योहान्‍ना 17:4 - ॱलोवा

⁴ खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 17:4 Iomraidhean Croise

लुका 22:37

घीझ्‍येरी ॱनाना ङा खेक्‍याला ॱनाहीन, क्षो़ठीमला ‘खो झ्‍याक्‍पाक्‍याई मुला चीवालाक।’ ॱनेरी ढीक्‍टागो ङाला डुप घोगुलाक। धेनी धेन्‍पाराङ ङी कोरला ढीक्‍टाक्‍या डुपालाक।”

योहान्‍ना 12:28

याप ला, खेराङगी छेनला शीजे धाङ धेन्‍पा जेरो।” धेनी नाम्‍खे श्‍यीङखामने सुङकेक च्‍यीकगी सुवालाक, “ङी शीजे धाङ धेन्‍पा जेहो़क धेनी धाब्‍ले शीजे धाङ धेन्‍पा झ्‍यीयेहीन।”

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 14:31

हीना ङा यापला चेवा झ्‍यीदाहीन ॱनेरी, जीक्‍तेनगी ॱहाघोरयेगी क्षीला, ङा यापगी का ॱनाङगीन च्‍योक्‍रे झ्‍यीदाहीन। धा लोङ, होराङ देने ॱहाला डोउ।”

योहान्‍ना 15:10

ङी यापगी काक्‍या ॱरुरी, खोङबागी झाम्‍पा नाङदु ॱनेगीन च्‍योक्‍रे, खेक्‍यागीया ङी काक्‍या ॱरुङना, खेक्‍या ङी झ्‍याम्‍पे नाङदु ॱनेगीलाक।

योहान्‍ना 19:28

होदे स्‍याम्‍ने धा घीरी डुप्‍कीनगो खेन्‍दा जेदी, खोङबागी सुङरापला ढीक्‍टागो डुप्‍येगी क्षीला “ङा खा कोमी” सुरी सुवालाक।

योहान्‍ना 19:30

धेनी येशुगी होदे घुन्‍क्षाङ क्‍युरमुगो श्‍येरी सुवालाक, “धा डुप्‍जो।” धेनी खोङबागी उ घुक्‍ती कुसोक ॱलो़ ताङा जेपालाक।

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 9:3

येशुगी सुङा जेपालाक, “मी दी धीक्‍पा झ्‍येरी मालाक धेनी खी़ फामे धीक्‍पा झ्‍येरीयाः मालाक हीना को़न्‍क्षोकगी क्षाक्‍ले, खी़ नाङने ॱङो़न्‍दु जेयेगी क्षीला झ्‍युवालाक।

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

२ तीमोथेउ 4:7

ङी ॱमाक शाङा टाप हो़क धेनी ङी भाङदुरगो तासाहो़क धेनी ङी धेपा ॱरुङहो़क।