योहान्‍ना 15:5 - ॱलोवा

⁵ “ङा नी, घुन्‍डुम स्‍यीङदोङ हीन धेनी खेक्‍यागो याक्‍काक्‍या हीन। ङी नाङ सु ॱनेली धेनी खी़ नाङ ङा ॱनेना, खोला ढेबु माङा क्षाक्‍कीलाक घीझ्‍येरी ॱनाना ङाने डारी, खेक्‍याई घीया झ्‍यी ॱमीथुक्‍कीलाक।

योहान्‍ना 15:5 Iomraidhean Croise

मेथा 13:21

हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

योहान्‍ना 12:24

ङा खेक्‍याला धेन्‍पा धेनक्‍याङ ॱनाहीन, डोगी डुदोक सागी नाङला ल्‍हीम्‍दी ॱमीस्‍यीना, होदे च्‍यीका लेगीलाक। हीना होदे डुदोकगो स्‍यीना, होदेने ढेबु माङा केलालाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 9:33

धा मी दे को़न्‍क्षोकने मेन्‍ना, खी़ घीया झ्‍यी थुक्‍येमेक।”

जेपा 4:12

“श्‍येम्‍मा सुनेः थारपा ॱमेथोप्‍कीलाक घीझ्‍येरी ॱनाना होरी थारपागी क्षीला येशुगी छेन माना, को़न्‍क्षोकगी श्‍येम्‍मा मीङ नाम्‍खे श्‍यीङखाम होकदु ॱमानावालाक।”

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

रोमापा 7:4

देरेराङ झ्‍येरी ङी पी़नक्‍याओ, खेक्‍याः मास्‍यीकागी कुली़गी थोक्‍ने, क्षो़ठीमगी क्षीदु स्‍यीवालाक। दे नी खेक्‍या छीवाने कुसो़न्‍पो श्‍याङस्‍या, मी श्‍येम्‍मा याङना मास्‍यीकामुला दुमा स्‍योक ॱनेरी, धेनी होराङक्‍या को़न्‍क्षोकगी क्षीदु ढेबु केलास्‍योक ॱनेरी लाक।

१ कोरीन्‍थुपा 10:16

धाम्‍पे सुरेगी फोरागी क्षीदु होराङ को़न्‍क्षोकला काटीन्‍क्षे श्‍यी़ली घाङला, होराङ मास्‍यीकागी कुठाकमुला थेला माले? धेनी होदे ग्‍याङगागो च्‍याई घाङला, होराङ मास्‍यीकागी कुली़ला थेला माले?

१ कोरीन्‍थुपा 12:12

ली़ च्‍यीकला येन्‍लाक माङा हो़गीन धाङ येन्‍लाक माङा हो़ना ली़ च्‍यीक हीन्‍गीन च्‍योक्‍रे, मास्‍यीकाः दे च्‍योक्‍रेराङ लाक।

१ कोरीन्‍थुपा 12:27

धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

२ कोरीन्‍थुपा 13:8

घीझ्‍येरी ॱनाना धेन्‍पाला गारी, हेक्‍या घीया झ्‍यी ॱमीथुक्‍वालाक हीना धेन्‍पागी क्षीदु च्‍यीगा झ्‍यी थुक्‍वालाक।

२ कोरीन्‍थुपा 9:10

साङा ताप्‍कीनला साङा धाङ शायेला शामा ॱनाङा जेगीन, खोङगी खेक्‍याला ताप्‍येला साङा ॱनाङा जेदी, होदेला फेरु च्‍युक्‍वा जेगीलाक धेनी खीकी ढाङतेनगी लोदोकगो माङा जेगीलाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 4:13

ङाला तोपस्‍युक ॱनाङगीनगी गोने, ङी घीरी झ्‍यी थुक्‍वा।

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

याकोब 1:17

ॱनाङज्‍यीन शाङपो धाङ याङदाक्‍पा घीरी तो़ने, नाम्‍खे हो़क्‍या को़ जेगीन यापने भावालाक। पो़री डुगीन ढीम्‍जाक च्‍योक्‍रे, खोङबाला ग्‍युरवा घीया मेतालाक।

१ पेटो 2:4

धेनी मीगी पाङपा हीना को़न्‍क्षोकगी ॱमीक्‍वादु खोङबा दाम्‍दा धाङ चाक्षे हीन्‍गीन, धो सो़न्‍पो हीन्‍गीन चोवोगी डुङदु खेक्‍या हुङी घाङला,

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।