योहान्‍ना 16:33 - ॱलोवा

³³ ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 16:33 Iomraidhean Croise

मेथा 9:2

धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 14:1

येशुगी ङेनेक्‍याला सुवालाक, “खेक्‍या सेम फाम्‍बा माझ्‍यी। को़न्‍क्षोकला ॱलो को धेनी ङालाः ॱलो को।

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:11

धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 27:22

हीना धा सेम ल्‍हो़ झ्‍यी घीझ्‍येरी ॱनाना खे सुवा स्‍यीगुमालाक हीना डुशीङला च्‍यीगा क्‍यो़न झ्‍युङगीलाक।

जेपा 27:25

होझ्‍येरी मीक्‍याओ, सेम ल्‍हो़ झ्‍येरी धो़क घीझ्‍येरी ॱनाना को़न्‍क्षोकगी सुङगीन च्‍योक्‍रेराङ झ्‍युङगीलाक ॱनेरी, ङा धेपा झ्‍यीदीहो़क।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

२ कोरीन्‍थुपा 1:3

होरी चोवो येशु मास्‍यीकागी को़न्‍क्षोक धाङ यापला तो़पा हुङास्‍योक धेनी ॱङीङजेचेनगी याप धाङ सेम्‍सो घीरीगी, को़न्‍क्षोकला तो़पा हुङास्‍योक।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 2:14

हीना मास्‍यीकागी नाङ होराङला च्‍योई ग्‍याखा थोप्‍येगी क्षीदु, ठीया जेगीन धाङ खोङबाला ङोस्‍येगीनगी ढीशाङगो, होरी थोक्‍ने छोक घीरीदु ख्‍याबा जेगीन, खोङ को़न्‍क्षोकला काटीन्‍क्षे श्‍यी़।

२ कोरीन्‍थुपा 4:7

हीना पाक्‍तु मेगीन नी़थुगो हेक्‍याई मेन्‍दा, को़न्‍क्षोकगी लाक ॱनेरी तो़न्‍येगी क्षीदु, होदे तेर दे होरी जामागी ॱनो़ नाङदु हो़तालाक।

२ कोरीन्‍थुपा 6:4

हीना हेक्‍या राङला को़न्‍क्षोकगी श्‍याप्‍चीपा हीन्‍गीनगो, दे घीरीगी थोक्‍ने तो़न्‍दाहीन, शो़पा क्षे धाङ दुङा धाङ काङे धाङ क्‍यो़न हुङाराङ,

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

गालातीयापा 1:4

होरी को़न्‍क्षोक धाङ यापगी थुकोङ डुप्‍येला, येशु मास्‍यीकागी होराङला धान्‍दागी धी़ ङेन्‍पाने थारतु च्‍युक्‍येला, होरी धीक्‍पाक्‍याई क्षीला राङगी कुसोक ॱलो़ तावालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

फीलीप्‍पीपा 4:7

धेनी मीक्‍याई साम्‍लोलाराङ मेगीन, को़न्‍क्षोकगी श्‍यीदेगी खेक्‍याई सेम धाङ साम्‍लोला, मास्‍यीका येशुगी नाङ ॱरुङा जेगीलाक।

कोलोसेपा 1:20

धेनी को़न्‍क्षोकगी खोङगी ग्‍याङस्‍यीङगी कुठाकगी थोक्‍ने, श्‍यीदे जेदी साश्‍यी याङना नाम्‍खे श्‍यीङखामगी घीरी, खोङगी थोक्‍ने राङमुला दोमा जेपालाक।

१ थेसालोनीकेपा 3:4

घीझ्‍येरी ॱनाना हेक्‍या खेक्‍याई मुला हो़ती घाङला, होराङ दुक्‍पु ङ्याङ घोगीलाक ॱनेरी, एन्‍दुरु हीकी खेक्‍याला ॱनेवी। धेनी होदेरेराङ झ्‍युजुङ। धा होदे खेक्‍या स्‍येलालाक।

१ थेसालोनीकेपा 3:7

होझ्‍येरी पी़न्‍दाक्‍याओ, खेक्‍याई धेपागी झ्‍येरी हीकी दुक्‍ङेल धाङ दुक्‍जोङ घाङला हेला सेम्‍सो जोरजुङ।

२ थेसालोनीकेपा 3:16

धा श्‍यीदेगी चोवो राङगी, खेक्‍याला धी़चो़ घीरी धाङ ॱनाछोक घीरीला श्‍यीदे ॱनाङास्‍योक। चोवो खेक्‍या घीरीमुला हुङास्‍योक।

२ तीमोथेउ 3:12

ॱङोन्‍ने झ्‍यीना मास्‍यीका येशुला तेन्‍दी, क्षो़ला थी़न्‍गीन मीछे क्‍याङी दो़गीन घीरीगी दुक्‍पु ङ्याङराङ घो़गीलाक।

ईब्‍रीपा 11:25

ॱनेकापगी क्षीदु धीक्‍पे कीदाला ङ्यामो घाये ले, को़न्‍क्षोकगी मीक्‍यामुला दुक्‍पु ङ्याङयेगो खी़ दाम्‍बालाक।

ईब्‍रीपा 7:2

धेनी खोङलाराङ आब्‍राहामगी राङला हो़गीन, घीरीगी ग्‍याजा च्‍यु पुवालाक। मेल्‍कीजेदेकगी छेनगी दो़न नी, धाङपो “ढाङतेनगी ग्‍यावु” लाक धेनी सालेमगी ग्‍यावु ॱनेरीयाः ॱनालाक। दी दो़न नी, “श्‍यीदेगी ग्‍यावु” लाक।

१ पेटो 5:9

राङगी धेपाला तेन्‍पो झ्‍युरी, धी़कगी ङोलोक झ्‍यी घीझ्‍येरी ॱनाना जीक्‍तेन हो़लेरु खीकी पी़नक्‍यागीयाः देरे दुक्‍पु राङ ङ्याङी हो़तालाक।

१ योहान्‍ना 2:13

आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना धी़गी खाला खीकी ग्‍या हो़तालाक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 5:4

घीझ्‍येरी ॱनाना को़न्‍क्षोकने केक्‍या घीरीगी, जीक्‍तेन देला ग्‍यागा थोबालाक। धेनी जीक्‍तेन दे थारती ग्‍यागा थोप्‍थागो, होरी धेपा लाक।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।

ॱङो़न्‍पा 7:14

ङी खोङला ॱनेवी, “ॱलोपो़न ला, खेराङ राङ खेन्‍दालाक।” धेनी खोङगी ङाला सुजुङ, “देक्‍या नी, दुक्‍पु क्षेने थो़न्‍दी होवाक्‍या लाक। धेनी खुङक्‍याई राङगी घो़, लुक्‍टुगी ठाकला ठी़री काउ शो़ हो़तालाक।”