योहान्‍ना 15:7 - ॱलोवा

⁷ खेक्‍या ङी नाङ ॱनेती, ङी का खेक्‍याई नाङ ॱनेना, खीकी घी दो़गीनगो श्‍यी़, धेनी होदे खीकी क्षीला डुप्‍कीलाक।

योहान्‍ना 15:7 Iomraidhean Croise

मेथा 7:7

“श्‍यी़ धेनी ख्‍यो़ला ॱनाङगीलाक, चो धेनी ख्‍यो़ला ॱङेगीलाक, घो दुङ धेनी ख्‍यी़ क्षीला पेगीलाक।

योहान्‍ना 14:13

यापगी शीजे सेगी थोक्‍ने ॱङो़न्‍येला, खेक्‍याई ङी मीङला घी श्‍यी़, होदे ङी झ्‍यीयेहीन।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 16:23

होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

योहान्‍ना 8:31

धेनी येशुगी राङला धेपा हो़गीन याहुदापाक्‍याला सुङा जेपालाक, “ङी काला ॱनेती धेना, खेक्‍या ॱङोन्‍नेराङ ङी ङेने लाक।

योहान्‍ना 8:37

खेक्‍या आब्‍राहामगी भुग्‍यु हीन्‍गीनगो ङाला स्‍येयेहो़क। घीहीनाः ङी का खेक्‍याई नाङला ॱने मेता, खेक्‍या ङाला सेयेगी घोकाप चालालाक।

गालातीयापा 4:2

आकीगी को़री श्‍याकश्‍या धी़चो़ थुक्‍पे, खो क्‍योङगीन धाङ ॱङेरपागी वाङ होकदु हुङगीलाक।

गालातीयापा 5:16

हीना ङा ॱनाहीन, धाम्‍पे थुक्‍ङीने मीछे क्‍यो धेनी ख्‍यी़ खेरी ली़गी दो़पाक्‍या डुप्‍तु च्‍युक्‍कीमालाक।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

१ योहान्‍ना 2:14

चेवे टुवाक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई यापला ङो स्‍येलालाक। आकीक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍याई थोक्‍माने श्‍युक हो़गीनगोला ङो स्‍येलालाक। ख्‍योक्‍तोङक्‍याओ, ङा खेक्‍याला ढीयाहीन, घीझ्‍येरी ॱनाना खेक्‍या तोप स्‍युक्‍क्षे दुक। धेनी को़न्‍क्षोकगी का खीकी नाङ ॱनेलालाक, धेनी धी़गी खाला खीकी ग्‍या हो़तालाक।

१ योहान्‍ना 2:27

याङ मास्‍यीकाने थोप्‍था धाम्‍पे थुक्‍ङीगी वाङ नी, खीकी सेमला ॱनेहो़गीन झ्‍येरी, खेक्‍याला सी़या ॱलाप मेघो़। घीझ्‍येरी ॱनाना धाम्‍पे थुक्‍ङीगी खेक्‍याला दो़न घीरीगी कोरला सुङालाक धेनी खोङगी ॱनाङगीन वाङ नी, शोक्‍पो मेन्‍दा धेन्‍पा लाक। होझ्‍येरी खोङगी सुङगीन च्‍योक्‍रे, खोङ नाङला खेक्‍या ॱनेती धो़क।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।

१ योहान्‍ना 5:14

को़न्‍क्षोकगी थुकोङला तेन्‍ती, होरी घी श्‍यी़ना खोङगी होराङला सेन्‍दालाक ॱनेरी, होराङला खोङगी खाला ॱलोते हो़तालाक।