योहान्‍ना 16:22 - ॱलोवा

²² देरे झ्‍येरीराङ, धान्‍दा खेक्‍याला दुङा हो़तालाक हीना ङा खेक्‍याला धाब्‍ले थुक्‍येहीन धेनी खीकी सेम घाटोगी खाङगीलाक। धेनी खीकी घाटोगो सी़याः ठोक थुक्‍कीमालाक।

योहान्‍ना 16:22 Iomraidhean Croise

मेथा 28:8

धा खुङक्‍या जीक्‍टा धाङ घाटोगी खारी, लु-लु धी़ठोने ङेनेक्‍याचारु भाङ तारी स्‍येरु सोवालाक।

लुका 10:42

हीना घो़गीनगो च्‍यीक च्‍यीगा लाक। मीरीयामगी लेगा शाङागो दाम दुक धेनी होदे मोने ठोक्‍की मालाक।”

लुका 16:25

हीना आब्‍राहामगी सुवालाक, ‘भीजाओ, ख्‍यो़ सो़न्‍पो हो़ती घाङला शाङा थोप्‍कीन धाङ लाजारला दुक्‍पु थोप्‍कीनगो ढेन्‍सो़ झ्‍यी। हीना धान्‍दा खोला दुरु कीपो दुक धेनी ख्‍यो़ला दुक्‍पु दुक।

लुका 19:26

ग्‍यावुगी ॱनेवालाक, ‘ङा खेक्‍याला ॱनाहीन, हो़गीनला ॱयो़ल्‍ले माङा तेरकीलाक हीना मेगीनक्‍याने खोला हो़गीनगोवा खोने ठोक्‍कीलाक।

लुका 24:41

धेनी खुङक्‍या ङ्यामो घेरी यीच्‍चे माझ्‍येवा ॱहाङसागीनगो शीक्‍ती, खोङबागी खुङक्‍याला सुवालाक, “खेक्‍याला दुरु शाये रे हो़ते?”

योहान्‍ना 14:1

येशुगी ङेनेक्‍याला सुवालाक, “खेक्‍या सेम फाम्‍बा माझ्‍यी। को़न्‍क्षोकला ॱलो को धेनी ङालाः ॱलो को।

योहान्‍ना 14:19

धा धी़ तीते च्‍यीकने जीक्‍तेनगी ङाला ॱमेथोङगीलाक हीना खेक्‍याई ङाला थोङगीलाक। ङा सो़न्‍पो झ्‍येरी, खेक्‍याः सो़न्‍पो ॱनेगीलाक।

योहान्‍ना 14:27

श्‍यीदे दे ङा खेक्‍याला भोराहीन, होदे ङी श्‍यीदेगो खेक्‍याला तेराहीन। जीक्‍तेनगी तेरकीन च्‍योक्‍रे, ङी खेक्‍याला तेरामेन। खेक्‍या राङगी सेम ठुक्‍तु ॱमाचुक धेनी देला जीक्‍नाङ केरु ॱमाचुक।

योहान्‍ना 16:16

“तीते च्‍यीकने खेक्‍याई ङाला ॱमेथोङगीलाक धेनी याङ तीते च्‍यीकने खेक्‍याई ङाला थोङगीलाक।”

योहान्‍ना 16:20

ङा खेक्‍याला धेन्‍पा धेनक्‍याङ ॱनाहीन, खेक्‍या ङी़री ङ्याङेन झ्‍यीगीलाक हीना जीक्‍तेनगी मीक्‍या ङ्यामो ताङगीलाक। खेक्‍या दुङागी खाङगीलाक हीना खीकी दुङा घाटोला ग्‍युरकीलाक।

योहान्‍ना 16:6

घीहीन्‍ना ङी खेक्‍याला दे लाबक्‍या स्‍येदी, खीकी सेम दुङागी खाङदुक।

योहान्‍ना 21:7

येशुगी झाम्‍पा जेगीन ङेनेगी़ पेटोला ॱनेवालाक, “खोङबा चोवो लाक।” खोङ चोवो लाक ॱनेरी घोरलुङ मेताला सीमोन पेटोगी राङगी क्षीघो़गो टीरी, छो नाङदु छोम्‍बालाक। घीझ्‍येरी ॱनाना खी़ घो़गो पी़दी धे हो़तालाक।

योहान्‍ना 4:14

हीना ङी तेरकीन क्षुने थुङगीनक्‍या, नामा धाब्‍ले कोम्‍गी मालाक। ङी तेरकीन क्षु दे, खोला थामेपे छेसोक तेरयेला क्षु थो़न्‍गीन क्षुमीक च्‍यीकला ग्‍युरकीलाक।”

जेपा 13:52

धेनी धेपा झ्‍यीगीनक्‍या घाटो धाङ धाम्‍पे थुक्‍ङीगी खावालाक।

जेपा 16:25

धा छेनगी तीक-तीकला पाउलु धाङ सीलवानु सोवा ग्‍याप्‍ती, को़न्‍क्षोकला तो़लु पुली धेबालाक धेनी श्‍येम्‍मा चो़न्‍पाक्‍या ङेन्‍दी धे हो़तालाक।

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ थेसालोनीकेपा 2:16

धा होराङला चेवा ॱनारी थुक्‍जेगी थोक्‍ने, थामेगीन सेमगी धेवा धाङ रेवा शाङपो ॱनाङगीन, चोवो येशु मास्‍यीका खोङबा धाङ होरी याप को़न्‍क्षोकगी,

ईब्‍रीपा 10:34

खेक्‍याई चो़न्‍पाक्‍याला ॱङीङजे झ्‍येवालाक धेनी नोर देने शाङा धाङ धी़ तेन्‍दु ॱनेगीन नोरगो, खेक्‍याला हो़गीनगो खीकी स्‍येरी, खेक्‍याई नोर खेक्‍याने ठोक्‍वाराङ ङ्यामो घेरी शो़पा झ्‍येवालाक।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

१ पेटो 1:8

खेक्‍याई खोङबाला ज्‍या माङ्युङ हो़ना, खोङला चेवा झ्‍यीदालाक। धेनी धान्‍दा खेक्‍याई खोङबाला मेज्‍यानाः, खेक्‍या खोङबाला धेपा झ्‍यीदालाक धेनी खेक्‍या स्‍ये ॱमीथुक्‍कीन धाङ शीजेगी खाङखा घाटो क्षे झ्‍यीदालाक।