योहान्‍ना 16:5 - ॱलोवा

⁵ धा ङा ङाला ॱङाक्‍कीनगी़ डुङदु डी़हो़क हीना खेक्‍या सी़या ङाला ‘घारु डोयेहीनो?’ ॱनेरी मीढीलालाक।

योहान्‍ना 16:5 Iomraidhean Croise

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 13:36

सीमोन पेटोगी येशुला श्‍यी़वालाक, “चोवो, खेराङ घारु फेप्‍ये हीनो?” येशुगी खोला कालेन ॱनावालाक, “ङा डोजारु धान्‍दा, ख्‍यो़ ङी स्‍याबाला डाङ ॱमीथुक्‍कीलाक हीना स्‍याम्‍ला ख्‍यो़ डागीलाक।”

योहान्‍ना 14:28

“ङी खेक्‍याला ‘ङा लोक्‍ती डोयेहीन धेनी ङा खेक्‍याचारु हुङयेहीन’ ॱनागीन दे घोर हो़तालाक। खेक्‍याई ङाला चेवा हो़ना, ङा यापगी डुङदु डोवालाक ॱनेरी, खेक्‍या ङ्यामो घायेहो़क घीझ्‍येरी ॱनाना ङाले याप खाक्‍क्षे लाक।

योहान्‍ना 16:10

धेनी ढाङतेनगी कोरला ॱनाना, खेक्‍याई ङाला याङ नामा ॱमेथोङगीन, यापगी डुङदु ङा डोयेहीन।

योहान्‍ना 16:16

“तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने खेक्‍याई ङाला थोङगीलाक।”

योहान्‍ना 16:17

खोङबागी ङेने रीङगागी च्‍यीकगी च्‍यीकला ॱनेवालाक, “खोङबागी होराङला ‘तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने खेक्‍याई ङाला थोङगीलाक।’ धेनी ‘घीझ्‍येरी ॱनाना ङा यापगी डुङदु डी़हो़क।’ सुङगीन दे घी ले?”

योहान्‍ना 16:28

ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 17:13

“धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 17:4

खेराङगी ङाला ॱङाक्‍कीन लेगागो ङी डुप्‍ती, ङी जीक्‍तेनदु खेराङगी शीजे ॱङो़न्‍दु च्‍युकहो़क।

योहान्‍ना 6:62

देरे हीन्‍ना खेक्‍याई मी-भु एम्‍मा खोराङ श्‍युक्‍जारु, फेया जेगीनगो थोङना घी झ्‍यीये?

योहान्‍ना 7:33

धेनी येशुगी सुङा जेपालाक, “ङा खेक्‍यामुला धोराङा धी़ तीते च्‍यीक धेये दुक धेनी ङा ङाला ॱङाक्‍कीनगी डुङदु डोयेलाक।

ईब्‍रीपा 1:3

खोङगी को़न्‍क्षोकगी शीजे ॱङो़न जेदालाक धेनी खोङ नी को़न्‍क्षोकगी स्‍यीका ङोमागो लाक धेनी खोङगी का वाङक्षेगी थोक्‍ने, जीक्‍तेन खाम घीरी क्‍योङा जेदालाक। धेनी खोङबागी धीक्‍पा घीरी दाक जेदी, खोङबा नाम्‍खे श्‍यीङखामदु शीजेचेन को़न्‍क्षोकगी क्षाक ॱये स्‍योकला श्‍युक्‍वा जेदालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।