योहान्‍ना 17:18 - ॱलोवा

¹⁸ खेराङगी ङाला जीक्‍तेनदु ॱङाक्‍कीन च्‍योक्‍रे, ङीयाः खुङक्‍याला जीक्‍तेनदु ॱङाक्‍पाहीन।

योहान्‍ना 17:18 Iomraidhean Croise

मेथा 10:5

दे च्‍युङङीला येशुगी देरे का ॱनारी झावालाक, “याहुदापा मेन्‍गीन मीरीकक्‍याई घुङला माडो, धेनी सामारीपाक्‍याई युक्‍याला घारुवा माश्‍युक।

मेथा 23:34

होझ्‍येरी ङा ॱङो़नस्‍येखेनक्‍या धाङ मी खेवाक्‍या धाङ क्षो़ठीमगी ॱलोपो़नक्‍या खीकीचारु ताङयेहीन धेनी देक्‍याने रीङगाला खीकी सेगीलाक धेनी रीङगाला ग्‍याङस्‍यीङ खाला क्‍याङगीलाक धेनी रीङगाला खेक्‍याई छोक्‍खाङदु ताजाक श्‍युरकीलाक धेनी यु च्‍यीकने यु श्‍येम्‍माला देदी दुक्‍पु ताङगीलाक।

योहान्‍ना 17:21

खुङक्‍या घीरी च्‍यीक झ्‍युङयेगी क्षीला ङा सोवा ग्‍यावाहीन। के याप, खेराङ ङी नाङ श्‍युक्‍कीन धाङ ङा खेराङ नाङ हो़गीन च्‍योक्‍रे, खुङक्‍याः होराङ ॱङीउ नाङ च्‍यीक झ्‍युङास्‍योक। धेनी खेराङगी ङाला ॱङाक्‍पालाक ॱनेरी जीक्‍तेनगी धेपा झ्‍यीदास्‍योक।

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 17:25

“के ढाङतेनगी याप, जीक्‍तेनगी खेराङला ॱमेस्‍येनाः ङी खेराङला ङोस्‍येलीहो़क। धेनी खेराङगी ङाला ॱङाक्‍पालाक ॱनेरी ङेनेक्‍याई स्‍येलालाक।

योहान्‍ना 17:3

धा थामेपे छेसोक ॱनाना, खेराङ को़न्‍क्षोक धेन्‍पाला ङोस्‍येये धाङ खेराङगी ॱङाक्‍पे, येशु मास्‍यीकाला ङो स्‍येयेगो लाक।

योहान्‍ना 17:8

घीझ्‍येरी ॱनाना खेराङगी ङाला ॱनाङना काक्‍या, ङी खुङक्‍याला तेरपाहीन धेनी खुङक्‍याई होदे खेलेन्‍दी, ङा नी खेराङने झ्‍युङगीनगो खुङक्‍याई ॱङोन्‍ने स्‍येदुक। धेनी ङा नी खेराङगी ॱङाक्‍पालाक ॱनेरी खुङक्‍याई धेपा झ्‍येदुक।

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

योहान्‍ना 3:17

को़न्‍क्षोकगी राङगी से जीक्‍तेनदु क्‍यो़न च्‍युक्‍तु मेन्‍दा, हीना जीक्‍तेनगी मी घीरी खोङबागी थोक्‍ने, क्‍योप्‍येगी क्षीला ॱङाक्‍पालाक।

योहान्‍ना 4:38

खेक्‍याई काल्‍ले माग्‍याप्‍कीन श्‍यीङने तो़न धुरु, ङी खेक्‍याला जावी। श्‍येम्‍माक्‍याई काल्‍ले ग्‍याप हो़तालाक धेनी खुङक्‍याई ढेबुगो खेक्‍याला थोप्‍पालाक।”

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

एफीसुपा 3:7

को़न्‍क्षोकगी नी़थुगी क्षाक्‍ले थोक्‍ने, ङाला ॱनाङगीन खोङबागी थुक्‍जेगी ॱनाङज्‍यीनला तेन्‍ती, ङाला ताम्‍शाङगी श्‍याप्‍तोक्‍पा को़वालाक।