योहान्‍ना 15:26 - ॱलोवा

²⁶ “हीना यापगी डुङने फेप्‍कीन, धेन्‍पा थुक्‍ङी, रोवा जेगीनगो फेप्‍कीलाक। धेनी यापगी डुङने ङी ॱङाक्‍कीन देगी ङी पाङपो जेगीलाक।

योहान्‍ना 15:26 Iomraidhean Croise

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

योहान्‍ना 14:26

हीना ङी मीङ थोक्‍ने यापगी ॱनाङगीन रोवा जेगीन धाम्‍पे थुक्‍ङीगी़, खेक्‍याला लाब घीरी ॱलाबा जेगीलाक। धेनी ङी खेक्‍याला स्‍येगीन घीरी ढो़न्‍सो ॱनाङगीलाक।

योहान्‍ना 16:7

हीना ङी खेक्‍याला धेन्‍पागो स्‍येदाहीन, ङा डोनाराङ खेक्‍याला फेन्‍थोवा हो़तालाक घीझ्‍येरी ॱनाना ङा मेडोना, रोवा जेगीनगो खीकीचारु ॱमेफेप्‍कीलाक। हीना ङा डोना ङा खोङला खीकीचारु ताङयेहीन।

योहान्‍ना 8:42

येशुगी खुङक्‍याला सुवालाक, “को़न्‍क्षोक खीकी याप हीन्‍ना, खीकी ङाला चेवा झ्‍यीयेहो़क घीझ्‍येरी ॱनाना ङा को़न्‍क्षोकने होवा झ्‍येरी, ङा धान्‍दा दुरु हो़क। ङा राङला तेन्‍दी होवामेन हीना खोङबागी ङाला ॱङाक्‍पालाक।

जेपा 1:4

थेङमा च्‍यीक येशु होदेक्‍यामुला जोम्‍दी श्‍येलाक श्‍येयेला श्‍युक्‍यी घाङला, खोङबागी होदेक्‍याला देरे का ॱनावालाक, “खेक्‍या येरुसालेम माबोरा, ङी यापगी धाम्‍चा जेजागोला घुक्‍ती धो़क। होदे धाम्‍चागी क्षीला ङी खेक्‍याला एन्‍दुरु ॱनेवी,

जेपा 15:8

धेनी होराङ घीरीगी सेम नाङगी घीरी खेन जेगीन को़न्‍क्षोकगीराङ, याहुदापा मेन्‍गीन मीरीकक्‍याला होराङला च्‍योक्‍रे धाम्‍पे थुक्‍ङी ॱनाङदी, खुङक्‍यालाः दाम्‍बालाक ॱनेरी पाङपो तो़न जेपालाक।

जेपा 5:32

हेक्‍या दे लाबक्‍याई पाङपो हीन धेनी को़न्‍क्षोकगी राङगी काला ङेन्‍गीनक्‍याला ॱनाङना, धाम्‍पे थुक्‍ङीगीयाः दे लाबक्‍याई पाङपो तो़न्‍दा जेदुक।”

१ कोरीन्‍थुपा 1:6

धेनी दे राङगी खेक्‍याला मास्‍यीकागी कोरला, हीकी स्‍येगीनगो धेन्‍पा लाक ॱनेरी, थाक चेदालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

ॱङो़न्‍पा 22:1

धेनी नाम्‍खे भाङछेनगी ङाला दाङस्‍येल च्‍योक्‍रे, साला हो़गीन छेसोकगी क्षुगी चाङबुगो तो़न्‍दा जेजुङ। धेनी दे नी, को़न्‍क्षोक धाङ लुक्‍टुगी श्‍युक्‍ठीने झ्‍युरी,