योहान्‍ना 16:11 - ॱलोवा

¹¹ धेनी ठीम्‍चो़गी कोरला ॱनाना, जीक्‍तेनगी वाङग्‍युर झ्‍यीगीनगोला ठीम फोक्‍सालाक।

योहान्‍ना 16:11 Iomraidhean Croise

मेथा 12:18

“ङी दाम्‍दा ङी श्‍यीप्‍ची, ङी सेम घागीन ङी चेवे देला तो़। ङा ङी थुक्‍ङी खी़ खाला श्‍याक्‍येहीन, धेनी खी़ मीरीक घीरीला, ठीम्‍चो़गी सेटाक झ्‍यीगीलाक।

मेथा 12:36

ङा खेक्‍याला ॱनाहीन, ठीम चेगीन ङीमाला मी घीरीगी खोरी ॱनेना क्षोमेगीन छीक ङेन्‍पा रे-रेगी लेन तेर घो़गीलाक।

लुका 10:18

येशुगी होदेक्‍याला सुवालाक, “ङी नाम्‍खे श्‍यीङखामने ॱलोकख्‍युकगी हो़क ग्‍याप्‍कीन च्‍योक्‍रे, सातान ल्‍हीम्‍दी हुङगीनगो थोजुङ।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

योहान्‍ना 14:30

धा ङा खेक्‍यामुला लाब युन्‍रीङा ॱमेताङ घीझ्‍येरी ॱनाना दे जीक्‍तेनगी वाङग्‍युर झ्‍यीगीनगो हुङी। ङी थोकला खोला वाङ मेतालाक।

योहान्‍ना 16:12

“ङाला धोराङा खेक्‍याला ॱमीच्‍यीकी माङा ॱनायेहो़क, हीना धान्‍दा खेक्‍याई दे शो़गोम झ्‍यी थुक्‍कीमालाक।

जेपा 10:42

धेनी मीक्‍याला ॱलोप्‍तो़न तेरये धाङ खोङबाराङ को़न्‍क्षोकगी दाम्‍दा, सो़न्‍पो धाङ स्‍यीम्‍बुगी ठीम्‍पो़न लाक, ॱनागीन पाङपो तो़न ॱनेरी खोङबागी हेक्‍याला का ॱनाजुङ।

जेपा 24:25

हीना पाउलुगी ढाङपो झ्‍युङये धाङ राङ छो़ शीम्‍गीन धाङ ठीम चेगीन ङीमागी कोरला स्‍येली घाङला, फेलीक जीक्‍पालाक। धेनी खोला ॱनेवालाक, “धीरीङगी क्षीदु ढीक्‍सुङ धा सोङ धेनी घुकाप राक्‍ना, ङी ख्‍यो़ला याङदा केक ताङु।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

रोमापा 2:16

दे नी ङी सेटाक झ्‍येजा ताम्‍शाङला च्‍योक्‍रे, मास्‍यीका येशुगी थोक्‍ने को़न्‍क्षोकगी मीक्‍याई साङवे लेगाक्‍याई, ठीम चेगीन ङीमागोला झ्‍युङगीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

२ कोरीन्‍थुपा 4:4

खुङक्‍याई कोरला स्‍ये घोना, को़न्‍क्षोकगी ॱयीप हीन्‍गीन मास्‍यीकागी, शीजेगी ताम्‍शाङगो खुङक्‍याला थोङदु ॱमीच्‍युक्‍येला, दे जीक्‍तेनगी ल्‍हागी धेपा मीझ्‍यीगीनक्‍याई सेम श्‍याराक्‍या लेमो ॱमेथोङगीन शो़ हो़तालाक।

एफीसुपा 2:2

होदे घाङला खेक्‍या जीक्‍तेनगी लुक्‍सो़ ङेन्‍पाक्‍या ॱरुरी, बारनाङ खामगी नी़थुक्‍याला वाङ झ्‍यीगीनला चीरी, हुरे मीछे क्‍यालालाक। धेनी सेम्‍ङी देराङ धान्‍दा को़न्‍क्षोकगी काला मेङेन्‍गीन, मीक्‍याई खाला वाङ झ्‍यीदालाक।

कोलोसेपा 2:15

धेनी को़न्‍क्षोकगी पो़न्‍पोक्‍या धाङ वाङग्‍युर झ्‍यीगीनक्‍याई लाक्‍चाक्‍या ठोक्‍वा जेदी, खुङक्‍याला मीमाङगी खोकला ॱङो़न्‍दी ङोछारु च्‍युक्‍पालाक। धेनी ग्‍याङस्‍यीङगी थोक्‍ने, खुङक्‍या घीरी खाला खोङबागी ग्‍याखा थोप जेपालाक।

ईब्‍रीपा 2:14

छीवागी थोक्‍ने छीवागी दाक्‍पो धी़कला, खोङगी मेताला जेये धाङ छीवागी जीक्‍टागी मीछे घाङजाङ ढेन्‍योकला स्‍योरस्‍याक्‍याला, खोङबागी थारपा जेयेगी क्षीला भी़टुकक्‍या स्‍याठाकगी ली़ला झ्‍येरी, खोङबागीयाः मीगी ली़ ॱनुम्‍बालाक।

ईब्‍रीपा 6:2

धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

ईब्‍रीपा 9:27

याङ मीक्‍या थेङ च्‍यीक स्‍यी घोवालाक धेनी होदे स्‍याम्‍ने, ठीम्‍चो़ हुङगीन च्‍योक्‍रे,

२ पेटो 3:7

हीना को़न्‍क्षोकगी होदे कागी थोक्‍नेराङ, धान्‍दागी ॱनाम-सा ॱङीला मेगी ॱराक्‍येगी क्षीदु श्‍याक हो़तालाक धेनी ठीम्‍चो़गी ङीमा धाङ को़न्‍क्षोकगी काला मेङेन्‍गीनक्‍याला चामेदु ताङयेगी धी़ थुक्‍पेगी क्षीदु, श्‍याक हो़तालाक।

१ योहान्‍ना 3:8

धीक्‍पा झ्‍येरी धेगीन नी, धी़कगी़ लाक घीझ्‍येरी ॱनाना धी़कगी थोक्‍मानेराङ धीक्‍पा झ्‍येरी हो हो़तालाक। धेनी धी़कगी लेगाक्‍या मेताला ताङयेगी क्षीदुराङ, को़न्‍क्षोकगी से ॱङो़न्‍दा जेपालाक।

ॱङो़न्‍पा 1:7

“तो़दाङ, खोङबा ॱरीङबाक्‍याई खोक्‍ने फेवी।” धेनी “ॱमीक घीरीगी खोङला ज्‍यागीलाक, धेनी खोङबाला दुङ चुक्‍कीनक्‍यागीयाः ज्‍यागीलाक।” धेनी जीक्‍तेनगी मी घीरी “खोङबागी दो़न्‍दु ङुता ग्‍याप्‍कीलाक।” ताम दे धेन्‍पा झ्‍युङास्‍योक। आमेन।