योहान्‍ना 15:20 - ॱलोवा

²⁰ ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 15:20 Iomraidhean Croise

मेथा 10:24

“ङेने च्‍यीक राङगी घेगेनने थोवा मेयोङालाक याङ ॱयोक्‍पो च्‍यीक राङगी दाक्‍पोने थोवा मेयोङालाक।

मारकु 10:39

खुङ ॱङीउगी झ्‍यी थुक्‍येहो़क ॱनेरी लेन श्‍यी़वालाक। धेनी येशुगी सुवालाक, “ङी थुङगीन फोरा देने, खे ॱङीउगी थुङगीलाक धेनी ङी लेन्‍गीन ठी़सो़ खे ॱङीउगी लेन्‍गीलाक

लुका 2:34

धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

लुका 6:40

ङेने च्‍यीक खोरी घेगेनने क्षे मेयोङालाक। हीना ॱलोप्‍चुङ घीरी लेन्‍सारती, खो खोरी घेगेन च्‍योक्‍रे झ्‍युङगीलाक।

योहान्‍ना 10:31

याहुदापा पो़न्‍पोक्‍याई, येशुला धोगोङ श्‍युरयेला धाब्‍ले धोगोङ धी़वालाक।

योहान्‍ना 11:57

धा क्षो़पो़न क्षेक्‍या धाङ फारुसीपाक्‍याई येशुला शीम्‍येगी क्षीला, खो घारु हो़गीनगो सी़ ॱहाघोरना, खी़ खुङक्‍याला लो़न तेरयेला का ॱनावालाक।

योहान्‍ना 13:16

ङा खेक्‍याला धेन्‍पा धेनक्‍याङ ॱनाहीन, ॱयोक्‍पो नी दाक्‍पोने खाक्‍क्षे मेयोङगीलाक धेनी भाङछेन नी, खोला ॱङाक्‍कीनने खाक्‍क्षे मेयोङगीलाक।

योहान्‍ना 5:16

होझ्‍येरी येशुगी ङासुगीन ङीमाला देरे जेदी, याहुदापा पो़न्‍पोक्‍याई खोङबाला दुक्‍पु ताङयेला गो चुक्‍पालाक।

योहान्‍ना 7:32

फारुसीपाक्‍याई, येशुगी कोरला मीछोकगी लाब फुसु-फुसु ताङगीनगो घोरपालाक धेनी क्षो़पो़न क्षेक्‍या धाङ फारुसीपाक्‍याई, खोङबाला शीम्‍दु क्षो़खाङगी ॱरुङमाकक्‍या झावालाक।

योहान्‍ना 8:51

ङा खेक्‍याला धेन्‍पा धेनक्‍याङ ॱनाहीन, ङी का ॱरुङगीनगी नामाः छीवा मेङ्याङगीलाक।”

योहान्‍ना 8:52

धेनी खुङक्‍याई ॱनेवालाक, “धा ख्‍यी़ नाङदु डे जुदुक ॱनेरी, धान्‍दा हीकी स्‍येजुङ। आब्‍राहाम धाङ ॱङो़नस्‍येखेनक्‍या स्‍यीवालाक हीन्‍ना ख्‍यो़ ‘ख्‍यी़ का ॱरुङगीनगो नामा छीवा मेङ्याङगीलाक’ ॱनेरी ॱनालाक।

योहान्‍ना 8:59

धा खुङक्‍याई खोङबाला श्‍युरयेला धोगोङ धी़वालाक हीना येशु खाबा हीप्‍ती, क्षो़खाङने फीला थो़न्‍दी फेप्‍पालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

१ कोरीन्‍थुपा 4:12

धेनी राङगी लाक्‍पी लेगा झ्‍येरी काल्‍ले ग्‍यावाहीन। धेनी मी श्‍येम्‍मागी ॱमेमो ग्‍याराङ, हेक्‍या ॱमो़लाम श्‍यी़हो़क। श्‍येम्‍मागी हेक्‍याला दुक्‍पु तेराराङ, हेक्‍या शो़पा घोमीहो़क।

२ कोरीन्‍थुपा 4:9

हेक्‍याला दुक्‍जोङ फोक हो़क हीना पाङपा मेक धेनी हेक्‍याला दुङदाक फोक हो़ना, हेक्‍या मेताला ॱमासोहो़क।

१ थेसालोनीकेपा 2:15

होदे याहुदापाक्‍याई चोवो येशु धाङ ॱङो़नस्‍येखेनक्‍याला सेपालाक धेनी होराङक्‍याला तो़न्‍दी झावालाक धेनी को़न्‍क्षोकला थेदा मीझ्‍यीदा, मी घीरीला ङोलोक झ्‍यीदालाक।

२ तीमोथेउ 3:12

ॱङोन्‍ने झ्‍यीना मास्‍यीका येशुला तेन्‍दी, क्षो़ला थी़न्‍गीन मीछे क्‍याङी दो़गीन घीरीगी दुक्‍पु ङ्याङराङ घो़गीलाक।