योहान्‍ना 18:28 - ॱलोवा

²⁸ ॱङारोक ॱङात्‍ती खुङक्‍याई येशुला कायाफागी नाङने, चीख्‍यापगी फोडाङदु ठीक्‍पालाक। राङला ॱमेचाङा मेसोवा, पेसाकगी धी़छेन शायेगी क्षीला खुङक्‍या चीख्‍यापगी फोडाङ नाङदु माजुवालाक।

योहान्‍ना 18:28 Iomraidhean Croise

मेथा 27:27

धेनी चीख्‍यापगी ॱमाक्‍मीक्‍याई, येशुला चीख्‍यापगी फोडाङदु ठीक्‍ती ॱमाक्‍खाक घीरी, खोङबागी दोङदु रुप्‍पालाक।

मारकु 15:16

धेनी ॱमाक्‍मीक्‍याई येशुला पो़न्‍पो पीलातुगी, फोडाङगी घोरादु ठीक्‍ती ॱमाक्‍पुङ घीरीला रुप्‍पालाक।

लुका 22:66

लाम लारी क्षो़पो़न क्षेक्‍या धाङ क्षो़ठीमगी ॱलोपो़नक्‍या छोक्‍दी़ जोम्‍बालाक धेनी खुङक्‍याई येशुला छोक्‍दी़रु ठीक्‍ती ॱनेवालाक,

योहान्‍ना 11:55

याहुदापाक्‍याई पेसाकगी धी़छेनगो ङे ॱलेवी हो़तालाक धेनी पेसाकगी धी़छेन गो चुक्‍ये एन्‍ला, यु-युने मीमाङक्‍या येरुसालेमदु राङ-राङला चाङडागी ॱरो ॱरुङयेला हो हो़तालाक।

योहान्‍ना 18:13

एन्‍ला खुङक्‍याई खोङबाला हान्‍नासचारु ठीक्‍पालाक, खो होदे लोगी चो क्षो़पो़न कायाफागी केमीगी आकी लाक।

योहान्‍ना 18:15

सीमोन पेटो धाङ ङेने श्‍येम्‍मा च्‍यीक येशुगी स्‍याबाला डावालाक। होदे श्‍येम्‍मा ङेनेगी़ चो क्षो़पो़नला ङोस्‍येगीन झ्‍येरी, येशुमुला चो क्षो़पो़नगी ॱयाक्‍कुरु जुवालाक।

योहान्‍ना 18:33

धा पीलातु खोराङगी फोडाङ नाङदु सोरी, येशुला भो़री ॱनेवालाक, “ख्‍यो़ याहुदापाक्‍याई ग्‍यावुगो हीने?”

योहान्‍ना 18:39

हीना पेसाकगी धी़छेनला खीकी क्षीला, ङी मी च्‍यीकला ॱलो़ ताङयेगी खीकी लुक्‍सो़ च्‍यीक हो़तालाक। होझ्‍येरी खीकी क्षीला ‘याहुदापाक्‍याई ग्‍यावु’ ॱनागीन देला ॱलो़ ताङयेगो, खेक्‍या दो़दी हो़ते?”

योहान्‍ना 19:11

येशुगी खोला कालेन ॱनावालाक, “तो़ने ॱमानाङगीन थुक्‍पे, ङी थोकला खेराङला आङजा घीया मेतालाक। होझ्‍येरी खेराङगी लाकला ङाला ची ग्‍याप्‍कीनगोला, देले ल्‍हाक धीक्‍पा क्षे फोक्‍कीलाक।”

योहान्‍ना 19:14

धा होदे ङीमागो पेसाकगी धी़छेन डाढीक झ्‍यीगीन ङीमागो लाक। धेनी होदे घाङला ङीङमो छुची च्‍युङङी झ्‍यु हो़तालाक। पीलातुगी याहुदापाक्‍याला ॱनेवालाक, “खेक्‍याई ग्‍यावुला तो़!”

योहान्‍ना 19:9

खो धाब्‍ले फोडाङ नाङदु जुरी येशुला ढीवालाक, “ख्‍यो़ घाने हीनो?” हीना येशुगी लेन च्‍यीया ॱमासुवालाक।

जेपा 10:28

पेटोगी खुङक्‍याला ॱनेवालाक, “याहुदापा मी च्‍यीक याहुदापा मेन्‍गीन मीरीकगी नाङदु देरे झ्‍येरी जुये धाङ ढीवा झ्‍यीये याहुदापा क्षो़ठीमला ॱमीढीयालाक ॱनेरी, खेक्‍याला क्षा हो़तालाक। हीना ङी सुलाः ॱमेचाङा याङना चोक्‍पा ॱनेरी साम्‍लो ताङये मेतालाक ॱनेरी, को़न्‍क्षोकगी ङाला तो़न जेसोङ।

जेपा 10:32

होझ्‍येरी सीमोन पेटोला लेन्‍दु झोङ। खो ग्‍याछो डामदु हो़गीन कोवा ॱङीखेन सीमोनगी नाङदु धेदुक।’

जेपा 11:3

खुङक्‍याई ॱनेवालाक, “ख्‍यो़ याहुदापा मेन्‍गीन मीरीकक्‍या चारु डो़नला सोरी, खुङक्‍यामुला शामा शेदुक।”

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।