योहान्‍ना 15:15 - ॱलोवा

¹⁵ धा देने ॱहाला ङा खेक्‍याला ॱयोक्‍पो ॱनामेन घीझ्‍येरी ॱनाना पो़न्‍पोगी घी झ्‍यीगीनगो ॱयोक्‍पोगी ॱमेस्‍येलालाक। हीना ङा खेक्‍याला छो़ढोक ॱनाहीन घीझ्‍येरी ॱनाना यापने ङी घी जाज्‍या घीरी ङी खेक्‍याला स्‍येहो़क।

योहान्‍ना 15:15 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

लुका 10:23

धेनी खोङबागी ङेनेक्‍याई स्‍योकला शीक्‍ती खुङक्‍याला शुरला सुवालाक, “खेक्‍याई घी थोथागो थोङगीन ॱमीकक्‍या झ्‍यीलाप क्षे लाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 13:16

ङा खेक्‍याला धेन्‍पा धेनक्‍याङ ॱनाहीन, ॱयोक्‍पो नी दाक्‍पोने खाक्‍क्षे मेयोङगीलाक धेनी भाङछेन नी, खोला ॱङाक्‍कीनने खाक्‍क्षे मेयोङगीलाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

योहान्‍ना 16:12

“ङाला धोराङा खेक्‍याला ॱमीच्‍यीकी माङा ॱनायेहो़क, हीना धान्‍दा खेक्‍याई दे शो़गोम झ्‍यी थुक्‍कीमालाक।

योहान्‍ना 17:26

खेराङगी ङाला जेगीन चेवा दे, खुङक्‍याई नाङ ॱनेये धाङ ङा खुङक्‍या नाङ ॱनेयेगी क्षीदु, ङी खेराङगी छेन खुङक्‍याला ॱङो़न्‍दु च्‍युकहो़क धेनी देरे झ्‍येरी च्‍योई ॱङो़न्‍दु च्‍युक्‍येहीन।”

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

योहान्‍ना 4:19

होदे केमीगी खोङबाला श्‍यी़वालाक, “ॱलोपो़न ला, खेराङ ॱङो़नस्‍येखेन च्‍यीक हीन्‍गीनगो ङी स्‍येजुङ।

योहान्‍ना 8:26

खीकी कोरला ॱनाये माङा धाङ ठीम चेये, ङाला माङा हो़क हीना ङाला ॱङाक्‍कीनगो धेन्‍पा हीन धेनी खोङने ङी घी घोरकीनगो, ङा जीक्‍तेनला स्‍येदाहीन।”

जेपा 20:27

घीझ्‍येरी ॱनाना ङी खेराङक्‍याला को़न्‍क्षोकगी थुकोङला हो़गीन, स्‍येघोगीन लाब घीरी स्‍येयेला ग्‍याप ॱमालोक हो़क।

रोमापा 7:15

ङी घी झ्‍यीगीनगो ङाराङगी ॱहामेघोवा। घीझ्‍येरी ॱनाना ङी घी दो़गीनगो ङी मीझ्‍यीदा, हीना ङी घी दाङा झ्‍यीगीनगो ङी झ्‍यीदीक।

१ कोरीन्‍थुपा 2:16

घीझ्‍येरी ॱनाना “चोवोगी थुकोङ सी़ स्‍येलाले? खोङला सी़ ॱलापच्‍या ग्‍याप थुप्‍कीले?” हीना हीकीमुला मास्‍यीकागी थुक हो़तालाक।

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 3:5

धेनी साङवा दे, एम्‍मागी मीरापला ॱङो़न्‍दु माजेपालाक हीना धान्‍दा धाम्‍पे थुक्‍ङीगी गोने, खोङबागी धाम्‍पे कुछापक्‍या धाङ ॱङो़नस्‍येखेनक्‍याला, को़न्‍क्षोकगी ॱङो़न्‍दु जेपालाक।

कोलोसेपा 1:26

धी़रापने धी़राप धेनी मीरापने मीराप थुक्‍पे हो़गीन साङवागो, धान्‍दा खोङबागी धाम्‍पे मीक्‍याला ॱङो़न हो़तालाक।

फीलेमोन 1:16

धा देने ॱहाला खो ढेन्‍योक मेन्‍दा, हीना ढेन्‍योकले ल्‍हाक चेवे पी़न च्‍योक्‍रे लाक। ॱमीक्‍सेदु ङी क्षीदु हीना ख्‍यी़ क्षीदु खो देने ल्‍हाक ढेन्‍योक धाङ चोवोगी नाङ चेवे पी़न लाक।

याकोब 1:1

को़न्‍क्षोक धाङ चोवो येशु मास्‍यीकागी ढेन्‍योक याकोबने, जीक्‍तेनदु थोरती धेता याहुदापा ग्‍युपा च्‍युङङीक्‍याने, मास्‍यीकाला धेपा झ्‍यीगीनक्‍याला छाम्‍डी श्‍युवाहीन।

याकोब 2:23

धेनी सुङरापला देरे ढीक्‍टा कागो डुप्‍पालाक, “आब्‍राहामगी को़न्‍क्षोकला धेपा झ्‍येवालाक धेनी दी थोक्‍ने, खो ढाङतेनगी मी च्‍यीक चीवालाक।” धेनी खोला को़न्‍क्षोकगी छोटोक ॱनेरी ॱनालाक।

१ पेटो 1:11

खुङक्‍याई सेम नाङदु श्‍युक्‍कीन मास्‍यीकागी थुक्‍ङीगी, मास्‍यीकागी दुक्‍पुक्‍या धाङ दी स्‍याम्‍ला झ्‍युङगीन शीजेगी कोरला ॱङो़नस्‍ये जेदी घाङला, होदेगी धी़ धाङ ॱनेछुक्‍याई कोरला खुङक्‍याई चाजो़ झ्‍येवालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

युदा 1:1

येशु मास्‍यीकागी ढेन्‍योक धाङ याकोबगी नो, ङा युदाने, याप को़न्‍क्षोकगी चेवे धाङ येशु मास्‍यीकागी दो़न्‍दु, ॱरुरी श्‍याकश्‍या, भो़पा पी़नक्‍याला,

ॱङो़न्‍पा 1:1

ग्‍योक्‍जे डुप्‍घोये हीन्‍गीन ॱनेछुक्‍या, राङगी श्‍याप्‍चीपाक्‍याला तो़न्‍येगी क्षीदु, को़न्‍क्षोकगी येशु मास्‍यीकाला ॱनाङा जेजा ॱङो़न्‍पागो दे लाक। दे नी, खोङबागी राङगी भाङछेनला राङगी श्‍याप्‍ची, योहान्‍नाचारु झाङा जेदी ॱङो़न जेपालाक।