योहान्‍ना 15:24 - ॱलोवा

²⁴ सी़या माझ्‍येगीन झ्‍यावागो ङी खुङक्‍याई घुङदु माझ्‍ये हो़ना, खुङक्‍याला धीक्‍पागी क्‍यो़न मेक। हीना धान्‍दा खुङक्‍याई ङी झ्‍येजा झ्‍यावा देक्‍या थोरीया, खुङक्‍याई ङा धाङ ङी यापला दाङा झ्‍येवालाक।

योहान्‍ना 15:24 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 21:32

घीझ्‍येरी ॱनाना ठी़सो़खेन योहान्‍ना, खेक्‍याला ढाङतेनगी लाम तो़न्‍दु होवालाक धेनी खेक्‍याई खोला धेपा माझ्‍येवालाक। हीना ठा धुगीनक्‍या धाङ श्‍याङचोङमाक्‍याई, खोला धेपा झ्‍येवालाक। धेनी खेक्‍याई दे थोरीयाः, खेक्‍याई सेम ग्‍युरती खोला धेपा माझ्‍येवालाक।”

मेथा 9:33

येशुगी डेगो तो़न्‍दा जेपालाक धेनी मीगो लाब ताङ थुक्‍पालाक। धेनी मीछोकक्‍या ॱमीच्‍यीकी याम्‍सारी ॱनेवालाक, “ईस्‍राएलला देरे नामा थोङ माङ्युङ।”

मारकु 2:12

खो लारी उक्‍कुरा च्‍यीकला, खोरी ङ्याजे खुरती मीमाङक्‍याई थोङजाने, राङ फीला सोवालाक। धेनी “देरे हीकी नामा थोङ माङ्युङ” ॱनेरी मी घीरी ॱहालेरी, को़न्‍क्षोकला तो़टा पुवालाक।

लुका 24:19

खोङबागी, “घीन्‍गी कोरला?” सुरी ढीवा जेपालाक। धेनी खुङ ॱङीउगी ॱनेवालाक, “नाजारेतगी येशुगी कोरला। खोङबा को़न्‍क्षोक धाङ मी घीरीगी दोङदु छीक धाङ क्षाक्‍लेला नी़थु क्षेन्‍बो हो़गीन, ॱङो़नस्‍येखेन च्‍यीक लाक।

योहान्‍ना 10:32

येशुगी खुङक्‍याला सुवालाक, “यापगी गोने, ङी खेक्‍याला ले शाङा माङा तो़न्‍पी। देक्‍याने घीन्‍गी क्षीला, खेक्‍या ङाला धोगोङ श्‍युरये हीन्‍नो?”

योहान्‍ना 10:37

यापगी क्षाक्‍ले ङी माझ्‍ये हो़ना, ङाला यीच्‍चे माझ्‍यी।

योहान्‍ना 12:10

होझ्‍येरी क्षो़पो़न क्षेक्‍याई लाजारला याङ सेयेला झ्‍यी़ङेन तीवालाक।

योहान्‍ना 12:45

धेनी ङाला थोङगीनगी ङाला ॱङाक्‍कीन खोङबाला ज्‍यागीलाक।

योहान्‍ना 14:9

येशुगी खोला सुवालाक, “फीलीप, ङा हुरे रीङा खीकीमुला धेतीया, ख्‍यी़ ङाला ङोमेस्‍येलाले? ङा थोङगीनगी़ यापलाः ज्‍या हो़तालाक। ‘हेक्‍याला याप ॱङो़न्‍दा जे।’ ॱनेरी खेक्‍या घाङगी झ्‍येरी ॱनाथुक्‍वाले?

योहान्‍ना 15:21

हीना ङी मीङगी केनगी, खुङक्‍याई दे घीरी खेक्‍याला झ्‍यीगीलाक घीझ्‍येरी ॱनाना ङाला ॱङाक्‍कीनगोला खुङक्‍याई ङो ॱमेस्‍येलालाक।

योहान्‍ना 15:22

“ङा होरी खुङक्‍याला ॱमास्‍ये हो़ना, खुङक्‍याला धीक्‍पागी क्‍यो़न मेक हीना धा खुङक्‍याला खोरी धीक्‍पा माझ्‍येहो़क, ॱनायेगी ग्‍युम्‍जे मेक।

योहान्‍ना 15:23

ङाला दाङा झ्‍यीगीनगी़, ङी यापलाः दाङा झ्‍यीदालाक।

योहान्‍ना 16:9

धीक्‍पागी कोरला मीक्‍याई क्‍यो़न नी, खुङक्‍याई ङाला धेपा मीझ्‍यीदालाक।

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 5:36

“हीना ङाला हो़गीन धेन्‍पाङगो योहान्‍नाला क्षे हो़क। घीझ्‍येरी ॱनाना यापगी डुप्‍तु च्‍युक्‍ये क्षाक्‍ले, ङाला ॱनाङगीनक्‍या ङा झ्‍यीदीहो़क धेनी देक्‍यागीराङ यापगी ङाला ॱङाक्‍पालाक ॱनेरी पाङपो झ्‍यीदालाक।

योहान्‍ना 6:36

हीना ङी खेक्‍याला ॱनेसाहो़क, खेक्‍याई ङाला थोरीया धेपा मीझ्‍यीदालाक।

योहान्‍ना 7:31

घीहीन्‍ना मी माङक्षेगी खोङबाला धेपा झ्‍येरी ॱनेवालाक, “मास्‍यीका फेई घाङला, खोङगी दे मी देले ल्‍हाक ताकक्‍या मेजे हो़टु।”

योहान्‍ना 9:32

जीक्‍तेनगी थोक्‍माने, केने ॱहाला श्‍यारा हीन्‍गीनगी ॱमीक सो़दुक ॱनागीन, देरे लाब घोर माङ्युङ।

योहान्‍ना 9:41

येशुगी खुङक्‍याला सुङा जेपालाक, “खेक्‍या श्‍यारा हीन्‍ना, खेक्‍याला धीक्‍पागी क्‍यो़न फोक्‍येमेक। हीना धान्‍दा खेक्‍याई ‘हेक्‍या थोङी’ ॱनेरी खेक्‍याई क्‍यो़नगो लेगीलाक।”

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 2:22

“ईस्‍राएल्‍पा मीक्‍याओ, ङी लाब ङेन्‍रोनाङ, नाजारेतगी येशुने को़न्‍क्षोकगी खेराङक्‍याई घुङदु स्‍युक क्षेन्‍बो धाङ ॱहाङसागीन लेगाक्‍या झ्‍येरी, धेनी ताकक्‍या तो़न्‍गीनगो खेराङक्‍याला क्षा हो़तालाक। होदेक्‍याने को़न्‍क्षोकगी येशुला खेराङक्‍याई घुङदु झावाहीन ॱनागीन, पाङपोगो तो़न्‍दा जेपालाक।

रोमापा 1:30

धाङ ॱमेटा पाप्‍कीन धाङ को़न्‍क्षोकला दाङा झ्‍यीगीन धाङ मीला ॱङ्याप्‍चो़ स्‍येगीन धाङ ङागेल्‍चेन धाङ राङतो़ झ्‍यीगीन हो़तालाक। खुङक्‍या ङेन्‍पा झ्‍यीयेगी थापस्‍यी चागीन धाङ राङगी फामाला ॱमीचीगीन

२ तीमोथेउ 3:4

धेनी ङोलोक्‍चेन धाङ साम्‍लो ॱमेथोङगीन, ङागेलगी खाङखा धाङ को़न्‍क्षोकले ल्‍हाक दो़यो़नला क्षाक्‍कीन,

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।