योहान्‍ना 15:2 - ॱलोवा

² ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

योहान्‍ना 15:2 Iomraidhean Croise

मेथा 13:12

घीझ्‍येरी ॱनाना हो़गीनला धोराङा ॱनाङगीलाक धेनी मेछो़ली झ्‍युङगीलाक। हीना मेगीनगोला, खोला हो़गीनगोवा खोने ठोक्‍कीलाक।

मेथा 13:33

याङ खोङबागी पे श्‍येम्‍मा च्‍यीक सुवालाक, “नाम्‍खे ग्‍यासी दे केमी च्‍यीकगी क्‍युरची खेरती, पादी सुम चो़ बाक्‍पेमुला ॱरेरी बाक्‍पे घीरीला, क्‍युरची ॱमालाङगीन थुक्‍पे ॱङ्यारी श्‍यालाक।”

मेथा 15:13

खोङबागी कालेन ॱनावालाक, “नाम्‍खे श्‍यीङखामदु श्‍युक्‍कीन, ङी यापगी ॱमाचुक्‍चा चीस्‍यीङ घीरी चावाने कोक्‍कीलाक।

मेथा 21:19

लाम्‍गागी शुरला सेयापगी दोङबो शीक्‍ती, खोङबा होदे डामदु फेप्‍पालाक हीना होदुरु लोमा माना श्‍येम्‍मा घीया ॱमाङेबालाक। धेनी खोङबागी होदेला सुवालाक, “देने ॱहाला ढेबु नामाः ॱमाकेया स्‍योक!” धेनी लाम्‍साङ होदे सेयापगी दोङबोगो काम्‍बालाक।

मेथा 25:29

घीझ्‍येरी ॱनाना हो़गीनगोला ॱयो़ल्‍ले माङा तेरकीलाक धेनी खोला मेछो़ली झ्‍युङगीलाक। हीना मेगीनगोने खोला हो़गीनगोवा, खोने ठोक्‍कीलाक।

मेथा 3:10

धान्‍दाराङ, दोङबोक्‍याई चावाला तीरी श्‍याक्‍सादुक। धेनी ढेबु शाङपो ॱमेकेगीन, दोङबो घीरी चेदी मेला ॱयुक्‍कीलाक।”

मेथा 3:12

खोङबागी क्षाकला ठोमा ॱनुम्‍दुक धेनी खोङबागी होरा चाङमा जेगीलाक धेनी डोक्‍या दुरी, डुखाङला श्‍याक जेगीलाक हीना फुप्‍माक्‍या नामा ॱमीस्‍यीगीन, मेगी ॱराक जेगीलाक।”

मेथा 7:19

ढेबु शाङपो ॱमेकेगीन स्‍यीङदोङ घीरी, च्‍येदी मेला ॱयुक्‍वालाक।

मारकु 4:20

धेनी सा शाङपोला तोरता साङागो दे मीक्‍या लाक। खी़ का ङेन्‍दी खेलेन झ्‍यीगीलाक धेनी साङा च्‍यीकने रीङगाने सुमच्‍यु, रीङगाने ढुकच्‍यु धाङ रीङगाने ग्‍या झ्‍येरी ढेबु फेगीलाक।”

लुका 8:13

धोरुकला थोरकीनक्‍या काला ङेन्‍दी ङ्यामो घेरी, लाम्‍साङ खेलेन्‍गीनक्‍या लाक। हीना होदेगी चावा मेगीन झ्‍येरी, धी़चो़ तीते थुक्‍पे धेपा झ्‍यीदालाक धेनी छो़तागी धी़ला धेपाने लोक्‍वालाक।

योहान्‍ना 15:1

“ङा नी घुन्‍डुम स्‍यीङदोङ धेन्‍पागो हीन धेनी ङी याप नी घुन्‍डुम दुम्‍रा क्‍योङगीनगो हीन।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:3

ङी स्‍येगीन का दी, खेक्‍या एन्‍दुरु चाङमा झ्‍युसावालाक।

योहान्‍ना 15:6

ङी नाङ ॱमेनेगीनगोला याक्‍का च्‍योक्‍रे, फीला ॱयुक्‍कीलाक धेनी काम्‍गीलाक। धेनी होदे याक्‍काक्‍या रुक्‍ती मेला ॱयुक्‍ती ॱरालाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

योहान्‍ना 17:12

ङा खुङक्‍यामुला हो़ती घाङला, खेराङगी ॱनाङना छेनगी वाङ थोक्‍ने ङी खुङक्‍याला ॱरुरी क्‍योप हो़क। सुङरापला सुङगीनगो डुप्‍येगी क्षीला, तोरये हीन्‍गीन मीगो माना खुङक्‍याने च्‍यीया ॱमातोर हो़तालाक।

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

रोमापा 11:22

होझ्‍येरी को़न्‍क्षोकगी ॱङीङजे धाङ चुवाला दो़नाङ झ्‍यी। काला मेङेन्‍गीनक्‍याला खोङ चुवा जेदालाक हीना खोङगी ॱङीङजेला मी़थुने ॱलो काना, खोङगी खेक्‍याला ॱङीङजे जेदालाक। देरे मेन्‍ना खेक्‍यालाः चेदा जेगीलाक।

रोमापा 8:28

धेनी को़न्‍क्षोकला झाम्‍पा झ्‍यीगीन धाङ खोङगी थुकोङला तेन्‍दी, भो़पाक्‍याई क्षीदु खोङगी दो़न घीरीला शाङा जेदालाकॱनेरी, होराङला स्‍येये हो़तालाक।

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

तीतोस 2:14

धेनी होरी धीक्‍पा घीरीने थारपा ॱनाङयेला धाङ होराङला चाङमा शो़री, खोङबा खोराङगी क्षीला मीरीक जेयेला धाङ लेगा ढाङपो झ्‍यीयेला खेलेन झ्‍यीगीन झ्‍युङयेला, मास्‍यीकागी राङगी कुसोक होरी क्षीला ॱलो़ तावालाक।

ईब्‍रीपा 12:15

मी सुवा को़न्‍क्षोकगी थुक्‍जे थोप्‍येने खा माडास्‍योक ॱनेरी, दो़नाङ झ्‍यी। धेनी खेक्‍याला ॱङ्योक्‍टा ॱलाङगीन धाङ माङाला ॱमेचाङा शोगीन, दुकगी चावागो केरु ॱमीच्‍युक्‍येला दो़नाङ झ्‍यी।

१ योहान्‍ना 2:19

खुङक्‍या होरी घुङनेराङ थो़न्‍दी सोवालाक हीना खुङक्‍या ॱङोन्‍नेगो, होराङ स्‍योकने मालाक। घीझ्‍येरी ॱनाना खुङक्‍या होराङ स्‍योकने हीन्‍ना, खुङक्‍या होराङमुला राङ धे हो़टु हीना खुङक्‍या घीरी होराङने डारी डुगीनगी़ राङ, होराङ स्‍योकगी मालाक ॱनेरी सावो झ्‍युङालाक।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।