योहान्‍ना 15:27 - ॱलोवा

²⁷ धेनी खेक्‍या गोमाने ङीमुला हो़गीन झ्‍येरी, खेक्‍यागीया ङी पाङपो झ्‍यीघो़।”

योहान्‍ना 15:27 Iomraidhean Croise

मारकु 1:1

को़न्‍क्षोकगी से, येशु मास्‍यीकागी ताम्‍शाङ गो चुक्‍पा।

लुका 24:48

दे लाबक्‍याई पाङपो खेक्‍या लाक।

योहान्‍ना 19:35

होदे थोथा मीगी़ दी कोरला, पाङपो झ्‍येवालाक धेनी खी़ पाङपोगो धेन्‍पा लाक। धेनी मी दे खोरी स्‍येगीनगो धेन्‍पा लाक ॱनेरी, खोला स्‍येये हो़तालाक।

योहान्‍ना 21:24

दो़न देक्‍याला पाङपो झ्‍यीगीन धाङ यीक देक्‍या ढीक्‍कीन ङेनेगो खो राङ लाक। धेनी खी़ पाङपो झ्‍यीगीनगो धेन्‍पा लाक ॱनेरी हेक्‍याला स्‍येयेहो़क।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 13:31

गालील ग्‍यारापने खोङबामुला येरुसालेमदु होवाक्‍याई श्‍याक्‍मो ॱमीच्‍यीकी माङा थुक्‍पे, खोङबाला ज्‍याये राक्‍पालाक धेनी खुङक्‍यागो धान्‍दा ईस्‍राएलगी मीक्‍याई छीला खोङबाला ज्‍याजा पाङपोक्‍या लाक।

जेपा 18:5

सीलवानु धाङ तीमोथेउ माकेडोनीयाने ॱलेप्‍ती, पाउलुगी खोरी धी़चो़ घीरी याहुदापाक्‍यामुला, येशुराङ मास्‍यीका लाक ॱनागीन लाबगी पाङपो तेरये धाङ ताम्‍शाङ स्‍येयेला केलालाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

जेपा 3:15

छेसोक ॱनाङगीनगोला खेराङक्‍याई सेजुङ। हीना को़न्‍क्षोकगी खोङबाला छीवाने सो़न्‍पो श्‍याङ जेजुङ। दे लाबगी पाङपो हेक्‍या हीन।

जेपा 4:20

घीझ्‍येरी ॱनाना हेक्‍याई थोथा धाङ ॱहाघोका लाबक्‍या ॱमेना धे थुक्‍ये मीन्‍दुक।”

जेपा 4:33

कुछापक्‍याई चोवो येशु छीवाने सो़न्‍पो श्‍याङगीनगी कोरला, वाङक्षेगी थोक्‍ने मीक्‍याला पाङपो झ्‍येवालाक। धेनी को़न्‍क्षोकगी थुक्‍जे क्षेन्‍बो, खुङक्‍या खाला मेछो़ली झ्‍युवालाक।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

१ योहान्‍ना 4:14

धेनी यापगी राङगी से जीक्‍तेनगी क्‍याम्‍गो़न झ्‍युङयेगी क्षीदु ॱङाक्‍कीनगो, हीकी थोवालाक धेनी पाङपो झ्‍यीदाहीन।

ॱङो़न्‍पा 1:2

धेनी योहान्‍नागी को़न्‍क्षोकगी का धाङ येशु मास्‍यीकागी पाङपो झ्‍येरी, राङगी थोथा घीरीला धेन्‍पाङ झ्‍येवालाक।

ॱङो़न्‍पा 1:9

येशुगी थोक्‍ने, दुक्‍पु धाङ को़न्‍क्षोकगी ग्‍यासी धाङ शो़पागी नाङला, खेक्‍याई रोवा धाङ पी़न ङा योहान्‍ना हीन। ङा नी, को़न्‍क्षोकगी का धाङ येशुला पाङपो झ्‍येजागी केनगी, पादमोस ॱनागीन ॱलीङठेनदु हो़तालाक।