योहान्‍ना 17:23 - ॱलोवा

²³ खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 17:23 Iomraidhean Croise

योहान्‍ना 10:38

हीना ङी लेगा देक्‍या झ्‍येरी, धोराङा खेक्‍या यी ॱमेछेना, लेगाक्‍याला यीच्‍चे झ्‍यी। होझ्‍येरी याप ङी नाङदु हो़गीन धाङ ङा यापगी नाङदु हो़गीनगो, खेक्‍याई ॱहाघोरती स्‍येलास्‍योक।”

योहान्‍ना 13:35

खेक्‍याई च्‍यीकगी च्‍यीकला झाम्‍पा झ्‍यीना, देनेराङ खेक्‍या ङी ङेने हीन्‍गीनगो मी घीरीगी ॱहाघोरकीलाक।”

योहान्‍ना 14:10

ङा याप नाङ हो़गीन धाङ याप ङी नाङ हो़गीनगो खेक्‍याई धेपा मीझ्‍यीदाले? ङी खेक्‍याला स्‍येगीन लाबक्‍या ङाराङगी वाङने स्‍येदामेन हीना ङी नाङ श्‍युक्‍कीन, यापगी राङगी क्षाक्‍लेक्‍या जेदालाक।

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 15:9

“यापगी ङाला चेवा जेगीन च्‍योक्‍रे, ङीयाः खेक्‍याला चेवा झ्‍येहो़क। खेक्‍या ङी चेवे नाङदु ॱने च्‍यीक।

योहान्‍ना 16:27

घीझ्‍येरी ॱनाना खेक्‍याई ङाला झाम्‍पा झ्‍येवालाक धेनी ङा यापने हुङगीनगोला खीकी धेपा झ्‍येरी, याप राङगी खेक्‍याला झाम्‍पा जेदालाक।

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:24

“के याप, खेराङगी ङाला ॱनाङना घीरी, ङा घारु हो़जारु ङीमुला हो़गीन धाङ ङी शीजे थोङगीनगो, ङा दो़दीहो़क। दे शीजे दे जीक्‍तेन ॱमाको़ एन्‍ला, खेराङगी ङाला झाम्‍पा जेदी ॱनावाहीन।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 6:56

ङी स्‍या शागीन धाङ ङी ठाक थुङगीनगो, ङी नाङ ॱनेलालाक धेनी ङा होदेगी नाङ ॱनेलाहीन।

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

२ कोरीन्‍थुपा 5:21

घीझ्‍येरी ॱनाना मास्‍यीकागी गोने, होराङ को़न्‍क्षोकगी डुङदु ढाङपो चीयेगी क्षीदु, धीक्‍पा मेगीन मास्‍यीकाला होरी क्षीदु धीक्‍चेन जेपालाक।

गालातीयापा 3:28

धा देने ॱहाला खेक्‍या याहुदापा धाङ गीरीक, ढेन्‍योक धाङ राङवाङ हो़गीन धेनी फो धाङ मो ॱनेरी ॱयेवा मेन्‍दा, मास्‍यीका येशुगी थोक्‍ने घीरी च्‍यीक्‍पा लाक।

फीलीप्‍पीपा 3:15

धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

कोलोसेपा 3:14

धेनी दे घीरीगी थोकला झाम्‍पागो घो़नघो़। झाम्‍पा दी, घीरीला याङदाक्‍पे थी़न्‍डीकला धाम्‍गीलाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 3:1

तो़दाङ, यापगी होराङला ॱनाङगीन झाम्‍पा ॱमीच्‍यीकी क्षे राक्‍ती, होराङ खोङबागी से धाङ सेमो भो़घो झ्‍युवालाक। धेनी हीन्‍येगोवा ॱङोन्‍ने लाक। होझ्‍येरी जीक्‍तेनगी खोङबाला ङो ॱमेस्‍येगीन झ्‍येरी, होराङला ङो ॱमेस्‍येलालाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।