योहान्‍ना 17:13 - ॱलोवा

¹³ “धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 17:13 Iomraidhean Croise

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 15:11

ङी घाटो खेक्‍याई सेम नाङ ॱनेये धाङ खेक्‍याई घाटो खाङयेला, ङी खेक्‍याला दे लाबक्‍या स्‍येबी।

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

योहान्‍ना 7:33

धेनी येशुगी सुङा जेपालाक, “ङा खेक्‍यामुला धोराङा धी़ तीते च्‍यीक धेये दुक धेनी ङा ङाला ॱङाक्‍कीनगी डुङदु डोयेलाक।

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

रोमापा 14:17

घीझ्‍येरी ॱनाना को़न्‍क्षोकगी ग्‍यासी नी, शाये धाङ थुङये मालाक हीना धाम्‍पे थुक्‍ङीगी नाङ ढाङतेन धाङ श्‍यीदे धाङ घाटो लाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

१ योहान्‍ना 1:4

हीकी घाटोगो खाङयेगी क्षीदु हेक्‍या दे ढीयाहीन।

२ योहान्‍ना 1:12

ङा खेक्‍याला ढीक्‍ये माङा हो़क हीना ङा स्‍यु धाङ ॱनाक्‍चागी, होदेक्‍या ढीक्‍ङी मेदो़दा। हीना होरी घाटो खाङये क्षीला, ङा खेक्‍याला थुक्‍ती खीकी ङोदोङ तेरी, लाब ताङयेगी रेवा हो़क।