 7:30

धेनी खुङक्‍याई खोङबाला शीम्‍येला थापस्‍यी चावालाक हीना खोङबागी धी़ मारीन्‍बा, सी़या खोङबाला लाक्‍पा ॱमाक्‍यावालाक।

योहान्‍ना 9:41

येशुगी खुङक्‍याला सुङा जेपालाक, “खेक्‍या श्‍यारा हीन्‍ना, खेक्‍याला धीक्‍पागी क्‍यो़न फोक्‍येमेक। हीना धान्‍दा खेक्‍याई ‘हेक्‍या थोङी’ ॱनेरी खेक्‍याई क्‍यो़नगो लेगीलाक।”

जेपा 2:23

को़न्‍क्षोकगी राङगी ढो़ धाङ ॱङो़नस्‍ये च्‍योक्‍रे, येशुला खेराङक्‍याई लागाला ॱनावालाक धेनी खेराङक्‍याई खोङबाला ग्‍याङस्‍यीङदु सेयेला, मी ङेन्‍पाक्‍याई लागाला ची ग्‍याप्‍पालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 4:28

खेराङगी वाङ धाङ दो़पागी झ्‍येरी, दे मी देक्‍याई खेराङगी एम्‍माने झ्‍येजा क्षास्‍यीगो डुप्‍तु च्‍युक्‍पालाक।

रोमापा 11:36

घीझ्‍येरी ॱनाना घीरी खोङगी को़वालाक। धेनी घीरी खोङगी थोक्‍ने खोङगी क्षीला झ्‍युवालाक। खोङला शीजे ग्‍युने ग्‍युन्‍दु हुङवास्‍योक। आमेन।

रोमापा 13:1

मी हो़ले श्‍युङगी पो़न्‍पोक्‍याई वाङ होकदु धेघो़। घीझ्‍येरी ॱनाना, को़न्‍क्षोकने को़का माना श्‍येम्‍मा वाङ च्‍यीया मेतालाक। धेनी पो़न्‍पो हो़गीनक्‍या को़न्‍क्षोकने को़का लाक।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

याकोब 4:17

होझ्‍येरी शाङा झ्‍यीदा स्‍येरीयाः मीझ्‍यीना धीक्‍पा लाक।