योहान्‍ना 16:13 - ॱलोवा

¹³ धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

योहान्‍ना 16:13 Iomraidhean Croise

योहान्‍ना 12:49

घीझ्‍येरी ॱनाना ङी ङाराङगी थोक्‍ने स्‍येदामेन हीना ङाला ॱङाक्‍कीन यापगीराङ, ङी घी ॱनाघो़गीन धाङ स्‍येघो़गीनगी़ का ङाला ॱनाङ हो़तालाक।

योहान्‍ना 14:17

दे नी धेन्‍पा तो़न्‍गीन धाम्‍पे थुक्‍ङी लाक। जीक्‍तेनगी मीक्‍याई खोङबाला सी़ ॱमीथुक्‍कीलाक घीझ्‍येरी ॱनाना खुङक्‍याई खोङबाला ॱमेथोङालाक धेनी ङो ॱमेस्‍येलालाक। खोङबा खेक्‍यामुला ॱनेलालाक धेनी खीकी नाङ ॱनेगीलाक, होझ्‍येरी खेक्‍याई खोङला ङो स्‍येलालाक।

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 14:6

येशुगी खोला सुवालाक, “ङा नी लाम धाङ धेन्‍पा धाङ छे हीन। ङाने माना यापगी डुङदु सुवाः डो ॱमीथुक्‍कीलाक।

योहान्‍ना 15:26

“हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 16:12

“ङाला धोराङा खेक्‍याला ॱमीच्‍यीकी माङा ॱनायेहो़क, हीना धान्‍दा खेक्‍याई दे शो़गोम झ्‍यी थुक्‍कीमालाक।

योहान्‍ना 3:32

खोङबागी घी शीक्‍कीन धाङ घोरकीनगी पाङपो जेदालाक हीना सी़या खोङबागी धेन्‍पाङला खेमेलेन्‍दालाक।

योहान्‍ना 8:38

ङी ङाराङगी यापगी डुङदु घी थोङ हो़गीनगो स्‍येदीहो़क धेनी खेक्‍या खेरी यापने घी घोरकीनगो झ्‍यीदालाक।”

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 20:23

ङाला चो़न्‍खाङदु धाक्‍कीन धाङ दुक्‍ङेल हो़गीन लाब, धाम्‍पे थुक्‍ङीगी ङाला ग्‍याजा रे-रेला तो़न जेसुङ।

जेपा 27:24

ङाला सुजुङ, ‘पाउलु माजीक। ख्‍यो़ रोमापा ग्‍यावुगी दोङदु ठीम श्‍युरु च्‍यार राङ घोगीलाक धेनी को़न्‍क्षोकगी थुक्‍जे ख्‍यो़मुला झ्‍येरी, ख्‍यो़मुला हो़गीन घीरी थारकीलाक।’

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

ईब्‍रीपा 1:1

एम्‍मा को़न्‍क्षोकगी होरी धाङबी फामाक्‍यामुला ॱङो़नस्‍येखेनक्‍याई थोक्‍ने, थेङ माङपो धाङ थापस्‍यी माङाने का सुवालाक।

१ योहान्‍ना 2:20

हीना धाम्‍पा हीन्‍गीनगी थोक्‍ने, खेक्‍याला धाम्‍पे थुक्‍ङीगी वाङ थोप हो़तालाक धेनी खेक्‍या घीरीगी धेन्‍पागो ॱहाघोरालाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।

१ योहान्‍ना 4:6

होराङक्‍या नी, को़न्‍क्षोकने लाक धेनी को़न्‍क्षोकला ङोस्‍येगीनक्‍याई, हीकी लाबला ङेन्‍दालाक हीना को़न्‍क्षोकने मेन्‍गीनक्‍याई हीकी लाबला मेङेन्‍दालाक। धेनी दी गोनेराङ होराङक्‍याई धेन्‍पे सेम्‍ङी धाङ शोकगी सेम्‍ङीगो ङो स्‍येलालाक।

१ योहान्‍ना 5:6

खोङबाराङ क्षु धाङ ठाकगी गोने फेप्‍कीन, येशु मास्‍यीका लाक। खोङबा क्षुगी गोने च्‍यीगा मेन्‍दा, क्षु धाङ ठाक ॱङीगाराने फेप्‍पालाक। धेनी धेन्‍पा हीन्‍गीन धाम्‍पे थुक्‍ङीगी खोङला पाङपो जेदालाक।

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।

ॱङो़न्‍पा 1:19

होझ्‍येरी ख्‍यी़ थोथा धाङ धान्‍दा हो़गीन धाङ माउपारला झ्‍युङये हीन्‍गीनगो ढीक।