योहान्‍ना 16:27 - ॱलोवा

²⁷ घीझ्‍येरी ॱनाना खेक्‍याई ङाला झाम्‍पा झ्‍येवालाक धेनी ङा यापने हुङगीनगोला खीकी धेपा झ्‍येरी, याप राङगी खेक्‍याला झाम्‍पा जेदालाक।

योहान्‍ना 16:27 Iomraidhean Croise

मेथा 10:37

ङालाः ल्‍हाक, राङगी फामाला चेवा झ्‍यीना, होदेला ङी मी झ्‍युङयेगी आङजा मेक धेनी ङालाः ल्‍हाक राङगी भु धाङ भोमोला चेवा झ्‍यीना, होदेला ङी मी झ्‍युङयेगी आङजा मेक।

योहान्‍ना 14:21

ङी काठीमक्‍या खेलेन्‍दी ॱरुङगीनक्‍याई ङाला झाम्‍पा झ्‍यीदालाक। धेनी ङाला झाम्‍पा झ्‍यीगीनक्‍याला, ङी यापगी झाम्‍पा जेगीलाक। ङी खोला झाम्‍पा झ्‍यीयेहीन धेनी राङला खोचारु ॱङो़न्‍येहीन।”

योहान्‍ना 14:23

येशुगी खोला कालेन सुवालाक, “ङाला झाम्‍पा झ्‍यीगीनगी ङी का ॱरुङगीलाक धेनी ङी यापगी खोला झाम्‍पा जेगीलाक। धेनी ङा धाङ ङी याप खोचारु फेप्‍ती खी़मुला ॱनेयेहीन।

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

योहान्‍ना 17:23

खुङक्‍या ॱङोन्‍ने सेम च्‍यीकला ग्‍युरयेगी क्षीदु, ङा खुङक्‍या नाङ धाङ खेराङ ङी नाङ ॱनेहो़क। धेनी खेराङगी ङाला ॱङाक्‍पा धाङ खेराङगी ङाला झाम्‍पा जेगीन च्‍योक्‍रे, खुङक्‍याला झाम्‍पा जेपालाक ॱनेरी जीक्‍तेनगी ॱहाघोरकीलाक।

योहान्‍ना 2:11

दे ताक धाङपो दे येशुगी गालीलगी काना युरु जेदी, राङगी शीजे ॱङो़न्‍दु जेपालाक। धेनी खोङबागी ङेनेक्‍याई खोङबाला धेपा झ्‍येवालाक।

योहान्‍ना 3:13

धेनी नाम्‍खे श्‍यीङखामदु सुवा फेप्‍ती, लोक माङ्युङ हीना मी-भु नाम्‍खे श्‍यीङखामने माला फेप्‍पालाक।

योहान्‍ना 7:29

ङा नी खोङने होवाहीन धेनी खोङगी ङाला ॱङाक्‍वाहीन होझ्‍येरी ङी खोङला ङो स्‍येलीहो़क।”

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

रोमापा 8:3

होरी ली़गी क्‍योवा शो़सा क्षो़ठीमगी झ्‍यी ॱमाथुक्‍कीनगो, को़न्‍क्षोकगी राङगी से धीक्‍पे राङश्‍यीगी ली़ला धीक्‍पे ॱमारछो़ झ्‍युङयेला झाङा जेदी, होदे जेपालाक। धेनी देरे झ्‍येरी खोङगी धीक्‍पाला ली़लाराङ छेपा का जेपालाक।

१ कोरीन्‍थुपा 15:47

धाङपो मीगो थालागी को़का साश्‍यीने लाक। धेनी ॱङीवागो नाम्‍खे श्‍यीङखामने लाक।

१ कोरीन्‍थुपा 16:22

चोवोला चेवा मीझ्‍यीगीनगोला, ॱमेमो फोक्‍वास्‍योक। मारानाथा। (हीकी चोवो, खेराङ फेप्‍रोनाङ।)

२ कोरीन्‍थुपा 5:14

घीझ्‍येरी ॱनाना मास्‍यीकागी झाम्‍पागी हेक्‍याला वाङग्‍युर जेदालाक। धेनी मी च्‍यीक घीरीगी दो़न्‍दु ढोङगीन झ्‍येरी, घीरी ढोवालाक ॱनेरी हेक्‍या तेन्‍देन हो़क।

गालातीयापा 4:4

हीना धी़चो़ ताक्‍तागो होसारती, को़न्‍क्षोकगी राङगी से ताङा जेपालाक। धेनी क्षो़ठीमगी होकदु हो़गीन, होराङक्‍याला थारपा जेये धाङ होराङ खोङगी से धाङ सेमो झ्‍युङयेला, खोङबा भोमो च्‍यीकने क्षो़ठीमगी होकदु ठुङवालाक।

एफीसुपा 6:24

होरी चोवो येशु मास्‍यीकाला धी़ ताक्‍दु चेवा झ्‍यीगीनक्‍याला, को़न्‍क्षोकगी थुक्‍जे थोप्‍पास्‍योक।

१ तीमोथेउ 1:15

“मास्‍यीका येशु नी, धीक्‍चेनक्‍याला क्‍योप्‍येला जीक्‍तेनदु फेप्‍पालाक।” ॱनागीन दे ॱलो का थुप्‍कीन धाङ घीरीगी थोक्‍ने खेलेन झ्‍यीघोगीन दुक। होदे धीक्‍चेनक्‍याने ङागो चो हीन।

ईब्‍रीपा 12:6

घीझ्‍येरी ॱनाना चोवोगी झाम्‍पा जेगीनक्‍याला ॱलापच्‍या जेदालाक, धेनी राङगी भु चीगीन हो़लेला, छेपा का जेदालाक।”

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।

१ योहान्‍ना 4:19

को़न्‍क्षोकगी एन्‍ला होराङला झाम्‍पा जेदी, होराङक्‍याः झाम्‍पा झ्‍यीदालाक।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।