योहान्‍ना 16:2 - ॱलोवा

² खुङक्‍याई खेक्‍याला छोक्‍खाङक्‍याने पी़गीलाक। धेनी खेक्‍याला सेगीनक्‍याई देरे लेगा झ्‍येरी, खुङक्‍याई को़न्‍क्षोकला ॱङीङकुर झ्‍यीदाहीन ॱनेरी, साम्‍गीन धी़ स्‍यारकीलाक।

योहान्‍ना 16:2 Iomraidhean Croise

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

मेथा 24:9

“धेनी मीमाङक्‍याई खेक्‍याला दुक्‍पु ताङयेला ची ग्‍याप्‍कीलाक धेनी सेदु च्‍युक्‍कीलाक धेनी ङी मीङगी क्षीला मीरीक घीरीगी खेक्‍याला दाङा झ्‍यीगीलाक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 12:42

देरे झ्‍येरीया याहुदापा पो़न्‍रीक नाङने माङागी, येशुला धेपा झ्‍येवालाक। हीना खुङक्‍याला याहुदापे छोक्‍खाङने पी़टु ॱनेरी, फारुसीपाक्‍याला जीक्‍ती खेलेन माझ्‍येवालाक।

योहान्‍ना 16:25

“ङी खेक्‍याला देक्‍या पेगी गोने स्‍येहो़क। हीना यापगी कोरला खेक्‍याला पेगी गोने मेन्‍दा सावो स्‍येयेगी धी़गो स्‍यारकीलाक।

योहान्‍ना 16:32

तो़, ॱङोन्‍ने झ्‍यीना खेक्‍या राङ-राङगी साजाला थोरती सोरी, ङाला च्‍यीका भोरकीन धी़गो ॱलेप्‍यी हो़तालाक धेनी धी़गो ॱलेप्‍सादुक। घीहीन्‍ना याप ङीमुला झ्‍येरी, ङा च्‍यीका मेक।

योहान्‍ना 4:21

येशुगी मोला सुवालाक, “भोमो, ङाला यीच्‍चे झ्‍यी, दे री धाङ येरुसालेम ॱङीगाराला याप को़न्‍क्षोकगी क्षाक्‍क्षो़पा ॱमीपुगीन धी़गो स्‍यारी।

योहान्‍ना 4:23

क्षाक्‍क्षो़पा ढाङपो झ्‍येरी झ्‍यीगीनक्‍याई, यापला सेम्‍ङी धाङ धेन्‍पा ॱङीगी गोने क्षाक्‍क्षो़पा पुगीन, धी़गो स्‍यारी धेनी धी़गो धान्‍दाराङ लाक। घीझ्‍येरी ॱनाना यापगी देरे क्षाक्‍क्षो़पा पुगीनक्‍याराङ चालालाक।

योहान्‍ना 9:22

खी़ फामागी याहुदापा पो़न्‍पोक्‍याला जीक्‍ती देरे ॱनेवालाक। घीझ्‍येरी ॱनाना येशुला मास्‍यीका ॱनेरी खेलेन्‍गीनक्‍याला छोक्‍खाङने पी़दी जाङयेगी ढो़, याहुदापा पो़न्‍पोक्‍याई एन्‍लाराङ थाक च्‍यो़ हो़तालाक।

योहान्‍ना 9:34

खुङक्‍याई खोला ॱनेवालाक, “ख्‍यो़ केली घाङलाराङ धीक्‍चेन झ्‍येरीया, ख्‍यो़ हेक्‍याला ॱलापच्‍या ग्‍याले?” धेनी खुङक्‍याई खोला छोक्‍खाङने तो़न्‍दी झावालाक।

जेपा 5:33

धेनी दे लाबगो ङेन्‍दी होदुरु जोम्‍जा गोठीक्‍या ॱमीच्‍यीकी श्‍येताङ लारी, कुछापक्‍याला सेङी दो़पालाक।

जेपा 7:56

खी़ ॱनेवालाक, “तो़दाङ, ङी नाम्‍खे श्‍यीङखाम भेगीन धाङ को़न्‍क्षोकगी ॱये स्‍योकला, मी-भु श्‍याङदी श्‍युक्‍कीनगो थोङी।”

१ कोरीन्‍थुपा 4:13

हेला ॱमेबेप ताङाराङ, हेक्‍या लेन ज्‍याबोमा ॱलोक्‍यीहो़क। धान्‍दा थुक्‍पे, हेक्‍या जीक्‍तेनगी झोरा धाङ घीरीने घो ॱमेछोगीन च्‍यालाक च्‍योक्‍रे झ्‍युहो़क।

फीलीप्‍पीपा 3:6

धेनी क्षो़ला स्‍युक्‍क्षे चीगीनला ताना, ङा नी क्षो़छोकला दुक्‍पु ताङगीन धेनी क्षो़ठीम नाङगी ढाङतेनगी कोरला ॱनाना, ङा क्‍यो़न मेगीन मी च्‍यीक हीन।

ॱङो़न्‍पा 6:9

धेनी लुक्‍टुगी थेचे ॱङावागो स्‍यीयाराङ, क्षो़ठीगी होकदु को़न्‍क्षोकगी का धाङ खोङला धेन्‍पाङ झ्‍येजागी क्षीला सेसा, मीक्‍याई सेम्‍ङीक्‍या ङी थोजुङ।