योहान्‍ना 16:28 - ॱलोवा

²⁸ ङा यापने झ्‍युरी जीक्‍तेनदु होवाहीन। धा ङा जीक्‍तेनने डारी यापगी डुङदु लोक्‍वाहीन।”

योहान्‍ना 16:28 Iomraidhean Croise

लुका 24:51

खोङबागी खुङक्‍याला झ्‍यीलाप ॱनाङी घाङला, खोङबा खुङक्‍याने खा डारी नाम्‍खा स्‍योकला ठीया जेपालाक।

लुका 9:51

येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 13:3

येशुगी यापगी दो़न घीरी, खोङगी लाकला ॱनाङ हो़गीन धाङ को़न्‍क्षोकने होवा धाङ को़न्‍क्षोकगी डुङदु लोकग्‍यु हीन्‍गीनगो खेन्‍बालाक।

योहान्‍ना 14:28

“ङी खेक्‍याला ‘ङा लोक्‍ती डोयेहीन धेनी ङा खेक्‍याचारु हुङयेहीन’ ॱनागीन दे घोर हो़तालाक। खेक्‍याई ङाला चेवा हो़ना, ङा यापगी डुङदु डोवालाक ॱनेरी, खेक्‍या ङ्यामो घायेहो़क घीझ्‍येरी ॱनाना ङाले याप खाक्‍क्षे लाक।

योहान्‍ना 16:10

धेनी ढाङतेनगी कोरला ॱनाना, खेक्‍याई ङाला याङ नामा ॱमेथोङगीन, यापगी डुङदु ङा डोयेहीन।

योहान्‍ना 16:16

“तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने खेक्‍याई ङाला थोङगीलाक।”

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

योहान्‍ना 16:5

धा ङा ङाला ॱङाक्‍कीनगी़ डुङदु डी़हो़क हीना खेक्‍या सी़या ङाला ‘घारु डोयेहीनो?’ ॱनेरी मीढीलालाक।

योहान्‍ना 17:11

“धेनी धान्‍दा ङा जीक्‍तेन नाङला मेक हीना खुङक्‍या जीक्‍तेन नाङला हो़तालाक। ङा नी खेराङगी डुङदु च्‍याराहीन। धाम्‍पे याप, खेराङगी ङाला ॱनाङना मीक्‍या होराङ ॱङीउ च्‍यीक हीन्‍गीन च्‍योक्‍रे खुङक्‍या च्‍यीक झ्‍युङयेला, खेराङगी छेन थोक्‍ने खुङक्‍याला ॱरुङा जे।

योहान्‍ना 17:13

“धान्‍दा ङा खेराङगी डुङदु हुङाहीन। ङी घाटो खुङक्‍याई नाङला खाङयेला, ङा जीक्‍तेनदु हो़ती घाङला ङारी स्‍येवी।

योहान्‍ना 17:5

धा के याप, जीक्‍तेन ॱमाको़ एन्‍ला ङा खेराङमुला हो़ती घाङला, हो़गीन शीजेराङ धान्‍दा खेराङगी डुङदु ङाला ॱङो़न्‍दा जे।

योहान्‍ना 8:14

येशुगी लेन जेपालाक, “ङी ङाराङला पाङपो झ्‍यीनाः, ङी पाङपो धेन्‍पा हीन घीझ्‍येरी ॱनाना ङा घाने होवा धाङ घारु डोयेगो ङाला स्‍येयेहो़क। हीना खेक्‍याई ङा घाने होवा याङना ङा घारु डोये हीन्‍गीनगो ॱमेस्‍येलालाक।

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।