योहान्‍ना 16:23 - ॱलोवा

²³ होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

योहान्‍ना 16:23 Iomraidhean Croise

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

योहान्‍ना 14:20

होदे ङीमागोला, ङा याप नाङ हो़गीन धाङ खेक्‍या ङी नाङ हो़गीन धेनी ङा खेक्‍याई नाङ हो़गीनगो खेक्‍याई स्‍येगीलाक।

योहान्‍ना 14:22

युदागी (युदा ईस्‍कारीयोतगो मालाक) श्‍यी़वालाक, “चोवो, खेराङ जीक्‍तेनगी मीक्‍याला मेन्‍दा, हेक्‍याला ॱङो़न्‍दा जेये? दे घाङगी झ्‍येरी झ्‍युङ थुक्‍कीले?”

योहान्‍ना 14:5

थोमागी येशुला श्‍यी़वालाक, “चोवो, हेक्‍याई खेराङ घारु फेप्‍येगो ॱमेस्‍येहो़क। धा लामगो हीकी घाङगी झ्‍येरी स्‍येये?”

योहान्‍ना 15:7

खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 16:19

खुङक्‍याई येशुला ढीवा कुङी दो़गीनगो खोङबागी खेन्‍दा जेदी, खुङक्‍याला सुवालाक, “ङी खेक्‍याला ‘तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने, खेक्‍याई ङाला थोङगीलाक।’ ॱनागीनगी दो़नगो खेराङक्‍या नाङदु ढीलाले?

योहान्‍ना 16:26

होदे ङीमोगो खेक्‍याई ङी मीङला श्‍यी़गीलाक। धेनी खीकी छापला ङा यापला श्‍यी़येहीन ॱनेरी ङा ॱनामेन,

योहान्‍ना 16:30

धा हीकी ॱहाघोजुङ, खेराङ घीरी खेन्‍दालाक धेनी सी़या खेराङला श्‍यी़ घो़गीमालाक। होझ्‍येरी हेक्‍या खेराङ को़न्‍क्षोकने झ्‍युङगीनगोला धेपा झ्‍यीदीहो़क।”

एफीसुपा 2:18

घीझ्‍येरी ॱनाना मास्‍यीकागी थोक्‍ने, होराङ ॱङीगारा धाम्‍पे थुक्‍ङी च्‍यीकगी गोने यापगी डुङदु डो थुप्‍कीन झ्‍युवालाक।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।