योहान्‍ना 17:25 - ॱलोवा

²⁵ “के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:25 Iomraidhean Croise

मेथा 11:27

“ङी यापगी ङाला घीरी ॱनाङा हो़तालाक। यापगी माना सेला सी़या ङो ॱमेस्‍येलालाक धेनी से धाङ सेगी यापला तो़न्‍ये दो़पा हो़गीन मीक्‍याई माना, खोङला सी़या ङो ॱमेस्‍येलालाक।

मेथा 16:16

सीमोन पेटोगी ॱनेवालाक, “खेराङ नी मास्‍यीका, सो़न्‍पो को़न्‍क्षोकगी सेगो लाक।”

लुका 10:22

“ङी यापगी ङाला घीरी ॱनाङा जे हो़तालाक। यापगी माना सेला सी़या ॱमेस्‍येलालाक। याङ से धाङ सेगी तो़न्‍ये दो़पा जेगीन मीक्‍या माना, याप सु हीन्‍गीनगो सुला स्‍येये मेतालाक।”

योहान्‍ना 1:18

सी़ च्‍यीया को़न्‍क्षोकला नामा माज्‍या हो़तालाक। यापगी मुला श्‍युक्‍कीन से च्‍यीक्‍पो, खोङराङ को़न्‍क्षोक हीन्‍गीनगी़ यापला ङो टेवालाक।

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 16:27

घीझ्‍येरी ॱनाना खेक्‍याई ङाला झाम्‍पा झ्‍येवालाक धेनी ङा यापने हुङगीनगोला खीकी धेपा झ्‍येरी, याप राङगी खेक्‍याला झाम्‍पा जेदालाक।

योहान्‍ना 16:3

खुङक्‍याई यापला ङो ॱमेस्‍ये धेनी ङालाः ङो ॱमेस्‍येगीन झ्‍येरी, देरे लेगाक्‍या झ्‍यीगीलाक।

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 17:18

खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 6:19

धेनी डुगो पाक छे च्‍यीक-ॱङी चो़ ॱहाला ॱलेप्‍ती, येशु छो खाला श्‍याप च्‍याक्‍ती, खुङक्‍याई ङ्येरु फेप्‍कीनगो थोरी खुङक्‍या जीक्‍पालाक।

योहान्‍ना 7:29

ङा नी खोङने होवाहीन धेनी खोङगी ङाला ॱङाक्‍वाहीन होझ्‍येरी ङी खोङला ङो स्‍येलीहो़क।”

योहान्‍ना 8:19

धेनी खुङक्‍याई खोङबाला “ख्‍यी़ याप घारु हो़ताले?” ॱनेरी ढीवालाक। येशुगी सुङा जेपालाक, “खेक्‍याई ङाला ङो ॱमेस्‍ये धेनी ङी यापला ङो ॱमेस्‍येलालाक। खेक्‍याई ङाला ङोस्‍ये हो़ना, ङी यापलाः ङो स्‍येयेहो़क।”

योहान्‍ना 8:55

खेक्‍याई खोङबाला ङो ॱमेस्‍येलालाक हीना ङी खोङबाला ङो स्‍येलीहो़क। ङी खोङबाला ङो मेस्‍येहो़क ॱनाना ङा खेक्‍या च्‍योक्‍रे शोक्‍पो झ्‍युङगीलाक। हीना ङी खोङबाला ङोस्‍येलीहो़क धेनी खोङबागी का ॱरुङीहो़क।

जेपा 17:23

खीकी ग्‍याजाने डी़ घाङला ङी खेक्‍याई क्षो़ झ्‍यीजा च्‍यालाकक्‍याला तेवी। होदुरु ङी क्षो़ठी च्‍यीकला देरे ढीक्‍टा च्‍यीक थोजुङ, ‘ङो ॱमेस्‍येगीन ल्‍हागी क्षीला’। धा खेक्‍याई ङोमेस्‍येलाला चीगीन ल्‍हागो सु लाक ॱनेरी, ङी खेक्‍याला ॱनाउ।

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 3:11

ॱहाघोगीन च्‍यीया मीदुक, को़न्‍क्षोकला चागीन सुवा मीदुक।

रोमापा 3:26

हीना खोङबाराङ ढाङपो हीन्‍गीन धाङ येशुला धेपा झ्‍यीगीनक्‍याला खोङबागी ढाङपो जेयेगी क्षीदु, खोङबागी धान्‍दागी धी़ला मीक्‍याई धीक्‍पाला दो़नाङ जेदालाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 15:34

खेक्‍या रीक्‍पा शीम धेनी धा देने ॱहाला, धीक्‍पा माझ्‍यी। खेक्‍याने रीङगागी को़न्‍क्षोकला ङोगोवाः ॱमेस्‍येगीन झ्‍येरी, खेक्‍या ङोछा घोयेदुक ॱनेरी ङा ॱनाहीन।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

२ थेसालोनीकेपा 1:8

होदे घाङला को़न्‍क्षोकला ङो ॱमेस्‍येगीनक्‍या धाङ होरी चोवो येशुगी ताम्‍शाङला ॱमीचीगीनक्‍याला, खोङबागी छेपा का जेगीलाक।

ईब्‍रीपा 8:11

‘को़न्‍क्षोकला ङो स्‍येघो़’ ॱनेरी, धा सी़याः राङगी खीम्‍चे याङना राङगी पी़न्‍दाक्‍याला ॱलाप मेघो़, घीझ्‍येरी ॱनाना च्‍युङाने क्षे थुक्‍पे, खुङक्‍या घीरीगी ङाला ङोस्‍येगीलाक।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।

ॱङो़न्‍पा 13:8

धेनी सेदी श्‍याकश्‍या लुक्‍टुगी छेसोकगी धेप नाङला, जीक्‍तेन ॱमाको़ एन्‍लाराङ, मीङ माढीक्‍टा साश्‍यीदु धेगीन मी घीरीगी, होदे सेम्‍चेनला क्षाक्‍क्षो़पा पुगीलाक।

ॱङो़न्‍पा 16:5

धेनी क्षुक्‍याई खाला आङजा झ्‍यीगीन, नाम्‍खे भाङछेनगी़ देरे सुङगीनगो ङी घोरजुङ, “के धाम्‍पा को़न्‍क्षोक, धान्‍दा श्‍युक ॱनाङगीन धाङ एम्‍मा श्‍युक ङ्युङ हो़गीन, खेराङ राङगी ठीम्‍चो़ला ढाङपो दुक।