योहान्‍ना 16:8 - ॱलोवा

⁸ धेनी खोङबा फेई घाङला, खोङगी जीक्‍तेनगी मीक्‍याला धीक्‍पा धाङ ढाङतेन धाङ ठीम्‍चो़गी कोरला, खुङक्‍याई सामस्‍यीगी क्‍यो़नगो तो़न्‍दा जेगीलाक।

योहान्‍ना 16:8 Iomraidhean Croise

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 16:9

धीक्‍पागी कोरला मीक्‍याई क्‍यो़न नी, खुङक्‍याई ङाला धेपा मीझ्‍यीदालाक।

योहान्‍ना 8:46

खेक्‍याने सी़ ङाला धीक्‍पा हो़गीनगी पाङपो झ्‍यी थुक्‍कीले? ङी खेक्‍याला धेन्‍पागो स्‍येनाः, खेक्‍या ङाला घीझ्‍येरी धेपा मीझ्‍यीदाले?

योहान्‍ना 8:9

हीना खुङक्‍याई दे घोरती, खुङक्‍याने गेम्‍पाने गो चुक्‍ती, रे-रे झ्‍येरी लोक्‍ती सोवालाक। धेनी येशु च्‍यीका होदुरु लेवालाक धेनी भोमोगोवा खोङबागी दोङदु लेवालाक।

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

१ कोरीन्‍थुपा 14:24

हीना घीरी ॱङो़न स्‍येदी धेती घाङला, धेपा मीझ्‍यीगीन याङना फीदी मीक्‍या होदुरु हुङना, खीकी लाबक्‍या घोरती खुङक्‍याला खोरी धीक्‍पाक्‍या सावो झ्‍युङगीलाक धेनी खुङक्‍याला ठीम्‍चो़ फोक्‍कीलाक।

युदा 1:15

धेनी घीरीला ठीम्‍चो़ जेये धाङ क्षो़ मेगीन, मी घीरीगी झ्‍येजा क्षो़ला ॱमीथी़न्‍गीन लेगा घीरी धाङ क्षो़ मेगीन मीक्‍याई, खोङबागी कोरला छीक चुक्‍वा ॱनागीन घीरीगी क्षीला छेपा जेयेला, खोङबा फेप्‍कीलाक।”