योहान्‍ना 17:9 - ॱलोवा

⁹ ङा खुङक्‍याई क्षीला सोवा ग्‍यावीहो़क। ङी जीक्‍तेनगी मीक्‍याई क्षीदु सोवा ग्‍यावामेन हीना खेराङगी ङाला ॱनाङना मीक्‍याई क्षीला, ङा सोवा ग्‍यावाहीन घीझ्‍येरी ॱनाना खुङक्‍या खेराङगी हीन।

योहान्‍ना 17:9 Iomraidhean Croise

लुका 22:32

हीना ख्‍यी़ धेपा मायेवास्‍योक ॱनेरी, ङी ख्‍यी़ क्षीला सोवा ताप्‍पी। धेनी ख्‍यी़ सेम ग्‍युरसारती ख्‍यो़री पी़नक्‍याला तेन्‍पो शो़।”

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

लुका 8:34

धा फाक-झीक्‍याई घी झ्‍युङगीनगो थोरी डो़री सोवालाक धेनी ग्‍याजा धाङ युक्‍याला होदे लाब स्‍येपालाक।

योहान्‍ना 14:16

धेनी ङा यापला श्‍यी़येहीन, धेनी खीकीमुला ग्‍युने ग्‍युन्‍दु ॱनेयेला, खोङबागी खेक्‍याला रोवा जेगीन श्‍येम्‍मा च्‍यीक ॱनाङगीलाक।

योहान्‍ना 17:2

घीझ्‍येरी ॱनाना खेराङगी सेला ॱनाङना घीरीला, खोङगी थामेपे छेसोक ॱनाङयेला, खेराङगी सेला मी घीरीगी खाला वाङ ॱनाङ हो़तालाक।

योहान्‍ना 17:20

“ङी स्‍याम्‍ला डागीन मी देक्‍याई क्षीला च्‍यीगा मेन्‍दा, खुङक्‍याई का स्‍येगीनगी गोने, ङाला धेपा झ्‍यीगीन मीक्‍याई क्षीलाः ङा सोवा ग्‍यावीहो़क।

योहान्‍ना 17:6

“खेराङगी जीक्‍तेन नाङने ङाला ॱनाङना मीक्‍याला, ङी खेकी छेन ॱङो़न्‍दु च्‍युकहो़क। खुङक्‍या खेराङगी हीन धेनी खेराङगी खुङक्‍या ङाला ॱनाङा जेजुङ। धेनी खुङक्‍याई खेराङगी का ॱरुङदुक।

योहान्‍ना 6:37

यापगी ङाला ॱनाङगीन घीरी ङीचारु हुङगीलाक धेनी ङीचारु हुङगीन सुलाः ङा ॱलोक्‍येमेन।

योहान्‍ना 6:39

धेनी ङाला ॱङाक्‍कीनगी थुकोङगो, खोङबागी ङाला ॱनाङा जेजा सुवाः ॱमेतोरा, थामे ङीमागोला सो़न्‍पो ॱलाङये लाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

ईब्‍रीपा 9:24

मास्‍यीका नी धाम्‍पे ॱनेसा ॱङोन्‍नेगी पे हीन्‍गीन, मीगी लाक्‍पी शो़सा घुरखाङ नाङला ॱमाफेप्‍पालाक। हीना होरी छापला धान्‍दा को़न्‍क्षोकगी डुङदु ज्‍यायेला, खोङबा नाम्‍खे श्‍यीङखामदु राङ फेप्‍पालाक।

१ योहान्‍ना 5:19

होराङ को़न्‍क्षोकने लाक धेनी जीक्‍तेन घीरी धी़गी वाङ होकला हो़तालाक ॱनेरी, होराङ स्‍येलालाक।

ॱङो़न्‍पा 12:9

होदे डुक क्षेगो माला ॱयुक्‍पालाक। दे नी, जीक्‍तेनगी मी घीरीला ॱली़गीन धी़ याङना सातान ॱनेरी, ॱनागीन एम्‍मा-एम्‍मागी डुगो लाक। होदेला साश्‍यीदु ॱयुक्‍पालाक धेनी होदेमुला खी़ भाङछेनक्‍याः ॱयुक्‍पालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 20:15

धेनी छेसोकगी धेप नाङदु मीङ माढीक्‍टाक्‍या घीरी, होदे मेगी छो नाङदु ॱयुक्‍पालाक।