योहान्‍ना 17:1 - ॱलोवा

¹ धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 17:1 Iomraidhean Croise

मारकु 14:41

धेनी खोङबा खुङ सुमचारु थेङमा सुम्‍बागोला फेई घाङला, सुवालाक, “खेक्‍या धोराङा ङ्यारी ङा सी़ धेताले? धा झ्‍युजुङ, धी़चो़ ॱलेप्‍सादुक। मी-भु धीक्‍चेनक्‍याई लाक्‍पाला ची ग्‍याप्‍ये झ्‍यीदी।

लुका 18:13

हीना ठा धुगीनगो थाक्‍रीङाने लारी, नाम्‍खा स्‍योकला ॱमीक ताक झ्‍यी ॱमाक्‍थुवा, राङगी ढाङगो दुरी ॱनेवालाक, ‘के को़न्‍क्षोक, ङा धीक्‍चेन च्‍यीकला ॱङीङजे शीक्‍रोनाङ।’”

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

योहान्‍ना 11:4

हीना येशुगी दे सेन्‍दी सुवालाक, “नाजा दी छीवाला झाङगीमालाक। को़न्‍क्षोकगी शीजे ॱङो़न्‍येगी क्षीला धाङ दी थोक्‍ने, को़न्‍क्षोकगी सेगी शीजे झ्‍युङयेगी क्षीला लाक।”

योहान्‍ना 11:41

धा खुङक्‍याई धोगोङगो ॱहाला झ्‍येवालाक धेनी खोङबागी चेन या शीक्‍ती सुवालाक, “ङी याप, खेराङगी ङाला सेन्‍गीनगोला थुक्‍चीक्षे श्‍यी़लाहीन।

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 7:30

धेनी खुङक्‍याई खोङबाला शीम्‍येला थापस्‍यी चावालाक हीना खोङबागी धी़ मारीन्‍बा, सी़या खोङबाला लाक्‍पा ॱमाक्‍यावालाक।

योहान्‍ना 7:39

हीना खोङला धेपा झ्‍यीगीनक्‍याला थोप्‍ये हीन्‍गीन, धाम्‍पे थुक्‍ङीगी कोरला येशुगी सुवालाक। घीहीनाः येशु शीजेला ॱमाफाक्‍पा झ्‍येरी, धाम्‍पे थुक्‍ङीगो धोराङा ॱमानाङ हो़तालाक।

योहान्‍ना 8:20

येशुगी सुङ देक्‍या क्षो़खाङगी ॱङु पुजागी डामदु क्षो़ सुङा जेपालाक। धेनी खोङबागी धी़गो, धोराङा मारीन्‍बा सी़या खोङबाला माशीम्‍बालाक।

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।