योहान्‍ना 15:8 - ॱलोवा

⁸ खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

योहान्‍ना 15:8 Iomraidhean Croise

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मेथा 9:8

धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 13:35

खेक्‍याई च्‍यीकगी च्‍यीकला झाम्‍पा झ्‍यीना, देनेराङ खेक्‍या ङी ङेने हीन्‍गीनगो मी घीरीगी ॱहाघोरकीलाक।”

योहान्‍ना 15:5

“ङा नी, घुन्‍डुम स्‍यीङदोङ हीन धेनी खेक्‍यागो याक्‍काक्‍या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्‍कीलाक घीझ्‍येरी ॱनाना ङाने डारी, खेक्‍याई घीया झ्‍यी ॱमीथुक्‍कीलाक।

योहान्‍ना 8:31

धेनी येशुगी राङला धेपा हो़गीन याहुदापाक्‍याला सुङा जेपालाक, “ङी काला ॱनेती धेना, खेक्‍या ॱङोन्‍नेराङ ङी ङेने लाक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

तीतोस 2:10

लाक्‍पा चाङमा धाङ ॱलो का थुप्‍कीन झ्‍युरी, तो़न घो़गीलाक। धेनी होरी क्‍योप्‍खेन को़न्‍क्षोकगी कोरला ॱलापच्‍या तेरतागोला, घारु हीन्‍ना खुङक्‍याई घुस्‍याप झ्‍यीगीलाक।

तीतोस 2:5

साम्‍लो थोङा धाङ चाङमा धाङ नाङले झ्‍यीगीन धाङ सेम शाङपो धाङ ख्‍योवागी, खाला ङेन्‍पो झ्‍युङयेला ॱलाप्‍कीलाक। धेनी को़न्‍क्षोकगी काला ॱमेटा ॱमेपाप्‍कीलाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।